متي عرفتي باعاقة طفلك ؟ ومن اللي بلغج؟

[@شمس الضحى@]

هلا حبيبتي
هالعلاج بامريكا بس تجارب مانزل بشكل رسمي

الفكرة يوميا في ولادات عندهم ياخذون دم من الحبل السري ويحقنون فيه المصاب بالشلل مجرد ابرة

النتيجة المبدئية الي الحين ان كل ما كان قريبة الوالدة احسن
يعني انتي اذا مفكرة بالانجاب او وحدة من خواتج يعني بهالحدود
الحالة الثانية كان دم الحبل السري من بنك عندهم ما يصير للمريضة تطورت حالتها بس تاخذ وقت اكثر والاستجابة اقل بس البنت اللي سووا لها قدرت تسوي اشياء كان من المستحيل تسويها

لكل داء دواء

الله يطمنج علي بنيتج انشاءالله

جزاج الله خير ياقلبي

 

[العنود-2007]

شلوووووونكم ياامهات عسى الله يخلي لكم عيالكم ولاتشوفون مكروه صعبه على اي ام عندها طفل معاق تذكر هذيك الايام بالنسبه لاعاقة ولدي انا اللى عرفت وكان عندى احساس انه في شى بس مادري :klhfl:شنو رحت اخذت موعد بالطب التطورى وشفت الدكتورة و سوت اختبار طلع صفات توحد وكان عمره سنتين و نص و الحين عمره خمس سنين و الولد بدي يتحسن و لله الحمد احسن من اول بكثير بس يبيله صبر و قلب قوى يتحمل الصدمه انا جربت هذا الموقف و انشالله ماتشوفونه بعيالكم و الايام تنسي شوى بس يرحمت الله يمسح على قلبج وتقبلين الوضع

 

[@شمس الضحى@]

شلوووووونكم ياامهات عسى الله يخلي لكم عيالكم ولاتشوفون مكروه صعبه على اي ام عندها طفل معاق تذكر هذيك الايام بالنسبه لاعاقة ولدي انا اللى عرفت وكان عندى احساس انه في شى بس مادري :klhfl:شنو رحت اخذت موعد بالطب التطورى وشفت الدكتورة و سوت اختبار طلع صفات توحد وكان عمره سنتين و نص و الحين عمره خمس سنين و الولد بدي يتحسن و لله الحمد احسن من اول بكثير بس يبيله صبر و قلب قوى يتحمل الصدمه انا جربت هذا الموقف و انشالله ماتشوفونه بعيالكم و الايام تنسي شوى بس يرحمت الله يمسح على قلبج وتقبلين الوضع

الله يخليه لج وتفرحين فيه مشافى ومعافى

 

[مرمر]

شلوووووونكم ياامهات عسى الله يخلي لكم عيالكم ولاتشوفون مكروه صعبه على اي ام عندها طفل معاق تذكر هذيك الايام بالنسبه لاعاقة ولدي انا اللى عرفت وكان عندى احساس انه في شى بس مادري :klhfl:شنو رحت اخذت موعد بالطب التطورى وشفت الدكتورة و سوت اختبار طلع صفات توحد وكان عمره سنتين و نص و الحين عمره خمس سنين و الولد بدي يتحسن و لله الحمد احسن من اول بكثير بس يبيله صبر و قلب قوى يتحمل الصدمه انا جربت هذا الموقف و انشالله ماتشوفونه بعيالكم و الايام تنسي شوى بس يرحمت الله يمسح على قلبج وتقبلين الوضع

حياج الله يالعنود
الله يخليج لج ولدج ويبلغج فيه
ياريت حبيبتي تشاركينا بتجربتج لان في امهات وايد يمرون ويقرون ويمكن تكون سبب تحول في حالة توحد امه ما تدري وين توديه
او ام تكون شاكة وعند وضع الاعراض والشكك اللي خلاج تودينه للفحص تدوين هالحالات كل مااكتشفتيها اسرع ساعدت طفلج

وجزاج الله خير

 

[مرمر]

للرفع
للرفع

 

[as.as]

السلام عليكم بنات شلونكم ...هذى اول مشاركه لي بالمنتدى,مشكورين على طرح هالموضوع وايد مهم... انا ولدي عمره سنتين ونص ,نويت من شهرين ادخله حضانه ...وبعد مادخلته اكتشفت ان عنده مشكله وان بهالعمر المفروض يتكلم عادي ...و انه مايتكلم واذا احتاج شي.. يقول كلمه وحده بس, وحتى مايحاول يتكلم ومايسأل عن شي... وديته عند دكتور وقالي انه مافيه توحد وانه توه صغير ومايبين الحين :0bee2e8d89:

 

