متي عرفتي باعاقة طفلك ؟ ومن اللي بلغج؟

[مرمر]

هلا وغلا

صدقيني حبيبتي خل تفحصة عند دكتور واثنين شوفوا شنو الاسباب يمكن في علاج والنسيان بسبب شغله مادروا عنها

الله يشفيه يارب وهلا هلا بماء زمزم والله مايرد ربي من طلبه خلوا شربه كل من زمزم
QUOTE=dl3sl;6166274] السلام عليكم

انا ما عندي عيال
بس اختي عندها ولدها الكبير بجرها سالفته عورت قلبي

طبعا اهو طبيعي ولا في اي شي
هالسنه دخل اولى ابتدائي
واختي اكتشفت هالشي ومن دكتور لي دكتور طلع ان استوعابه بطيء جدا
وينسى والمدرسه الناااظره سوالفهم وبس يقعد بالبيت و احنا ما نستقبله لازم مدرسه خاااصه والولد بسم لله عليه مو مينون و لا لسانه ثقيل بس مثل ما تقولون سلو ليرنر
والحين وااسطه وحاله بس علشان يحولونه المدااارسه الخاصه
الي اهي اعتقد النجاااة يعني اتوقع الحين راح عليه الكورس الاول كله
بس غلط هالشي لازم من الروضه يكتشفونه واسفه على الاطاله[/QUOTE]

 

[مرمر]

الله يسلمج فديتج بنتي بخير وعافيه
طلع كلامهم صحيح عندها إعاااااقه شديييده لباااا قلبها فديت روحها
الحين عمرها 14طريحة الفراش من انولدت الله لايعذبها
جنها ملاك منسدح وجهها جنه البدر المنير لااله الاالله ودايم مبتسمه
الله لايحرمني منها والله يشفيها ويشفي كل مريض اللهم آمين
الله يخلي ولد رفيجتج ويفرحها فيه سبحان الله بغت تذبحه الله يعفوعنها​

حبيبتي عذريني علي جهلي بس اهو نوع من انواع الشلل الدماغي
لان في نوع لقوا له علاج والحين قاعدين يجربونه

كل بميزان حسناتج وصدقيني مايبتلي الا المؤمن
بس واللي يسلمج لاتخلين سولفي معاها علي طول ولمسي ادياتها تري والله يحسون حتي لو مايقدرون يعبرون
الله يخلي لج نوارة بيتج

 

[مرمر]

قولي آمين يا الغاليه يفرحج بشفاه وشفا جميع مرضى المسلمين
حسبي الله على دار الشفا
انا ولدي طلع ازرق من اثر اختناق الحبل السري .. اقعدت علي سستر متينه
يكون تساعدني بالدفع وأنا الدكتورة أصلا كانت قايلتلي وقفي عن الدفع وما انتبهت
على السستر شقاعد تسوي فيني واانا بس أأشر لها براسي لأ لأني من كثر ما قمتتني
ما قدرت اتنفس ، وتخيلي لما انتبهت الدكتورة بالأخير جان تقعد تتخانق معاها وأنا أطالعهم
ويوم كلمتها جان تحط الكمام علي عشان ما انتبه على كلامهم
حسبي الله عليهم... ولا علموني ولو كانوا حاطينه بالشيشة ومتلاحقين عليه يمكن... استغفر الله
عمري ما بسامحهم ............ الأخطاء الطبيه في الكويت مالها اول ولا لها تالي
أنا اكتشفت مع الوقت وأمي نبهتني
حبيبي عزوز فديته أهو الوحيد من بين إخوانه اللي رضع من صدري 7 شهور من فضل ربي
أسأل الله العظيم أن يشفيه ويشفي كل عيالنا

حياج الله ياام عزوز

هذي المشكلة الكبيرة عندنا هالسسترات ام ربع اللي ما يدرون وين ربهم حاطهم
بس لايكون سكتي عنهم انشاءالله رفعتي قضية

 

[ناتشوو]

الله يشفي عيالكم وعيال الجميع
ويعيننا معاكم على الدنيا

 

[DELY]

alah eshafe 3yalkom ya rab

 

[ظلال القرآن]

قولي آمين يا الغاليه يفرحج بشفاه وشفا جميع مرضى المسلمين
حسبي الله على دار الشفا

آمين ويشفي غاليج
احتسبي الاجر والحمد لله على كل حال ولا تفكرين وايد ان سبب اعاقه ولدج المستشفى علشان ما تنقهرين وتتعب نفستج
قطي همج على رب العالمين اهو ابصر فيه وفيج

 

[@شمس الضحى@]

