متى تطلعون مع البيبي ؟

[Dua'a]

صباح الخير بنات :eh_s(21):
حبيت أعرف منكم متى تطلعون مع البيبي لمطعم أو مجمع ؟ في أي عمر ؟ أنا من شهر والده و ودي أعرف :wqedqw:

 

[om-Jana]

والله الي انتي اتشوفينه انتي امه وانتي الي اتعرفين تصلحله الطلعه ولا لا

بس اهم شي ما تعرضينه حق شمسنا الحلوه

في ناس ما اتحب اتطلع عيالها خير شر لين 6 او 7 شهور عاد تعالي قضبي العساره لان مو متعود
وفي ناس عادي
الي يرحج لان هذا الموضوع تختلف فيه وجهات النظر وكل واحد وطريقته

 

[meen_ana]

حبووبه على حسب انا بنتى من عمرها شهرين طلعتها ولمن بالاربعين كنت اروح الزوارات

 

[Tosta M7mSha]

مثل ما قالت ام جنا
على حسب انا بنتي كنت اطلعها من عقب الاربعين وين ماروح معاي اخاف اهدها بعدين عادي مرات اخذها مرات اخليها حسب نوع الطلعه والمكان

 

[om MaRyooM]

لما طلعت من الاربعين كنت اوديها معاي الزوارات بس ..

ويوم كملت تقرييبا ال3اشهر بديت اطلعها المشاوير الخفيفة بس

وعلى حسب الياهل اذا كان سهالات ولا لا . .

 

[الأميرة جوري]

علي حسب انا بس لزوارات ,,,,,ليمن يكمل سنه قليل اكلعه لاماكن الي برا بس بعد 3 سنوات كل مكان,,,,,,,ولانهم صغار ومايفهمون شيء

 

[الأماكن]

رد : متى تطلعون مع البيبي ؟

والله ماطلعهم مكان

لين يكملون السنة

انا بالي مو طويل عاليهال ... و اتنرفز بسرعة

 

[ام اغلى الناس]

انا من يطلع من النفاس اخذته بالزوارات
اما مجمعات و غيره لا ما انصح
اخذته مره و ندمت
انطري لين يكبر شوي
يعني يمكن سنه

 

[ام ريونتي]

بنتي كنت اخذها معاي كل مكان من اول ماطلعت من الاربعين لاني مجبوره ماقدر اخليها الحين صارلي
6 شهور والده وعندي توأم صبيان ماطلعوا غير الزوارات ماقدر عليهم بصراحه عندي اقعد بالبيت وايد اشرف
هذا يبي بامبرز وهذا يبي حليب وريونتي تبي العاب انا اهني امووووت احسن عندي لما يكملون سنه وايد احسن

 

[أغلى المشاعر]

رد : متى تطلعون مع البيبي ؟

انا ولدي ماطلعته الا بعد ماكمل سنه للمطاعم والمجمعات

 

[عزاااه]

اي احسن عمر سنه

 

[ShoOog el3YoOoN]

انا ولدي الحين قمت اطلعه معاي لماصار عمره سنه جذي

 

[سموره 87]

انا بنتي لما كملت 6شهور اخذها معاي بالمجمعات
اما الزوارات غير بيت اهلي توني من يومين قمت اخذها معاي

 

[Dua'a]

مشكورين بنات على ردودكم :eh_s(21): أغلبكم قال سنة تقريباً :eh_s(10):

 

[كبسة جلكسي]

انا من سنه اخذه بس مودااايم
بس اووديه العبه وبس يعني ماافتر فيه

وبوودي اخذته مرره السووق وهو عمره 3 شهوور ومرض وعقبها توووبه مااطلعه

 

[كريستال]

رد : متى تطلعون مع البيبي ؟



سنه على الاقل

 

[عواار قلب]

متاابعه

 

[eman84]

انا بنتي بديت اطلعها لما كملت سنه وقبل جذي بس الزوارات !!
لان ماتفهم و بعدين الياهل يبي فراشه ومكانه ليش الغربله ؟

 

[ناتشوو]

اذكر بنتي من طلعت من النفاس معاي بكل مكان
سوق طبيب زيارة اهل عزايم افري وير ( :
ماكان عندي خادمة
وبيتي بعيد عن بيت اهلي وحمولتي
مافي مجال احطها عند احد
بس الجاهل بالعمر هذا مايتعب معاي رضعته وماي واكل بسكوت ما بسكوت وبدراجته ساكت
بس لي كبر يبدي يضايق
الحين بديت اكره المشاوير لما بنتي صار عمرها سنتين
يبيلها بس واحد يركض معاها ما تستمتعين بالتسوق