[as.as]

السلام عليكم بنات شلونكم ...هذى اول مشاركه لي بالمنتدى, لكل ام معاق الله يصبرج ويقويج على اداْ الامانه ...مشكورين على طرح هالموضوع وايد مهم... انا ولدي عمره سنتين ونص ,نويت من شهرين ادخله حضانه ...وبعد مادخلته اكتشفت ان عنده مشكله وان بهالعمر المفروض يتكلم عادي ...و المشكله انه مايتكلم واذا احتاج شي.. يقول كلمه وحده بس, وحتى مايحاول يتكلم ومايسأل عن شي... وديته عند دكتور وقالي انه مافيه توحد وانه توه صغير ومايبين بهالعمر:0bee2e8d89:والله المستعان يامن ختم النبوه بمحمد صلى الله عليه وآله وسلم اختم لي يومي بخير وشهري بخير وسنتي بخير وعمري بخير انك على كل شيء قدير

 

[الريادة]

اللهم شافي جميع مرضانا و مرضي المسلمين .

 

[مرمر]

السلام عليكم بنات شلونكم ...هذى اول مشاركه لي بالمنتدى, لكل ام معاق الله يصبرج ويقويج على اداْ الامانه ...مشكورين على طرح هالموضوع وايد مهم... انا ولدي عمره سنتين ونص ,نويت من شهرين ادخله حضانه ...وبعد مادخلته اكتشفت ان عنده مشكله وان بهالعمر المفروض يتكلم عادي ...و المشكله انه مايتكلم واذا احتاج شي.. يقول كلمه وحده بس, وحتى مايحاول يتكلم ومايسأل عن شي... وديته عند دكتور وقالي انه مافيه توحد وانه توه صغير ومايبين بهالعمر:0bee2e8d89:والله المستعان يامن ختم النبوه بمحمد صلى الله عليه وآله وسلم اختم لي يومي بخير وشهري بخير وسنتي بخير وعمري بخير انك على كل شيء قدير

هلا وغلا وجزاج الله الف خير

شوفي حبيبتي اول شي طريقة كلامه هذي حتي معاج قصدي مو خجل زايد
وبعدين اذا عندج خدامة علي طول معاه خليها يوم كامل بره عند امج او وحدة من خواتج ولاحظي تصرفاته وكلامه هل يفرق
وبهالطريقة استبعدتي الخجل والخوف وديه عند مركز امراض الوراثة بالصباح قولي لهم بفحص ولدي وما عندي تحويل وانا خايفة عليه
طبعا دخلي عند دز صديقة العوضي اهي مديرة المستشفي او من ينوب عنها وماراح يردونج
وانشاءالله تطمنينا عليه

 

[Miss-LuLu]

واي والله قمت ابجي وانا اقرا

لاني تذكرت معاناة امي وتعبها ويا اخوي


اخوي عمره الحين 21 سنه واهوا البجر فيه توحد

بس صج امي تتعب وياه لان مرات يعاند ويصارخ ويدزها لانه ريال ماشالله جسمه لما يدز خشن

بس والله عقله وقلبه طفل طفل تقولون ياااهل

اذا احد من اخواني بجى يروح يبجي وياه ويقول ليش

ويحب اليهاال الصغار كله يبوسهم


بس الحمدلله يفهم وياكل بروحه ويكرمكم الله يروح الحمام بروحه ويفهم لما نكلمه

بس عقله عقل ياهل عمره 3 سنين

بس صج الام الى عندها ولد معااق غير عن الام العادية

تكووون رحومه وحنونه بوااااااايد ومتواضعه


والله يشفي مرضى المسلمين اجمعين

 

[العنود-2007]

مساكم الله بالخير ويعطيج العافيه الاخت كويتيه نشيطه بالنسبه لاعاقه ولدي بديت الاحظه من عمره سنه ونص كثرة الحركه بشكل غير طبيعي وما في تواصل لفظي يعني ما يتكلم و مايرد علي اذا ناديته مايركز مافي انتباه ابدا بس الحمدلله قدرت ان اخذ موعد لولدي في مستشفي الصباح قسم الطب التطوري وسوت الدكتوره اختبار وبلغتني بنفس الوقت ان ابني يعاني من صفات توحد بس الله يشهد شنو صار فيني هذاك اليوم بس الحمدلله علي كل حال ما خليت احد ما سالته شنو علاجه وشلون اتعامل معاه واي حضانه ادخله المهم سمعت عن دكتوره عبير عوض رحت لها بس ما قدرت اكمل معاها حطيت له مدرس تخاطب ودخلته حضانه خاصه تعمل علي تعديل السلوك و الحين صارله سنتين ولدى مستمر علي المدرس و الحضانه و شفت تحسن باشياء وايد و عليكم بالدعاء و الصبر و عسى ربي يفرج لكل ام عندها معاق و دايما حطي بالج ان يمكن هذا الطفل يكون سبب في دخولك الجنه :33_1185028183:

