متى حسيتي بأعراض الحمل؟؟؟

[طفلي حياتي]

السلام عليكم ورحمة الله وبركاته
اختكم طفلي حياتي من البحرين اتمنى القى الترحيب بينكم
نيي حق السؤال
انا حامل بالاسبوع التاسع بدايته وللحين ما احس بأي عرض من اعراض الحمل وخايفه ليكون الجنين متوقف نموه
منو فيكم تقدر تفيدني او تطمنني
هل طبيعي للحين ماكو اعراض يعني عمر الحمل شهرين وما حس بشي غير شد في اسفل البطن اذا عطست او قمت بسرعه او سويت حركه غلط وعندي كثرة التبول عزكم الله
وبعد فيني عرض انو طعم ريجي يصير كريه ومر اذا خلصت من اي اكل يعني وقت الاكل عادي بس اخلص يتغير الطعم
هل تكفي هالاعراض للاطمئنان؟
لاتنسون تجاوبون سؤالي
متى حسيتي بأعراض الحمل ؟؟ بأي شهر؟؟.
ومشكورين مقدما

 

[ام اميره]

عاادي حبيبتي انشاءالله اموورج طيبه
بس اذا حابه تتطمنين سوي سونار
والله يثبته لج ياااارب

 

[طفلي حياتي]

رد : متى حسيتي بأعراض الحمل؟؟؟

شكرا حبيبتي ع الرد وعندي موعد باجر سونار وخايفه
ان شاء الله حد يطمني
ونسيت اقول ان ظهري عند اقل جهد يألمني وآلام الدوره قاعده تييني مثل اول ما حملت مادري شالسالفه يصير تيي الاعراض بالشهر الثاني مال الدوره اقصد؟؟
يارب رحمتك

 

[ام اميره]

اي عاادي اتحسين بعوار مثل الدوره كل ماتدخلين شهر جديد لااحاتييين ماكو الا العاافيه بس ريحي ظهرج والله يتمم عليج بالصحه والعافيه والله يطمن قلبج ياااارب

 

[Om 3zo0oz_2011]

أنا مثلج حبيبتي

تدرين متي حسيت بالنساه لمن دشيت الثالث سبحان الله

علي حسب كل جسم

 

[Um_dede]

رد : متى حسيتي بأعراض الحمل؟؟؟

ايييي انشالله عادي أنا سالت الدكتورة و قالت كل وحده غير في ناس يحسون بالحمل و في ناس ماشالله مايتأثرون و انشالله بأجر اتطمنين حبيبتي

 

[حرم يوسف بيك]

رد : متى حسيتي بأعراض الحمل؟؟؟

باول الاشهر ماتحسين بحركة البيبي وعادي اتحسين بالمغص نفس الدوره وتنحسرين وايد كله حمام حمام ); وتحسين في بطنج مثل غازات وطبعا بالقومه السريعه يشد ولاتوسوسين وتحاتين ماكو الا العافيه

 

[*ماي الورد*]

عادي فيه حريم ما يتنسون كلش
بس نطري لي الثالث لمن يوصل هرمون الحمل للالاف راح تبتدي النساة

 

[دلوعة المطران]

عادي ياقلبي لاتحاتين .. وعشان تطمنين اكثر سوي سونااار .. والله يسهل عليج ...

 

[غلا عيوني]

رد : متى حسيتي بأعراض الحمل؟؟؟

سووي سونار عشان تتطمنين على البيبي

 

[خليفة العظماء]

عادي في وايد حريم مايحسون بنساة واذا في شد بأسفل الرحم وألم هذا يعني قاعد يتمدد الرحم عشان يستعد للجنين
ربي يثبته لج يارب

 

[om_3azoz]

عادي حبيبتي موشرط تتنسين ولا ترجعين ولا شي من هذاا

اتذكر انا نفسج يوم حملت ماكنت ادري كلش الا بعد ماتاخرت الدوره علي بس بعدها بشهرين حللت لان قبلها نفس الشي تاخرت علي الدوره شهرين ومانزلت وحللت 3 مرات

عاد قلت ماني محلله الحين بنطر ونطرت صج شهرين وبعدين حللت طلعت حامل بهل شهرين ماكنت حاسه كلش كلش
وانا لين ولدت ماكنت مصدقه لوووول انسى اني حامل بعض المرات واركض وامشي بسرعه عادي

 

[طفلي حياتي]

رد : متى حسيتي بأعراض الحمل؟؟؟

شششششكرا يالغاليات
طمنتوني وايد
وباجر بأذن الله بروح اتطمن ويارب اسمع نبض البيبي واتطمن ادعو لي وابشركم ان شاء الله
في امانه وحفظه

 

[شووقة]

عادي موشرط تحسين الحين يمكن بالثالث تبدي النساة

 

[طفلي حياتي]

رد : متى حسيتي بأعراض الحمل؟؟؟

حبيت اطمنكم وابشركم يا احلى خوات عرفتهم
اليوم رحت وتطمن ع البيبي الحمدلله رب العالمين
الحمدلله الذي لاينبغي الحمد والتمجيد الا له وحده
شكرا لله شكرا لله
بنات ابغي تسوون لي شريط الحمل مثل اللي تخلونه بالتوقيع
يارب يتمم حملي على خير يارب ويعوضني سنين الحرمان اللي عشتها والاجنه اللي فقدتهم
ياب ترزق كل محرومه
بحق محمد وآل محمد الطيبين الطاهرين
آميــــــــــن

 

[ام اميره]

الحمدلله والله يتمم عليييج ياارب وتشووفينه بحضنج يااارب