مت تعبت

[kefi cute]

قوه
بنات أنا باخر الثامن ووزن البيبي كيلو و700
والدكتوره معصبه تقول هذا مو بطن وحده باالثامن وزفتني وزفت أمي تقول مايصير اكلي بنات مااقدر اكل نفسيتي تعبانه اكررره ريليي وريلي مينني كل ينوون أبجي واصااارخ مايقدر اهوا وامه واخته تخيلو اخته تحر قلبي تقولي شفت وحده بالعرس بزوجها اخوي ماتتغشمر من صجهاا واهوا يقول اي اي الشرع حلل 4
بنات أنا حلووووووه وحلوه وايد وطيبه معاهم اووف ماتتصورون ليش يحرون قلبي وتوني متزوجه المهم رحت يومين بريح عند اهلي دق علي وحرني بكلامه وكله بتزوج بتزوج أنا ماحبه بس لا يقهرني وانا حامل نزلت 10كيلو بالحمل مت بنات تعبت

 

[om 7sony]

الله يعينج حبيبتي
وان شاء الله الله يهدي زوجج واهله وتنحل مشاكلكم
بس حبيبتي انتي دايما فكري بالبييي وانج جذي قاعده تاذينه
خليه على طول ببالج ... ما تبينه يتاذى صح؟
غصبي نفسج عالاكل ... واخذي فيتامينات ولا تهملين نفسج
وان شاء الله ماكو الا العافيه

 

[ذبحنى جرحك]

في ناس واجد كذا طوووفي حبوبه ودايم قولي لنفسك انا افضل منهم ولا تحرين روحك شكله زوجك صغير ويمشي مع اخته يبقون يجننونك وانت تطاوعينهم عطيهم طاااااااااااااااااااااااااف كم مره بتعيشين كل الحركات اللي يسونها عشان بس يحرونك وانتي تحترين بيني لهم ان عقلك اكبر منهم ومااادريتي ان اكثر الرجاجيل يمشون بعقول بزارين احنى اعقل منهم لايسمعني ريلي خخخخخخخخ بس حقيقه

 

[مواصله]

الزم ماعليج نفسج واللي فبطنج ،،حبي نفسج وحبي جنينج وخافي عليه،، شنو انتي تبين تموتين روحج عشانهم

خليهم آخر همج وحاولي حاااولي تطنشينهم ،،انشغلي عنهم وكلما تضايقتي طلعي وغير جو

الله يحنن قلبه عليج ويقومج بالسلامه

 

[kefi cute]

اي والله صاجه عقله عقل ١٢ سنه حسبي الله ونعم الوكيل

 

[قلب مغليك]

الله يعينج بس لازم تهتمين بالجنين قاعد ينضر وهو ماله سبب

 

[Break Time]

يمه فدييييييييييتج لا تحرين عمرج

اهم شي البيبي لاتنسينه حرام ترا هو امانه عندج يمه فديت الجهال على غثاهم بس والله هم زينه الدنيا


و انصحج نصيحه من قلب
صج من قلب

اسمعيها عدل


لا تخلين زوجج اكبر همج

والله العظيم ما يجي منهم إلا الغثا


ترا في ناس حيل باردين يقطون الكلمه شكبرها و ما يثمنونها وهم ما عندهم ما عند جدي ما يقصدون شي اخاف زوجج من هالنوعية


اكلي فيتامينات يالغالية و اهتمي بنفسج

و عطيه كل واجباته و لا تهملينه مو علشانه لا

علشان تريحين ضميرج ورب العالمين يرضى عنج

و علشان باجر لو صاير شي لا تندمين

واذا زوجج صغير سايريه بكرا يكبر ويعقل


ابتعدي عن اي شي يزعجج
و خلي شعارج

أنا أولا .. راحتي أولا ... زوجي ثانيا


الله يهديكم لبعض و يصلح ما بينكم يا رب


و يرزقج الذرية الصالحه اللهم آميييييييييييييين

 

[إم بــــرٍآك]

واااااااااااااااي الحمدالله والشكر عليهم وانتي من صجج مسويه لهم شأن طنشيهم حتى زوجج خليه عنج
تغذي وغذي الجنين شنو بتستفيدين لو ولدتي الجنين نآقص لآسمح الله او فيه شي بسبب عدم لتغذيه والحآله النفسيه لهآدور كبيره على الجنين بآجر بتتعبين ويآه
بيتزوج خليه عسآه يصفهم عشر اهم شي انتي ومآبيدوم لج إلا ولدج ومآعليج من امه ولا اخته وتحسبي عليهم حرآم الي تسوينه بنفسج الريآل بدآله الف

 

[ابدا يالغالي مانساك]

حرام وش ذنبه اللي ببطنج تحطي كلام ناس عقولهم صغيرررره
وتعذبي ضناااج وتنقصي من اكله
ذكري ربج ولاتهتمي وسوي روحج ولا مهتمه جدااااامه
وخليج مرتاااااحه وربي يقومج بالسلامه

 

[العز انا]

من صجك حاطه همك زوجك المهم انتي واللي في بطنك
عالعموم حبيبتي الرجال لا قال بتزوج ما عنده ما عند جدددتي والله اللي يتكلم اخذي منه كلام بس

 

[حرم_الغلا]

‏ ياحياتي الله يقومج بالسلامه؟‏! يارب

 

[miss_whitemocha]

بالطقاق اللي يطقه خل يذلف و يتزوج بدال الوحدة عشر، الضنا أهم من هالدنيا كلها، والله إن فيه حريم أردى من حالج ألف مرة بس لي صارت السالفة فيها سلامة البيبي يطقون الدنيا كلها بالطوفة وأولهم الريل، لا تحرين نفسج يا حبيبتي، ظفر اللي في بطنج يسواه، حافظي عليه و ديري بالج على صحتج والله هذا اللي بينسيج الدنيا و بيعوضج عن همج.