 

[as.as]

هلا بوخياتي ... على سالفه الشغاله اهو تربى اكثر شي بيني وبين الله يطول عمرها الوالده .. وانا حرصت انه ما اعتمد علي الشغاله ..مع انها الحمد لله تحبه ... اما الاشتشاره الطبيه فالدكتور الي وديت ولدي له اهو دكتور متخصص وكان مسؤول كبير للخدمه النفسيه لمدارس وزارة التربيه ... على العموم الحين قالي ما يحتاج الى لجلسات تعديل سلوك... اما التقييم والاختيارات مايسويها له الى لمن يكمل ثلاث سنوات ونص ... والله كريم


اللهم لك الحمد دائما مع دوامك
ولك الحمد باقيا مع بقائك
ولك الحمد خالدا مع خلودك
ولك الحمد كما يمبغي لكرم وجهك وعز جلالك
ياذا الجلال والاكرام

 

[om_7modi]

حسبي الله على ابليسكم
والله بجيتوني بقصصكم

واللي يشوف مصايب غيره تهون عليه مصيبته

الحمدلله على كل حال
انا ولدي فيه (club foot) بريله اليسار وعنده الركبة ملتفه شوي لي برا

بالمستشفى محد قالي
ولما شفتها بالبيت حسيت فيها شي مو طبيعي بس تعوذت من ابليس وقلت يمكن اوسوس وهو توه صغير وعظمه طري بس لما طلعت من الاربعين بنت عمتي لاحظتها وقالتلي مو طبيعية وبعد زوجة خالي قالت نفس الكلام

خفت ووديته دار الشفا واكدوا لي الكلام والحين اهو يتعالج في الطب الطبيعي والحمدلله على كل حال
انا ناطرته يمشي عشان الدكاترة يحددون شكثر استفاد من العلاج
بعد اسبوع يكمل سنه انشالله​

 

[om_7modi]

انا بلغوني بحاله ولدي عقب ما ولدت ب دقيقه وبلغوني بصراخ وتهويل الحمد لله والشكر يمكن لو والده بالبيت احسن لي
طبعا ولادتي كانت بدار الشفا ما كنت اري وقت الحمل ان ولدي فيه شي وكان اهو البجر وقتها عمري 19 سنه سنه ثانيه جامعه
تخيلو رحت الولاده مستانسه ومغبيه على امي بفاجئها واول ما ولدت ولا صراخ الدكتوره الخبله والسسترات الميانين
وانا قمت اصرخ معاهم شفيكم وابجي وهم جنهم شايفين مخلوق غريب تخيلو يا بنات شكون موقفج زين الله ثبتني ما فصخت عقلي
اقولهم شفيه ما يردون يصارخون على بعض ويقولون نادو دكتور الاطفال واسمع وحده اخذت رقم اهلي من الملف ودقت من ثوارتها على امي جنها بتبشرها وقالت لها هذا بنت مال انتي يجيب ولد معوق امي قامت تصارخ ما تدري ني بالمستشفى >>>فلم
المهم عطوني السماعه امي تقول اشفيج وانا ابجي اقول يمه تعالي ما ادري شالسالفه
واي ايام الله لا يعيدها
طبعا هالشي اثر وايد على نفسيتي وطول النفاس بجي واقوم مفزوعه من النوم واصارخ
تدرون عاد شنو حاله ولدي صج اعاقه بس بسيطه اهو عقله طبيعي وشكله طبيعي بس ايده اليمين من الكوع الى الابهام معاقه والابهام مفقود يعني الحمد لله لو اهم يايني بطريقه ثانيه وبهدوء وبعد ولادتي بييومين او علمو امي وابوي وهم يبلغوني يعني احنا ناس مؤمنين وما نجزع من قضاء رب العامين بس على قولتج طريقه التبليغ مهمه
ولدي الحين ريال عمره 16 سنه ويهبل مملوح وبالصف العاشر ومستواه جيد جدا وسويت له عمليتين وبقى عمليه عقب سنتين والله كريم

حبيبتي الله يخليلج اياه وتفرحين فيه يارب
قصتج وايد مؤثرة ​

 

[صلاتي-حياتي]

