مثل ما وعدتكم اني راح ابلغكم بكل شي !!!! هذي نتيجتي!!! ومحتاااااره

[عروسه 99]

بناات مثل ما وعدتكم اني اقولكم كل شي عن حالتي انا اللي خذيت ابرة التفجير لكن الله ما كتبلي واليوم يتني الدوره ادري اخبار تضييق الخلق بس وعد الحر ديين والحمدلله على كل حال بس الحييين مادري شسوي هل اتابع واروح اقزها مره ثانيه ولا اوقف واخليها على الله والله انا مفكره اني ما اروح بس امي تقول لا تقعدين روحي للدكتوره والله كررريم مادري شسوي انتو شرايكم بنات مع العلم انا ما فيني شي يعني كل شي عندي طبيعي


شااااااااااااركوني برايكم محتاره

 

[مريومه :)]

هلا حبيبتي عروسه

قدر الله وماشاء فعل

والله راح اعوضج انشالله

بس ليش توقفين !!! ما في سبب مقنع

وايد بنات ما اضبطت معاهم من أول مرة

انا اقولج الله معاج وروحي حق دكتورتج وااله اوفقج

 

[WaChoCha]

ما عليه حبيبتي الله يعوضج كل خير .... وان شاء الله نسمع عنج كل اخبار طيبة
لا توقفين اللي صار ماهو اخر المطاف كلنا قاعدين نحاول بكل الطرق ...توكلي على الرحمن وثقي فيه وجربي مرة ثانية .... لمة ياهل بين ايدينج تستاهل تسوين له كل شي والله لا يردج خايبة اللهم آمين
يا رحيم يا رحيم يا رحيم

 

[عروسه 99]

مشكوووووووووووووووره حبيبتي والله انج شجعتيني وجد مريومه ارتاح من شوفت نكج سبحان الله حبيتج في الله وانشالله الله يرزقج انتي وتبشرررريني بحملج يا رب ومادري بس انا دكتورتي عطتني حبوب قبل الابره ما اذكر اسمهم بس اهما يمتنون وانا اخاف انه لا من الياهل ولا من الجسم ومن خذيتهم صايره اكل بشكل مو طبيعي وخايفه الصراحه من هالشي والف شكر على ردج حبيبتي

 

[ريحانة_14]

هلا حبيبتي عروسة

لأ روحي للدكتورة وإسعي بعد قلبي كثر ما تقدرين

أدري ضايق خلقج لكن رب العالمين أدرى بخلقه وعباده وقدراتهم

توكلي على الله وراجعي دكتورتج

 

[عروسه 99]

هلا حبيبتي ريحانه اول شي الحمدلله على كل حال

ثاني شي والله اجذب عليج لو قلت لج انه مو ضايق خلقي لدرجه والله انا اليوم ما رحت دوامي وريلي شاف حالتي بس الحمدلله بين انه مو مهتم لهالموضوع وهذا اللي خفف علي شوي ووجودكم وردودكم قاعد اتشيل الحزن والله من قلبي عسى الله يرزقكم بالذريه يا رب ويرزقني معاكم

 

[مرمريتوو]

بعد عمري ...

حاسه فيج والله
و حاسة باللي تعانينه

روحي و اسعي و خلي الامل كبييييييييييييييييييييير
و بيصير اليوم اللي تنامين و يمج وليدج و الا بنيتج
باذن الله

انا بعد عانيت من هالحبوب و صرت اكل بشكل مو طبيعي و متنت
يااااارب هالشهر يكون فاتحة خير علينا و عليج

 

[ايمانو حلوة]

الله اعوض صبرج خير بعد قلبي وعسى ربي يرزقج ويرزقنا معاج
بس حياتي دامج تقولين كلشي عندج طبيعي خلي زوجج يفحص حرام يلعبون فيج الدكاترة دام ان كلشي عندج طبيعي

 

[عروسه 99]

مشكووووووووورين حبايبي على ردودكم والله انكم فرحنوني واخنقتني العبره من قريت ردودكم

مرمريتو حياتي ما تقصريين على الدعوه الحلوه وعسى الله يرزقج وينولج اللي في بالج يا رب انشالله