 

[kefi cute]

حبايبي ماتقصروون والله بس الحرره بقلبي حتى بطلعتي والله ياابنات قسمن بالله اروح مع مواتي مطعم توني باكل يدق ويقطلي جم كلمه اقعد أبجي وارد مااكل وآخر شي يضحك اهوا وامه كاااك كااك يعني انتي تعبانه اقول اي والله ويتناقزون ليش عشان أنا طيبه ونيتي صافيه وحطيتهم على راسي استاهل منهم جذي نمت بالمستشفى الأسيتون كان ٤مادري٥ وحررارره وخايفين لا ياثر عالبيبي ياي اهوا وامه كااااااك تسوي نفسها مريضه بناات مستشفى الصباااح ومنوميني شلون اجذب لا حول الله ولا قوه الا بالله

 

[كتكوته حبيبي]

دفعه مردي انتي شلون ساكته عليهم وقفيهم عند حدهم وقت الجد جد شنو هذا ماخذين الدنيا طنازه وضحك عالناس واذا قالج تجذبين اهوا وامه قوليله كل من يرى الناس بعين طبعه بس الحين حقريهم حقريييهم حقريييهم الزم ماعليج راحتج وراحه البيبي ولا ولدتي وقمتي بالسلامه انشاء الله لازم تعلمين نفسج شلون تردين وتاخذين حقج ابروود اعصاب وبكل هدوء يعني كلمه وحده تسكتهم وتخليهم يحطوون السانهم بلاهاتهم مو بهوااش ومرادد عشان ماتطلعين انتي بالشينه ااااف شالناس والله نقهرت لو انا اقلب الدنيه عليهم ماتحمل ناس جذي ولاراح انجبر ع حساب راحتي

 

[كتكوته حبيبي]

سؤاال انتي ريلج اخذج واهوا مغصوب ؟ مايحبج ؟ ليش يعاملج جذي بدال مايكوون سند لج ويسكتهم مو انتي ام عياله حبيب امه

 

[قلبي القرآن]

امبيه احتريت من صجهم بالمستشفى نايمه ويتكركرون
صج ناقصين عقول حبيبتي اذا كلمج قولي له دز لي ورقتي
وتزوج ما تشوف شر قولي أنا توني بعز شبابي وألف واحد يتمناني
واطلعي واستانسي ولا تردين عليه اصلا ألزم ما عليج صحتج والبيبي

 

[Nnoosha Style]

وااااااي انا ما احب جذي حركات الله يهديهم
واذا من صج بسونها الله يجازيهم

 

[شنوووفه]

الصرااحه ينرفزوون مال طق امبي صج يااااهل باجر الله يرزق خواته بواحد يقومهم بطراق ويقعدهم بحجي يخليهم 24 ساعه بس يبجوون كما تدين تدان انتي بس قولي حسبي الله ونعم الوكيييل :<

 

[kefi cute]

سؤاال انتي ريلج اخذج واهوا مغصوب ؟ مايحبج ؟ ليش يعاملج جذي بدال مايكوون سند لج ويسكتهم مو انتي ام عياله حبيب امه

اولا ماكان يحلم انه ياخذ وحده نفسي حتى لو بالخيال
أنا الي ماحبه من معاملته وحياتهم الي مافيها جد
وامه واخته استغفرالله عمري ماشفتهم سترو على بنات الناس أنا اسكتهم اقول الله يستر عليهم تكفين خالتي لا تتكلمين بالشي حرام تقولي شفتي الي يشم مخدرات ومات وكاااااك تضحك ولد فلان الفلاني أقولها عييييييب
الرياااال مااات حراام تقول شفتي القح....... الي حملت من رفيجها كاااااااااك الحين اهوا بالسجن بنت فلان جان اسكتها ماخليتهاا تكمل حسبي الله ونعم الوكيل

 

[سنو - وايت]

أعوذ بالله شهالناس منين جايين حبيبتي طنشيهم وروحي ريحي عند أهلج ليما تولدين وتخلصين نفاس وبهالفترة لاتدقين عليه وإذا دق كلميه ببرود وإذا قال كلمه تغذج قوليله إيه وبعدين خلصت حاولي تصغرينه جدام نفسه وبعدين إذا قالج ردي بيتج ردي وأنتي بكامل جملج ورونقج وصيري ثقيله ولاتقعدين وياهم إلا نص ساعه ولا تتكلمين معاهم بس ابتسمي واستغفري بقلبج والله ينصرج عليهم ورد زوجج لج آميييييييييييييييييييييييييييييييييييييييييييييييييين