متى امتححانات صف رابع ابتدائي

[عزة نفسي]

بناااااااااااااااااااااااااات ابسالكم متى امتحانات الصف رابع

وشلون طريقتهم تكفوووووووووووووون افيددونى:0bee2e8d89:

 

[حبيبة الكويت]

أنا بعد أبي أعرف

 

[q879]

الامتحانات راح اتكون على اربع فترات الفترة الاولى شهر 11

 

[نوروظلام]

اي متى وشلون انا بعد بعرف

 

[kbssma]

انه بعد ابي اعرف واشلون نماذج الامتحان راح تكوون

 

[برونزيه شقرا]

وانا بعد معاكم

 

[10toto]

ولي اليوم امتحانه تربية اسلامية والامتحان يعني امتحان يعني يكمل الحديث وأسئلة و20-10 اختبار رياضيات والاختبارات حتى شهر 11

 

[حنون المزيون]

أنا عندي الخبر الأكيد ..

أقروا حبايبي وادعولي إن الله يفتح على عزيزان هاللي برابعه فتوح العارفين وتحلل عقدة من لسانه يفقهوا قوله وتجعله وزير " جنى طولت عليكم "

المهم ..

كل الإمتحانات بتكون من 30 (((( يا لهوتيييييييني )))))
العربي بيكون ورقتين أولى وثانية وكل وحده بيوم
الإنجليزي 3 امتحانات وأول 2 وقتهم لازم 60 دقيقه هذا قرار وزارتنا الحبيبه وعلى رأسهم الكنغ نوريا ذات الرأي السديد والعلم الرشيد فكنا الله منها
والإمتحان الثالث مال الإنجليزي بو15 دقيقه بس.

باجي المواد كلهم على امتحان واحد بس ويا تصيب معاهم يا تخييب
تبدى امتحانات الفترة الأولى من يوم 10/11 إلى 19/11 وقبلهم امتحانات بو ورقة واحده مثل العربي والإنجليزي

امتحانات الفترة الثانية بتكون الدبل من 60 وبيكون من المنطقة التعليمية وفيه كنترول ولجان وطبعا ممنوع القراءه للطلبه منعا باتا وفي رئيسة لجنه ومدرستين للمراقبه ... وفلتفرح يا قلبي ولدي يكتب العنكبوت .......... عن كبوت عز الله نجح

ملاحظه / الفتره الثانيه بتكون الكتاب كله يدرسه يعني الفتره الاولى والثانيه
نسيت أقولكم إن بعد فيه اختبار لمادة القرآن الكريم ونماذج اختبار لها من المنطقه نفس المتوسط يعني يسمع الفتره الاولى والثانيه ..لا وزاد عليهم التوجيه الفني من المهارات نسخ الأيات بالرسم العثماني .. يا حلاوه هالمساكين يكتبون واجب العربي وإلا يحفظون كلمات الإنجليزي وإلا باجي هالمواد اللي لها داعي واللي مالها داعي هالمره نسخ الآيات


بجد تخبط هالسنه والله حتن لمن كنا برابعه ثانوي كانت امتحاناتنا من 50 هالمره ابتدائي 60 ونجحوهم باولى وثالنيه وثالثه ورصوا هالإمتيازات وتاليتها برابعه يروسون خووووووووووووووووووووش ترويسه

 

[أم بنوته]

صح كلام الاخت حنون المزيون عن طريقة الاختبارات بس فيه تصحيح إنه الفترة الأولى من 40 و الثانية 60 عشان يصير المجموع =100
بس سالفة النسخ بالرسم العثماني يديدة اتأكد لكم منها باجر و أردلكم خبر
بس مساكين عيالنا يكسرون الخاطر على هالقرارات ،،،،،،،،،،، حسبي الله و نعم الوكيل على اللي كان السبب

 

[بواسم]

هلا خواتي ترى حسبالهم ان عيالنا عباقرة ولا الست نورية بطلعهم خالصين جامعة وهم بالابتدائي حشا امتحانات ثانوية عامة موابتدائي
خضت قلوبنا الله يسامحها .لو عندهم عيال بمدارس الحكومة ما سووشذي . افوض امري الى الله ان الله بصير بالعباد .
الله يعينكم وعينهم والله ما ادري ندرس الي بالابتدائي والا الي بالمتوسط

 

[حنون المزيون]

بنات في معلومه يديده ...

