متى تكتمل رئة البيبي ؟؟ تكفووون ضروري

[حبيبه قلبه]

اهلين بنااات

شخباااركم؟؟

من شوي رجعت من الدكتوره وقالت لي اني بالاسبوع 32 وقلت لها ان لي 4 ايام تقريبا

حركة البيبي زايده قالت لي يمكن ان فيه تقلصات تخلي البيبي يتحرك كثير لان في الشهر الثامن المفروض تقل حركة الببي ماتزيد

وقالت دايم انسدحي على جنبج اليمين او اليسار وخففي علاقه زوجيه

لان التقلصات اذا زادت معناها ينفتح الرحم وتكون ولاده مبكره وانتي توج 32 اسبوع مابعد الرئه تكتمل عند البيبي

سؤالي

متى تكتمل الرئه عند البيبي؟؟ في اي اسبوع ؟؟

الله يرزقها الجنه اللي ترد علي :eh_s(1):

 

[um hajer]

هلا غناتي

كلام الدكتورة صح، تكتمل رئة الجنين لين اخر فترة الحمل، يعني لازم تكملين على الاقل 37 اسبوع، واذا كان في ولادة مبكرة لا سمح الله، يعطون الام ابرة لرئة البيبي

الله يسهل عليج غناتي

 

[نونو نونوه]

والله ما عندي فكره حبيبتي عسى الله الله يسهل عليج انشاالله حبيبتي ويتمم عليج وعلى البيبي بصحه وعافيه

 

[حبيبه قلبه]

مشكوووره حبيبتي عالرد

 

[عشماويه]

حبيبتي الاسبوع الـ 36 تكلمين التاسع وتكتمل رئتين البيبي


بس مع هذا عادي لو ولدتي أبجر وعدم اكتمال الرئه للبيبي يعني يحطونه بالحضانه لين يكمل التاسع


الله يحفظكم وإن شاء الله تكلمين التاسع وتولدين بالسلامه

 

[غير كل الناس]

اللي اعرفه علي اسبوعين من السابع

 

[موني موني]

اللي اعرفه يصير وضع الرئة بالامان بالاسبوغ ال34

 

[tota kim]

تكتمل رئة البيبي بالاسبوع ال34 انا مسجله بالموقع اللي كل مادش اسبوع من الحمل يدزولي شيصير بالبيبي ودزولي بس دخلت اسبوع 34 انه رئة البيبي اكتملت

 

[ام برووك]

هلا عزيزتي الرئة تكنمل في الاسبوع 34 بس طلبي من دكتورج ابرة الرئة زينه فيها يكون البيبي بأمان بأذن الله

 

[حبيبه قلبه]

مشكووورين حبايبي عالرد

طمنتوني

 

[strawberrry]

تكتمل الرئة في الاسبوع ال34

 

[عشماويه]

لا بنات آنا وايد قاريه عن هالموضوع


رئتين البيبي ما تكتمل وظائفهم إلا الـأسبوع 37 من الحمل يعني بعد ما تكمل الشهر التاسع


عشان جذي المواليد الخدج يحطونهم بالحضانات لين ما يكتمل عمرهم

 

[الحلوه الأموره]

انا توني قريت كتاب يقولج ان رئة البيبي تكمل بالشهر التاسع ... يعني بأي اسبوع من الشهر التاسع مافي مشاكل انج تولدين

بس على فكرة ... انا بجر ... اول مادشيت الثامن كانت حركة البيبي خفيفه يومين الى 4 ايام ... بس بعدها ماشاءالله يتحرك بقوه

امممم مادري بس وضع البيبي تمام الحمدلله ...

عموما اذا خايفه اخذي االابره اللي قالت عنها الاخت ... انا سمعت انها تفيد ماتضر والله اعلم

كلمي دكتورتج

الله يسهل عليج وعلينا يارب العالمين

 

[Miss_Moon]

الله يسهل عليج يارب

 

[حبيبه بدر]

ماعندي فكره بس اتوقع اول التاسع

 

[ليالي العاشقين]

حياتي بنص الثامن تكتمل...
واذا الله لا يقول انفتحي يعطونج ابر
حق البيبي تكمل الرئه عنده
ومافيج الا العافيه ..
بس ريحي نفسج

 

[ShoOog el3YoOoN]

اللي اعرفه 34 اسبوع تكتمل .. يعني اذا دشيتي اول التاسع تقدرين تولدين ومايكون بالحضاانه ...
الله يسهل لج اموورج ياارب

 

[*الجادل*]

انا ولدت بنص الثامن وماحطوا البيبي بالحضانه...لأن باول الثامن دخلت المستشفى الرحم كان معاي مفتوح وعطوني الابره اللي تكمل الرئه... الطب تطور

حبيبتي عادي في شكر بنات معاهم تقلصات من السادس ...وبالثامن تزيد... بس ماتكون منتظمه اذا منتظمه هنيه الخوف من الولاده



الله يتمم عليج حمالج وتفرحين باالبيبي وانتي معاه بصحه وسلامه

 

[ريحانة_14]

أنا سألت دكتورتي عن اكتمال الرئة لأني حامل بتوأم وخايفة أولد ولادة مبكرة ..
فقالتلي إن بالإسبوع الـ 35 خلاص البيبي مايحتاج حاضنة بإذن الله سبحانه وتعالى
وهم يختلف من الولد لي البنت .. لأن البنت تكتمل أعضائها ورئتينها أسرع من الولد

ومثل ماقالوا البنات .. إذا خايفة على وضع البيبي إخذي إبرة تنشيط الرئتين
صحيح إنها تحتوي على نسبة من الكورتيزون لكن بالحالات الإضطرارية مافي مشكلة فيها

وتولدين بالسلامه حبيبتي

 

[eman12]

حبيبتى انا ما اعرف بالظبط بس بصراحه ماحبيت اطلع قبل لا ادعي لج الله يتمم عليج يارب ومايحتاج البيبي حاضنه
ويسهل علينا يااااااااااااارب ولادتنا ويقومنا بالسلامه