متى اجهز ؟ وشنو اشتري ؟

[عمة الورد]

السلام عليكم

بنات انا اكبر خواتي و اول عروس بالبيت
و امي عروس قديمة

عشان جذي متوهقه مو عارفه متى اجهز
ولا اعرف شنو اصلا اجهز و من وين ؟

ابي اعرف بالضبط الكميات و شنو اشتري اول و شنو اخلي له ميزانية ؟

الفزعة يا عرايس !

و نبي نخلي الموضوع مرجع لكل عروس متوهقه مثلي

بليييييييييييز لا تطنشوني :eh_s(17): :**

 

[عمة الورد]

و الذهب متى اشتريه ؟

اخاف يرتفع سعره

 

[فدوووو]

الذهب اشتريه من الحين لانه ناار

بس بعدين بيرتفع اكثر

حلو باقي على زواجك ست شهور يعني يمديك من الحين

فستاين الافراج بعد العيد راح ترتفع دبلات


انا من السعوديه لاتنسين تكتبين اللي تبينه بنوته

واب لعيونك بس خذي لك فرة بالقسم

 

[عمة الورد]

انا ودي ابدي من شهر ١ عشان تنزيلات فبراير

تهقون يمدي !

 

[LADY~O$CAR]

حبيبتي شوفي المواضيع المثبته فوووق

والبنات ان شاء الله ما يقصرون معاج

 

[يرخصلك كل غالي]

نفس حالتي اول وحده بالبيت

ومو عارفه شلون اقسسمه

بس انا باجيلي ٧ شهور

مفكره ابدي بجايم وقمصان ع شهر١٢ اذا في تنزيلات

ولباجي بشهرين يخلصون

 

[عمة الورد]

بس بنات شلون نقسم المهر ؟

صراحة حست وانا اقسم و اشطب ما طلع معاي شي

و صراحة رحت شريت لي بجايم و ملابس البيت

و اكتشفت اني اخذ قصار او الوان مكرره

او نفس الستايل

هيلب مي بلييييييز

 

[Angel_store]

اب اب اب

 

[عمة الورد]

^ رفع الله مقدارج

 

[IPHONElady]

اب اب اب

حبيبتي ادورلج رابط وحده كاتبه تقسيمتها واحطه هني عشان تستفيدين منه

وعقبااالي يااارب

 

[someone like u]

انتي معاي نفس الوقت .. وانا بعد الاولى وماعندي حد فالعيله قبلي
وحددددي متوهقه من ناحيه الكميه
اخاف اكثر واتملل منهم ويقدمون ومالبس شي
بس انتي حطي في بالج ان اللي بتاخذينه بتلبسينه شهرين 3 بالكثييير
لان عقب بينزل الكولكشن الصيفي وبعد بتملين منهم .. ويمكن يتغير جسمج

 

[عمة الورد]

يلا بنات شدعوة !

 

[IPHONElady]

حبيبتي هذا رابط الموضوع وموفقه

http://www.q8yat.com/t948713.html

 

[عمة الورد]

فديتكم :*

وناسه سم ون يو لايك نفس وقتي :d

يلا نبي نصايح وينكم عرايس

وين الحلوات

 

[أخر العنقــــود]

up up up
up up
up

 

[عمة الورد]

^ عارفه هالطريقة
بس ابي متى اجهز ؟
و شنو اشتري اول الاساسيات مثل نفنوف العرس و الذهب ولا التناتيف ؟
و متى احجز النفنوف و المكياج !
فزعتكم عرايسنا
و اللي عندها شي تذكرني فديتكم

و عسى ربي يوفقكم كلكم

 

[عمة الورد]

وينكم بنات ؟

 

[Mrame]

up
up

حييَآتي ، نفسسي انآ بآقي لي ست ششهور :$

آبدي آلحين بس شغلآت خفيفه ..
مثل : [ آلعطور + بخور + لآنجري + مكيآج ] ..
آستغلي التنزيلآت ،

عندجَ دبنهآمر مسوي تنزيلآت + آغلب آلافنييَو روحَي
وألقي نظرآ <~ متعوَب عَ آلقي نظرآ هههههههههههه

لآن هم آلي مآ تتغير موظتهم ولآ تخَرب ،

آمآ آلبآقي آنطري ع شههَر 1 آو 2 ..

وآلله يسهلهآ علينآ ويوفقنآ يَ ررب ..


* سبحآن الله وبَ حمَده ، سبحآن آلله العظييَم !​

 

[someone like u]

اهم شي فستان العرس ابدي من الحين لان يبيله دواااره واذا بتفصلين بيطووول
ولاتقولين باقي وقت .. كل ماشفتي شي عجبج اخذيه خصوصا ملابس البيت لان بتحتاجينها وااايد وماتروح موضتها ولا تقدم
انا اشوف العطور والمكياج عادي خليها اخر شي .. انا بسووي جذي مع ان امي قالت لي مابتخترب
الذهب بعد ابدي فيه من الحين وخلصي منه لان ماتروح موضته
بدل السهره والدراريع خليهم بعدين
واخر شهر قبل العرس خلج ريلااااكس وتكونين مخلصه كل شي ماتلفين في السوق

 

[عروس الزين]

حياتي اول شي الف الف مبروك و عسى ربي يرزقج بذريه الصالحه

شووفي وانا اختج اهم ششي قبل تجهيز اشتري الذهب من الحين لانه ناار بس بعدين بيرتفع اكثر

و بعدين عاد اشتري البجامـــات بين بجامات الحرير والشورتات والبجامات القطنيه ( مهمه ايام الدوره ) وبعد لاتكثرني يعني 10 كفايه و

الملابس الداخليـــه من15 الى20 طقم و بعدين قمصـان النووم 15 قميص نووم بين الطويل والقصير والرئيـــــــيسي الي حق اول ليله يكون طويل

وبعدين نفنوف العرس و صالون و شوز بألوان أساسيه أسود-أبيض-بيج-فضي و الجنطه تنوع وتاخذ 2 او 1 جنطه ماركه بس لا اكثر و المكيـــاج كريم أساس للسهرات ( ديور).
كريم أساس للاستعمال اليومي ( ذا بودي شوب).
- أساس استوديو فيكس من (ماك)
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).
- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم)
- الشدو:
بيق مينت من ماك للسهرات بآخذ ألوان معينة .
- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .
البلاشر :
نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.
مثبت الشدو:
من ماك رهيييييييب و يخلي اللون يثبت و ما ينثر على الوجه.
- رموش :
ماك.

و بعدين مفــرش السرير و الساعـــــات ساعة ليلة العــرس ... وساعتين وحده عمليــه و وحده كشخه للزيارات وغيرها

وبس اي سؤؤال من عيووني