مثلث بررررموداااااااااااااااااااا

[البطه الجميله]

السلام بنات ابي اسالكم عن حقيقة مثلث برمودا هل فعلا اهوة اخر العالم وصج منه يطلع الاعور الدجال بليز بنات فيدوني

 

[عاشقه رويشد]

صراحه ما عندي فكره بس اللي اعرفه انه اللي يدشه ما يطلع

 

[روح غاليك]

الاعور الدجال سمعت انه موجود فى جزيره ومكبل بسلاسل والله العالم

 

[CUTE ENGINEER]

أهو مكان غامض الجاذبية فيه قوية
ويقولون إبليس لعنة الله عليه
مكانه هناك
والله أعلم

 

[جـــواهر]

وحده من الخوات ( بنت بابا جابر )

كتبت عنه موضوع تقدرين تلقينه صراحه موضوع مفيد ان شاء الله يجيب عن تساؤلاتج

 

[((المزيونه))]

بصراحه ما ادري عنه وانا اخاف من هالمواضيع احسها مجهوله وثقافتي فيها اقل من صفر بالميه

 

[يبقى الوله]

مـادري ماعـندي فكـرة < اللي اعرفه انه مكـان من دشه ماطلع منه حتى الطيارات اللي تجي صوبه تختفي

شسالفته بالضبط الله أعـلم !!

 

[الباسمه]

حبيبتي اشتري كذا كتاب عن مثلث برمودا
انا اذكر قريت كتاب قديم انه مكان الشياطين و كانت الطائرات الامريكيه تحاول تجتاز مثلث برمودا وفجاه تختفي حتى ما يقدرون يتابعونها بالرادار
وسبحان اللي خلق الكون يدعون الناس انهم عرفو وفهمو وهم مازالو يجهلون

 

[جلاديلياس]

يعطيج العافيه الباسمه عالمعلومه وبشتري الكتاب

 

[AL 3la]

انا بعد والله اعرف عنه
بس نفس ماقالو البنات اي شي يمر صوبه يجذبه وما يطلع منه

 

[أإلع ـشق دلع ـهـأإ]

شكوو الدجاال اهناااااااااااااااك ......؟؟


لا يبى عطونا بالمتوسط بالعربي اهو بالبحر .. ومن دخل البحر هذا يختفي ...


بس ماله شغل ابليس والدجال .......!!!


الدجاال اصلا قال الرسول راح يطلع من بلاد الشااااااااااااام اهو موموجووود الحين ياتي في اخر الزمااااااااااااااااااان ..


ومثلث برمودا لحد الحين النااس ماعرفوا سببه ..


العلم عند الله ..

 

[happy&single]

السلام بنات ابي اسالكم عن حقيقة مثلث برمودا هل فعلا اهوة اخر العالم وصج منه يطلع الاعور الدجال بليز بنات فيدوني

مثلث برمودا هي منطقة في المحيط الاطلسي اشتهرت بالحوادث الغريبة واللي تم تفسيرها بوجود قوة مغناطيسية بالمنطقة تؤثر على الرادارات والبوصلة المستخدمة بالطائرات والسفن مما يسبب هذي الحوادث

اما الاعور الدجال ففي احاديث كثيرة نقل انه يظهر من قبل المشرق بين الشام والعراق في منطقة خراسان
وماله اي علاقة بالمحيط الاطلسي . والله اعلم

قال رسول الله صلى الله عليه وسلم:
(قولوا " اللَّهمَّ إنّي أعوذُ بك من عذاب جهنَّم، وأعوذُ بك من عذاب القبر، وأعوذُ بك من فتنة المسيح الدجّال، وأعوذُ بك من فتنة المَحْيا والمَمات)​

 

[shaQshoQa]

شفت فيديو باليوتيوب عن هالموضوع ..

و الي فهمته انه الجاذبيه الارضيه بهالمكان اكبر من الجاذبيه الارضيه بباجي الكره الارضيه

http://www.youtube.com/watch?v=TVNmhmtCC24&NR=1&feature=fvwp

و يقولون ان في ناس داشوا فيه و طلعوا منه .. مادري هذا كل الي اعرفه