زادوا على الامتحانات امتحان شفوي للقرآن من 30 بالشهر غير تسميع المدرسه بالفصل

 

[مس باتشي]

الله يوفج الجميع

 

[amani]

الله يستررررررررررر قلبي بيوقف والله معانات

 

[الدلال]

باجر ولدي اللي برابعه ابتدائي عنده امتحان قصير رياضيات ومشكلة ولدي انه يجاوب شي ويكتب شي ثاني

يعني ما يركز بخلص بس وده يخلص بسرعه علشان يلعب

والله توني خالصه منه كله طق سنه بساعه , والله كاسر خاطري

ولي الحين انا ابجي ضمير يأنبني بس شسوي انا مضغووطه وراي احضر درسي حق الروضه باجر واهو بعد عمري مضغووط وراه مناهج ثانيه بين حفظ وواجبات

انا ما اقوول الا حسبي الله ونعم الوكيل على هاللي حط المناهج هذي

ترى هذول يهال عمرهم 9 سنين مو بالجامعه عمرهم 19 سنه!

 

[جولي لولي]

الله يعين عيالنا علينا من الطق

والله يعينهم على الدراسه

وحسبي الله ونعم الوكيل في اللي كان السبب

 

[عالمه كويتيه]

طبعا لازم تسوي جذييييه وزيرتنا المخترمه عيل منو يمشي سوق المدارس الخاصه والمدرسيين الخصوصيين غيرها أهي,, السالفه مو سالفة تطوير او اهتمام بعيالنا ,الاخت بتطلع من الوزاره بعد ماتقعد على جبودنا جم سنه بتفتحلها مدرسه خاصه فيها بعد ماخربت مناهجنا المدارس الحكوميه روحو روحو شوفوا وين وزراء التربيه السابقين كلهم فاتحين مدارس خاصه وماصين المواطنيين مص حسبي الله عليهم صارت ديرتنا ديرة لهييبّيه كلن يسحب من جيب المواطن من صوب .

 

[روقاء]

مالت عليهم وعلى قراراتهم انا ولدي زين يكتب اسمه عيل شنو نسوي في الامتحانات الله يوفق عيالنا قولوا
آمييييييييييييييييييييييييييييييييييييييييييين والله محتره ولايعه جبدي من التربيه وقرارتها كل يوم:krkrkr:

 

[نجودي]

بنات الي ولدها في ابو ذر خلونا نتساعد ونعرف شنو الامتحانات اول باول

 

[فوفو22]

امبييييييييييييييييه ولدي لين الحين ما يعرف يقرا برابعه


يا حسرتي

 

[أم عبووووود]

شوفوا قرار التوجيه اليديد في تسميع القرآن الكريم في امتحان القرآن في الفترة الاولى والفترة الثالثة عليه 30 درجة يدش
الياهل لجنة من مدرستين وسيحب له بطاقة عليها الجزء اللي مكلف ان يسمعه طبعا اللجنة من المدرسة والسور المطلوبة تكون مقسمة كل جزء رقم ويسمع ماراح يحسبون اول 3 غلطات وبعدين كل غلطة ينقص درجة
اما الفترة الثانية والفترة الرابعة راح يكون على امتحان القرآن الكريم 60 درجة لكل فترة واللجنة راح تكون من التوجيه من بره الدرسة هذا اللي انا سمعته في اجتماع ودي وبتي والله يوفق الجميع