متى يترك الطفل المميه(الرضاعه)

[miss-chocolate]

السلام عليكم

شلونكم خواتي العزيزات...

بغيت مساعدتكم بنتي عمرها سنتين ونص

للحين مو راضيه تنام الا المميه بحلجها

مع انها طول اليوم تشرب بالقلاص عادي

بس اذا بغت تنام حتى ساعات تقوم تدور المميه وتبجي

شنو اسويلها شالحل؟؟ ساعدوني ولكم الاجر انشالله

 

[الأميرة جوري]

رد : متى يترك الطفل المميه(الرضاعه)

يووه الله يعينج انا كل عيالي علي سنتين افطمهم واشبعهم من العشاء علشان مايقومون يواعه يعني اذكر كنت اعطيهم عيش معبوج مع روب........وسنتين ونص اعلمهم عالحمام تكرمين ...جربي شبعيها واذا قامت تبي مميه مسكيها واحضنيها وهزيها وقولي لها نامى اكيد تفهم ياكرهى للمميات يدمرون حتى الكفر اللي نايمين عليه من كثر حبهم وحضنهم للمميه ههههههههه

 

[دلع86]

وااااااي نفس بنتي عمرها سنتين وللحين تشرب مميه المشكله متعلقه فيها حيييل وزادت لمن ولدت تشوف من اخووها يشرب المميه تقول تبي حليب

 

[مدمنة ككاو]

الله يعينج

لازم تجاهدين بسبيل انج تفطمين الياهل اخذي اجازه وجابلي وصيري قويه وغلبي الياهل لان بهالطريقه راح تتعبين وكل ما يكبر يتعلق اكثر

المفروض الصحي من يكمل سنه ويعرف يشرب بالقلاص تفطمينه من المميه
بس احنا على بو ان مانبي حنه وبجي ونبي ننام نخليهم وهذا غلط

 

[ماكنتوشه بنفسجيه 12]

رد : متى يترك الطفل المميه(الرضاعه)

بالعكس خلوهم الحليب زين لهم

انا اعاني ولدي عمره 10 شهور مايشرب حليب ولا يبي الرضاعه نهائيا تعبني يشرب مره وحده باليوم و6 ارقام بس
ابي حل للسالفه هذي

 

[أشبـاهـ المطـر]

انا ان شاء الله ناويه افطمها من الميميه
وامي طريقتها تحط بالميميه ملح وخلاص ينساها
بس لازم لازم تشربينها حليب قبل لاتنام
بتعذبج اسبوع وبعدها ان شاء الله تعود

 

[العياره]

انا سنه ونص اقطعهم من المميه وكل المميات اللي عندي اقطهم تكرمين بالزباله عشاان اذا بجى مايكسر خااطري وارد اعطيه واحط يمي حليب كي دي دي الصغير بس يقوم يبجي اعطيه الحليب يشووفه يعصب يبي المميه واذا مااشاف المميه يستسلم ويرجع يناام

 

[miss-chocolate]

اشكركم عالردود

بحاول اقطعها منها

بس المشكله اهي للحين ما تعرف تشرب بالعود

وانا قمت اعلمها على القلاص

واعشيها عدل عشان ما تقوم تشرب مميه

امس الظهر شزينها تغدت وما شربت مميه

انا اكيد ما راح اقطع عنها الحليب بس

اشربها اياه بالقلاص احسن

 

[مرهونه]

عادي حبيبتي خليها تشرب اهي راح تقطع مع الكبر اشوي الحليييييييب واللة مفيد انا ولدي فطمتة سنتين تعالي شوفي اسنانة تعبانة كلش والباجين خليتهم لما اشوي اكبرو يعني عمر 3-4 سنين واقطعها​

 

[_Pure_]

انا بنتي فطمتها من المميه عمرها سنتين بالظبط قطيت كل المميات بالزباله و قمت اخليها تشرب من العود وايد احسن
و الحين بنتي الثانيه ودي اذا تعلمت عالمميه افطمها بعمر السنه لان حاليا ارضعها طبيعي

 

[NFOOOL]

بنات أنتو قصدكم شلون تقطع المميه ولا الحليب؟؟
اذا الحليب بالعكس أفيد لهم انا ودي أعرف الطريقه
اذا بقطع المميه

 

[nazek_q8]

انزين شلون على حزة النوم يعني اهو ما يدوخه الا المميه يقعد يمصمص فيها حتى لو خلص الحليب مرات اسحبها منه يشدها ويبجي يبيها يمص هوا بس اهي تنومه

انا بعد ودي اقطعها اذيه المميه ودمار بكل البيت حتى صايرين العصير يشربونه بالمميه مايبون القلاص

اذكر وحده تقول حطي زهيوي لعبه بالمميه واااي اخاف يتعقدون لوووووووووووول

 

[محبوبه25]

رد : متى يترك الطفل المميه(الرضاعه)

انا هالايام اعيالي اذا كانو شبعانين ينامون بدون مميه
ولدي كبر بنتج تقريبا
و بنتي عمرها سنه ونص

انتي يمكن ماتخلينهم يشبعون عدل ؟؟

 

[حساسه]

حطي المميه في كيس وخليها تشوفك ومع الدريشه قوليلها خلاص اخذها العصفور اذا تفهم جربيها معاها

وكوني عند كلامك علشان تصدقك كل ماقالت ابيها قوليلها اخذها العصفور خلاص وبتلتهي وتفكر في السالفه وتنساها ان شاء الله وتفقد الامل فيها