الله يشافي عيالكم وعيال المسلمين ان شاء الله

اهم شي وهذي نصيحه مني اهمية عمل فحص قبل الزواج لان الامراض الوراثية وامراض الدم كثرانه ومنتشره فهذا الفحص اللي قبل الزواج يكون رحمة من انجاب ابناء غير أصحاء يتعذبون وتتعذبين انتي
هالقانون يقولون بيطبقونه عندنا بالكويت
والسعوديه مطبقينه قبل الملكه يتم فحص الخطيب والخطيبه وابلاغهم باي امراض محتملة
فياليت هذا القانون عندنا يشوف النور عن قريب

المهم طريقة تبليغ الأم لها دور كبير في مدى تقبلها للامر والوضع طبعا لااعتراض على قضاء الله ولكن الصدمة الاولى بتكون صعبة

الاخت ظلال القرآن الله ستر عليج طريقتهم كلش مرعبه الحمدلله ماكو اسلوب والحمدلله ولدج متعافي والله يخليه لج ان شاء الله

وصدقوني خواتي ان الله اذا أحب قوم ابتلاهم

والحمدلله على عطائه

موضوع مميز وهادف ارجو التثبيت

 

[~ miss NERD ~]

الله يشافي اعيالكم يارب ويخليهم لكم ويبلغكم فيهم

 

[مرمر]

شلوووووونكم ياامهات عسى الله يخلي لكم عيالكم ولاتشوفون مكروه صعبه على اي ام عندها طفل معاق تذكر هذيك الايام بالنسبه لاعاقة ولدي انا اللى عرفت وكان عندى احساس انه في شى بس مادري :klhfl:شنو رحت اخذت موعد بالطب التطورى وشفت الدكتورة و سوت اختبار طلع صفات توحد وكان عمره سنتين و نص و الحين عمره خمس سنين و الولد بدي يتحسن و لله الحمد احسن من اول بكثير بس يبيله صبر و قلب قوى يتحمل الصدمه انا جربت هذا الموقف و انشالله ماتشوفونه بعيالكم و الايام تنسي شوى بس يرحمت الله يمسح على قلبج وتقبلين الوضع

حياج الله يالعنود ويخلي لج ولدج
اهم شي انج تشوفين تطوراته وتحسنه وهذا نعمة من رب العالمين

 

[مرمر]

واي والله قمت ابجي وانا اقرا

لاني تذكرت معاناة امي وتعبها ويا اخوي


اخوي عمره الحين 21 سنه واهوا البجر فيه توحد

بس صج امي تتعب وياه لان مرات يعاند ويصارخ ويدزها لانه ريال ماشالله جسمه لما يدز خشن

بس والله عقله وقلبه طفل طفل تقولون ياااهل

اذا احد من اخواني بجى يروح يبجي وياه ويقول ليش

ويحب اليهاال الصغار كله يبوسهم


بس الحمدلله يفهم وياكل بروحه ويكرمكم الله يروح الحمام بروحه ويفهم لما نكلمه

بس عقله عقل ياهل عمره 3 سنين

بس صج الام الى عندها ولد معااق غير عن الام العادية

تكووون رحومه وحنونه بوااااااايد ومتواضعه


والله يشفي مرضى المسلمين اجمعين

نورتينا يا مس لولو

صاجة اللي عندها معاق وايد اشياء تتغير فيها وتزيد حنانها ورحمتها

 

[مرمر]

حسبي الله على ابليسكم
والله بجيتوني بقصصكم

واللي يشوف مصايب غيره تهون عليه مصيبته

الحمدلله على كل حال
انا ولدي فيه (club foot) بريله اليسار وعنده الركبة ملتفه شوي لي برا

بالمستشفى محد قالي
ولما شفتها بالبيت حسيت فيها شي مو طبيعي بس تعوذت من ابليس وقلت يمكن اوسوس وهو توه صغير وعظمه طري بس لما طلعت من الاربعين بنت عمتي لاحظتها وقالتلي مو طبيعية وبعد زوجة خالي قالت نفس الكلام

خفت ووديته دار الشفا واكدوا لي الكلام والحين اهو يتعالج في الطب الطبيعي والحمدلله على كل حال
انا ناطرته يمشي عشان الدكاترة يحددون شكثر استفاد من العلاج
بعد اسبوع يكمل سنه انشالله​

الله يخلي لج حمودي يا ام حمودي ويبلغج فيه
وهذي الفكرة من شاف بلوت غيره هانت عليه بلوته واحنا محتاجين لبعض فوق ما تتصورون بدل ما نبدي من الصفر

 

[om_7modi]

الله يخلي لج حمودي يا ام حمودي ويبلغج فيه
وهذي الفكرة من شاف بلوت غيره هانت عليه بلوته واحنا محتاجين لبعض فوق ما تتصورون بدل ما نبدي من الصفر

مشكورة يا قلبي والله سبحانه يصبر الجميع
ويجعله في ميزان حسناتنا يارب​