متى يتعدل النظر بعد عمليه الليزك 100%

[كويتيه cool]

السلام عليكم بنات

اليوم بالضبط صار لي اسبوعين من سويت العمليه

والحمدالله نظري من غير النظاره زين

بس لحد الحين اشوف العلامات البعيده بالشارع وخاصه بليل مشوشه

والاحرف الانجليزيه ما تبين عندي

بس اقدر اقرا الترجمه بالتيلفويون والشريط اللي يمشي من بعيد

بس للحين بليل الرؤية مشوشه وغير جذي الشبات بليل اشوف نورهم مشوش بعد

متى يتعدل النظر 100%؟

 

[((ام فروسي))]

الله يشفيك ويمتعك بنظرك
يمكن الفتره هذي وبعدين تصير الامور اوكي
انا اخوي سوي عمليت ليزك صح انه تعب بس ماشاء الله الحين لانظاره ولاشي له تقريبا ست اسنين من سواها
مسويها الاطباء الاستشاريون بالرياض مره ممتاز واعرف ناس كد جو من الكويت وسووها تربطني بهم صداقه ومشاء الله الله يتمم على الجميع

 

[Miss Cherry]

انا مسويه ليزك صارلي الحين 9 شهور


من بعد الليزك تحسن النظر وقمت اقرا عدل حتى الخط الصغير بس كانت عندي مشكلة الاضواء ماشوفها عدل خاصة بالليل مثل الشبات وليتات السيارات تكون مشوشه ومؤذيه تقريبا 6 شهور وخفت بس من بعد الليزك استمر الجفاف والحساسية ما نقطعت ليما الحين لازم قطرات مرطب

 

[كويتيه cool]

وييييه يعني النظر ما يتعدل كلش 100% على جذي!

 

[مفعمه بالحيويه]

وييييه يعني النظر ما يتعدل كلش 100% على جذي!

لا اختي ما اظن..... تأكدي اكثرر ، اكتبي ف قوقل تجارب ليزك العيون

 

[fatomm]

انا سويت العمليه من شهور و ما كو شىء

 

[وحدة من الناس *]

النظر يتعدل خلال اسبوع الى اسبوعين

بس يكون حاد بعد اشهر من العمليه

وانتي بعد روحي مراجعات وتأكدي اكثر

 

[LuLiTa]

النظر يتعدل خلال اسبوعين ... بس بعد العملية تتغير حساسية العين حق الضوء خصوصا بـ الليل لانه الاضاءة كلها بـ اتكون صناعية

اللي عليج اهو انج اتكثرين من القطرات فترة الليل + لا اتعبينها وايد يعني لا اتبقيين عيونج و اتصغرينهم عشان اتشوفين + حاولي اتغمضين عيونج و اتريحينهم حوالي 10 دقايق فـ اليوم

 

[عيون الينابيع]

بعد ست اشهر بالكمال والتمام
يروح الجفاف ويتعدل النظر

انامسويتها السنه اللي طافت

 

[منار البربرية]

الله وناسه بنات بليز عند منو سويتوها ابي اسوي

كل ما ابي اروح يصير شي سبحان الله ما ادري ليش ؟

اقوى اثنين سامي الربيعه و الديب الي بدار الشفا

محتاره بينهم

 

[عيون الينابيع]

استخيري و الخيرة فيما اختارها الله

انا مسويتها عند دكتور شريف بالسلام ممتاز

 

[اسماء العتيبي]

الله يتمم عليكم

يابنات قولو لنا عن تجاربكن مع اللليزك والليزر
انا ودي اسويها لان عندي قصر نظر

عندي اليمين ٦/٤ واليسار ٦/١،٢

وخايفه من الفحوصات قبل العمليه
لان شفته باليوتيوب وطاااااار قلبي


علموووني بالتفصيل تكفوووون



الله يبارك لكم ويهنيكم ويحفظ لنا السمع والبصر
ويمتعنا فيهم