متى اعرف اني حامل :(

[بنت المها]

.



السلام عليكم

بسالكم متى احلل وتطلع النتيجة بالحمل ؟ انا دورتي بعد 8 ايام تقريبا اقدر اعرف اني حامل ولا لا ؟
مافيني صبر
ادعولي الله يفرح قلبي بالولد الصالح :eh_s(11):
وبالنسبه للالام الصدر هل اهي من عوامل الحمل و الم خفيف بالبطن ؟
ولا تهيواات

 

[فلنتينو]

حبيبتي نفس الم دوره بالضبط مغص بالظهر والبطن والم بالصدروكثر الافرازات
نطرري لي تطوفين موعد الدوره وشوفي ماعتقد يبين

انا حملي بولدي غسلت من الدوره وحملت وراها ليما جا موعد الدوره الثانيه واحس بألام الدوره ذبحتني وكل شوي البس كوتكس انطرها تنزل ماكان عندي علم بالحمال وماعرف شلون اني حامل وماكنت اعرف اذا تأخرت يعني حامل

المهم ليما طاف على موعدها اسبووع وسألني زوجي اذا نزلت ولالا قلت لا اهو من نفسه جابلي التحليل ويعلمني طريقته<<خخخخ عليميه
لما حللت طلعت حامل ولا مخلصه الشهر الاول وداشه بالثاني<< كتبت قصة حياتي

 

[بنت المها]

فلنتينو
انا اول مره لما حملت يتني نفس الاعراض وماكنت مهتمه بالحمال وعقب سقطت
قبل سنه تقريبا ليلحين ما حملت !
ادعولي الله يرزقني هالشهر انا متفائله وايد

 

[tbola]

انشالله ربي يرزقج يارب نطري لي موعد دوره

 

[بنت ذآك الأمير!]

..الله يرزقج يآرب عن قريب ويفرح قلبج..

 

[ننوشــآ]

حاسه فيك ، ان شاءالله ماتشوفين الدوره وتكونين حامل يارب

انا الشهر هذا ماجتني وطايف موعدها اربع ايام ، وحللت طلع خط خفيف ان شاءالله حامل ويثبته لي يارب
اللي حسيته الشهر هذا ، حسيت جسمي حار واتعرق وحتى لوكنت بمكان فيه مكيف ، والم بالظهر والبطن ودوخه
واحس بغثيان ،امممممم ماادري هذا اللي حسيته ..!!

 

[KOKO_284I]

بعد موعد الدوره بيوم يبين

 

[So MuCh PaIn]

الله يرزقنا بالذرية الصالحة .. آمين

يارب تكونين حامل

 

[om-s3oodi]

مممممم

حبوبة .. أهوا الأفضل أتسوين التحليل عقب الدورة ما تتأخر ..

والأعراض اللي قلتيها أعراض حمل ..

ما عليه تصبري شوي .. وعسى ربي ما يخيب رجاج يارب العالمين ..

 

[أم سيف وسلطان]

بعد الدوره ما تتأخر

 

[بنت المها]

امييين يارب عسى ربي يفرح قلبي وقلبكم
ومن اليوم قمت اتشهى مادري نفسيا ولا بداية نسااة

 

[فرااااولة]

يا حبيبتي لا تفكرين وايد بأعراض الحمال

انا متزوجة من خمس سنين ، وعقب سنتين حملت بولدي
وقبل هالسنتين الله لا يوريج حالتي
كل شهر اتصور اني حامل واعييش الدوووور
حتى النساة تنسيت ، كثرة التبول وصار فيني ، الدوخة وحاشتني
اللوعة والحارج وكللللللل شي
واخرتها تنزل

وبعد ما يبت ولدي نفس الشي الحين ،ابي احمل بس ما يصير
ونفس الحالات اللي قبل صارتلي لا وتاخرت الدورة بعد
واخرتها تنزل


اللي ابي اوصله لج حبيبتي احنا من كثر ما نفكر بالحمال انحس باعراضها ونتخيل ان احنا حوامل

انا ما اقولج لا تتفائلين، بالعكس قولي ان شاء الله حامل
بس لا تفكرين بالنساة وهالاشياء هذي اللي ما تبين الا عقب شهر ونص غالبا من ثبوت الحمل

بس الحمدلله الحين من اتييني هالاعراض على طول اقول انه وسواس وما افكر فيها

وباقي ع دورتي خمس ايام وان شاء الله انكون حوامل يا رب

يا رحيم ،،،

 

[بنت المها]

فراوله
انا باقي على دورتي 7 ايام
يارب يفرح قلبج بالظنا :*
وان شاءالله بحاول ما افكر
ربي يعين

 

[bint_looda]

الهرموني اتوقع يبين مبجر نطريلج يومين بعد وسويه وان شالله الله يكتب لج الي فيه الخير

 

[ام كوشه منكووشه]

حبيبتي الله يكتب لج الحمل السليم ان شاءالله

بصراحه انا كنت اسوي اختبار فحص الحمل المنزالي قبل الدوره اب 6 ايام ويبين معاي
بس عشان النتيجه تكون اوضح لازم تكونين مو مستخدمه الحمام عزكم الله قبل الفحص اب 4 ساعات

 

[ابدا يالغالي مانساك]

ربي يرزقج بشرينااااااا
عااااااااد

 

[BeNt PaRiS]

الله يرزقج ..