حبيبتي عذريني علي جهلي بس اهو نوع من انواع الشلل الدماغي
لان في نوع لقوا له علاج والحين قاعدين يجربونه

كل بميزان حسناتج وصدقيني مايبتلي الا المؤمن
بس واللي يسلمج لاتخلين سولفي معاها علي طول ولمسي ادياتها تري والله يحسون حتي لو مايقدرون يعبرون
الله يخلي لج نوارة بيتج

الله يرحم والديج ويجزيج الجنه
بنتي عندها شلل دماغي
فديتها ماتفارقني مجابلتها24ساعه هذي دلوعت البيت
الكل يسال عنها ويفقدها لانامت لانها تناغي وتضحك
ودايم نسولف عليها وادغدغها والاعبها وتحس وتجاوب ومرات
اسوي لها اختبار اهاوشها وتزعل ولما الاعبها واحببها تستانس وتضحك
والحمدلله على كل حال​

 

[@شمس الضحى@]

alah eshafe 3yalkom ya rab

اللهم آمين ويشفي كل مريض
مشكوره يالغاليه​

 

[@شمس الضحى@]

الله يشفي عيالكم وعيال الجميع
ويعيننا معاكم على الدنيا

اجمعين ياقلبي الله يجزاج خير​

 

[@شمس الضحى@]

بدليات عجيبة يبي لي قاموس
ههههههههههههههههه

بدلياتج كلها عسل

 

[الآرجوانه الذهبيه]

الله يشافي عيالكم ,,

 

[ناني سيكرتس]

لا حول ولا قوة الا بالله..
الله يشافي عيالكم وعيالنا ومرضاكم ومرضى جميع المسلمين..

والله قصصكم عورت قلبي وخلتني حتى ما اقدر اكتب اعاقه ولدي..

 

[مرمر]

الله يرحم والديج ويجزيج الجنه
بنتي عندها شلل دماغي
فديتها ماتفارقني مجابلتها24ساعه هذي دلوعت البيت
الكل يسال عنها ويفقدها لانامت لانها تناغي وتضحك
ودايم نسولف عليها وادغدغها والاعبها وتحس وتجاوب ومرات
اسوي لها اختبار اهاوشها وتزعل ولما الاعبها واحببها تستانس وتضحك
والحمدلله على كل حال​

حبيبتي والله
شفتي برنامج دكاترة علي ام بي سي 4 لما لقوا علاج للشلل الدماغي عبارة عن ابرة من دم الحبل السري وحطوا حالات قبل وبعد العلاج اهم الي الحين ما اعتمدوه بس قاعدين يجربونه وحطوا اسم المستشفي بس للاسف ما سجلته

يارب اكون اول وحدة تبشرج
ماكو شي بعيد عن الله سبحانه وكل داء وله دواء
والله اهم حياتنا ونوارة بيوتنا اللخ يخليهم لنا انشاءالله

 

[سمار الشمس]

ياربي يشافيهم ويعافيهم ويخليلكم اياهم انشالله
والله شي يعور القلب بس مأجورين فديتكم وحاسة باحساسكم عندي اخو داون فعارفة احساسكم بس بنات ما وصيكم اهم شي تقوون علاقت اطفالكم المعاقين باخوانهم اهم شي

 

[رقي]

واي بنات عورتو قلبي
الله يشافيهم لكم ويصبركم ولا يحرمكم الاجر

ظلول
سلامة ولدج وماعليه شر ان شالله

1234
واي علي قلب الام

الله يرزقكم بعيال يبرونكم ويساعدونكم عليهم
يااااااااااااااارب

 

[رنيـم]

الله يشفي عيالكم يارب

 

[مرمر]

الله يشفي عيالكم يارب

مشكورة حبيبتي علي دعائج ومرورج

 

[farawla_q80ia]

عسي الله يخليهم لكم ويشافيهم يا رب

 

[HearT ChocolaTe]

حياج الله ياام عزوز

هذي المشكلة الكبيرة عندنا هالسسترات ام ربع اللي ما يدرون وين ربهم حاطهم
بس لايكون سكتي عنهم انشاءالله رفعتي قضية

يحيج ربي حبوبه
اي قضيه يا الغاليه هذول لو تحطين محامي يحطون 10 قضيتي عند رب العالمين
الحمدلله على كل حال

 

[..أم خدوود..]

السلام عليكم انا عندي بنتي اللحين عمرها 16 لاتمشي ولا تقعد ولا تكلم بس الحمد لله تفهم والف شكر على نعمت ربي اللي كملها بالعقل ونعمة السمع والنظر والله يسخر لها خلقه وتراهم بركة البيت