إيمانو حلوة مشكوره حبيبتي على ردج والله مادري شقولج انا بنطر شهر او شهريين وبعدها بقوله انه الدور عليه بس انا ملمحه له قبل فتره عن هالشي بس نو كمنت من عنده ماكو اي تعليق والحمدلله على كل حال وانشالله نفرح بحمالنا وايي اليومز اللي كل وحده اتبشر الثانيه بحملها يا رب والله كررررررررريم

 

[المهذبه]

الله يعوضج أنشالله

 

[القطانيه]

افا علييييييييييييييييييج بس خيره ياقلبي ريحي نفسج الحيين وهدي اعصاابج ويالله بلشي علاج وعسااج ماتشوفيين الدوره مره ثاانيه وتكونيين حاامل وكرشج في كتكوتين الههم اميين يارب العالميييييييييين

 

[الريشة]

أول شيء لازم زوجك يفحص و بعدين روحي اخذي الأبرة مرة ثانية

 

[F O O S H I A]

اهم شي انتي بخير ..واستمــــــــري بالعلاج ....ميخالف كل تاخيره وفيها خير وتبشرينا بخبر حملج وكلنا نحمل يارب العالمين يارب

استغفر الله واتوب اليك الاستغفار .................وربي يوفقج الغاليه

 

[الحلوه الأموره]

السلام عليكم ،،،،،

وااااااااااااااااااااي ورب الكعبه لو ما اني بالدوام جان بجيت ( أصلا غورقت وخنقتني العبرة)
والله انج تتكلمين عن حالتي .... استغفر الله العلي العظيم ... حتى ان مفكره ما اروح للدكتور هالشهر وأخليها على الله ....

يالله الحمدلله على كل حال ... الله يعوض صبرنا خير وبذرية صالحة يارب العالمين

أنا بنت خالي قالتلي استغفري عالاقل باليوم 1000 مره ... يالله خل نشتغل استغفار وان شاءالله بإذن الله يرزقنا بدون لا أدوية ولا شي

تحياتي

 

[كويتية84]

لا تيأسين حاولي اكثر من مرة وانشالله الله راح يرزقج باذنه ...

 

[madam_cake]

حبيبتي لا تياسين من رحمة الله والله قال اسعى ياعبد وانا اسعى معاك وبالعكس انا رايي من راي امج روحي احسن هالشهر الله ماكتب لج حمل ماتدرين يمكن الشهر الياي انشالله تحملين واهم شي خلي نفسيتج اووكي عشان يتم العلاج واستجابتج للعلاج اتكون اكثررررررررر وانشالله اتبشرينا بالاخبار الحلووووووووووووووووة

 

[ام يوسف القمر]

روحي للدكتورة

ليش ناطرة واذا ماصار شي قدر الله ماشاء فعل

الله يرزقج ويرزقنا يارب

 

[البدايه 23]

يارحيم يا رحيم يا رحيم

 

[عروسه 99]

بنات مشكووووووووووووووورين على ردودكم وسوري لاني امس ما شبكت كنت تعبانه شوي ورحت الطبيب حق رشمي مره ثانيه من بعد الله وانتم لكم الفضل من بعده وامس بديت مره ثانيه العلاج وخذيت الحبوب اليوم نفسهم اللي خذيتهم المره اللي طافت بنات الله لا يوريكم قعدت من النوم اليوم الصبح وانا مشتغله ترجيع الظاهر انه تاثير الحبوب مع انه المره اللي طافت ما صار فيني جذي وكان الوضع عادي بس هالمره احس انه غير ماني قادر اتحملهم مع انه فترتهم 5 ايام

على فكره بنات انا قلت لها دكتوره زوجي ما يسوي علاج يعني ما يعالج او يسوي تحاليل يعني بس انا اللي اعالج قالت لي نطري الحين انتي وخليها عقب ثلاث مرات اتعدي اذا ما حملتي الباجي على ريلج يعني تبيني اقز الابره ثلاث مرات وانا خذيتها مره وباقيلي مرتين ومخليتها على الله ادعولي امانه


والف شكر حق كل وحده ردت علي عسى الله يرزقكم عاجلا غير آجلا بالذريه الصالحه يا رب وانشالله الله يرزقني معاكم ياااااااارب

ربي لا تذؤني فردا وانت خير الوراثيين