مجاملة ونفاق ونفاق ومجاملة!!!

[حبيبة أهلها]

الســـــــــلام عليكم ورحمة اللة وبركاتة
في المناسبات الإجتماعية, في العمل , في المدرسة والجامعة , في الشارع
واحيانا ْ في المنزل ..... دائما ْ تلازمنااا حتى اصبحت من اساسيات
التعامل مع الأخريييييين
وكسب مودتهم ,,, انها المجــــــــــاملة ,,,,

ماهي المجاملة ؟؟؟
هل هي نفـــــــــاق اجتماعي ...؟ أم اتكيت في التعامل ؟

هل المجاملة كلمه حلوة لابد لنا من قولها ,, ام مفتاح لقلوب الأخرين ؟

ولماذا نضطر للمجاملة ,, هل خوف على مشاعر الأخرين أم طريقة ذكية لكسبهم ؟

تخيييييييييييلوا معي حياتنا خالية من المجاملات او بإسلوب اخر (من نفاق اجتماعي)!!!

عندما يجاملك احدهم ..او يمدحك في شي معين ماذا تشعر ,,

هل تخشى انها مجامله ام يستولي عليك الشعور بالنشوة والسعادة وتستقبلها

بالشكر والإمتنان ..............؟

منقول لالاستفادة

 

[KaTToOoYa]

مشاركة: مجاملة ونفاق ونفاق ومجاملة!!!

و الله انا بطبعي ما احب المجاملات .. و قبل كنت كللللش ما اجامل .. بس الواحد لي كبر يضطر يجامل الناس ..

يعني انا ما اقول لكم اني اسكت الحين كبيره حيل .. بس باديه اكبر و لازم اعوّد نفسي على الأشياء الضرورية اللي ما كنت أسويها ..


بس بصراحه انا لما ايي ابدي رايي بشي معين ما اجامل .. يعني مثلا وحده قالت لي شرايج بلبسي .. اقول لها رايي بصراحه و طبعا صراحتي ما تجرح اكيد و اعرف شلون اختار الكلمة .. ما اعرف اجامل اقول ( لا و الله ماشالله لبسج .. شي شي شي مو طبيعي ) !! و انا اصلا م وعاجبني لبسها ..

بس اجامل .. لمن يطلبون مني اسوي شي و هالشي انا ما احبه او مو متعوده اسويه ..
اجامل بكلام المجامله ( مشكورة .. ما قصرتي .. مبارك عليج الشهر . عيدج مبارك .. الخ ) .. هذول ما كنت احب اقولهم . بس الحين قمت اقولهم ..

اجامل لما يقولون لي ذوقي هالشي .. وانا اكون طفحااانه أو ما احب هالشي .. اجامل بقفشه قفشتين ..


و في جم حالات اجامل فيها ... بس بصراحه اذا احد طلب رايي بشي ما اجامل فيه .. هذا اللي اسميه نفاق ..


و المجاملة شي حلو و اعتبره فن مو الكل يقدر يسويه .. حاله حال الكلام .. الكل يتكلم .. بس مو الكل يعرف يتكلم .. و مثل ما الكلام طريقه تواصل بين الناس و اسلوب نتقرب فيه من الناس .. هم المجاملة نفس الشي ..


و انا اغلب مجاملاتي تكون بالفعل مو بالقول ..

 

[حبيبة أهلها]

مشاركة: مجاملة ونفاق ونفاق ومجاملة!!!

مشكورة اختيKaTToOoYa يعطيك العافية على الرد الحلووووووووو والف شكر حبيبتي

 

[ام طلال]

مشاركة: مجاملة ونفاق ونفاق ومجاملة!!!

النفاق والمجامله وجهين لعمله واحده والله مكثّر النفاق بالكويت يعني اذا تبين شغلج يمشي بسرعة البرق نافقي واذا ماتعرفين مريّنا باجر ومريناّ عقب اسبوع . وآنا اعتقد ان النفاق مرض لازم الواحد يتخلص منه

 

[OM 3ABOOD]

مشاركة: مجاملة ونفاق ونفاق ومجاملة!!!

موضوعج حلو وبصراحه يخلي الواحد يوقف شوي مع نفسه ويفكر !!!

بصراحه انا اضطر اني اجامل في حياتي عشان ارضي ناس احبهم وعشان ما اسبب مشاكل فاجامل عشان الكل يرضى !!!

بس قمت احاول اني ما اجامل على حساب صحتي مثل اول ولا على حساب احساسي ومشاعري لاني كنت اخسر وايد اشياء تاثر في نفسي بسببها

بس الحين مثل ما قلت لكم اجامل بس بعقلانيه نوعا ما ومن غير ما احس اني انافق واكون فعلا ما انافق انشاء الله مو يقولون لاجل عين تكرم الف عين

 

[حبيبة أهلها]

مشاركة: مجاملة ونفاق ونفاق ومجاملة!!!

هــــــــــــــــــــــــــلا وغــــــــــــــــــــلا

خواتي ام طلال وom 3abood حياكم اللة فرحتني ردودكم العسل

 

[al7anona]

مشاركة: مجاملة ونفاق ونفاق ومجاملة!!!

المجاملة اهون من النفاق
النفاق اسلوب كريهه

مشكورة على الموضوع

 

[حبيبة أهلها]

مشاركة: مجاملة ونفاق ونفاق ومجاملة!!!

اية واللة صادقة اختي شموعة

 

[صلاتي-حياتي]

ما أدري احس المجامله مو نفاق اجتماعي بالعكس اهي ضرورة اذا طبعا سويتها لوجه الله وماقصدك اي شي من وراها مثلا أمدح وحدة عشان ارفع روحها المعنوية للعطاء اكثر ... مثلا احضر مناسبات مو المجاملة بس من باب التواصل الاجتماعي واهي قدرتني اقدرها ..وهلم جرا ..

المجاملة ابدا مو نفاق اجتماعي لو خلت قلوبنا من حب الدنيا وانافق لأجل مصالح بالعكس المجاملة بتقرب الناس من بعض اذا كانت لوجه الله .. بتقولون مافيه احد يجامل الا لمصلحة وطبعا هذولا الاغلبية راح اقول نعم وللأسف هالاشكال لازم ماآخذ واعطي معاهم اي نوع من المجاملة اذا كنت عارفه نواياه مسبقا

تكلمت كثير اعطيكم المجال تفضلوا ...

 

[@الخياله@]

اوافق اختي صلاتي حياتي الرأي

فالمجامله احيانا من الادب في التعامل !!

وهذا ما استشفيته من خلال قرائتي لكتاب العريفي

(( استمتع بحياتك ))


ولكن يجب ان تكون المجامله بحدود ،، ولا تتعدى وتصل للنفاق مقابل المصالح !


هناك مجاملات تقدم لرفع المعنويات ،، وهناك مجاملات تقدم للنصيحه ،،

مثلا نقول انتي جميله وخلوقه >> ولكن لو لبستي الحجاب المناسب لكنتي اجمل !!


هذا رأيي وواترك المايك لكم (=

 

[حبيبة أهلها]

حياااكن الرحمن ورايكن على راســــــــي

 

[هوى الدار]

موضوع جميل

والنفاق نفاق وهو الكذب والمبالغه لاجل المصالح

لكن المجامله اسلوب حلو وطريقه سلسه للتواصل مو الهدف منها مصلحه

يعطيج العافيه زميلتي حبيبه اهلها لكن اسمحيلي انقله للقسم الصح

 

[روح الدنيا]

الكلمه الطيبه حلوه .. بس النفاق هو اظهار خلاف ما نبطن هذا اكررررررررهه