حلوة ومملوحة الكويت
New member
قوووه بنااات
اشلونكم..ياعساكم بخير وعافيه
جربواا هالمجبوس بهالحشوو اللذيذ..حلو التغيير ..وتجريب شغلات جديده ندخلهااا على الطبخه
والله يااا بنااات..حدها لذيذه هالأكله.
اشرايكم نبلش...
يالله..بسم الله
نسوي الحشو أول شي
ومقاديره:
2بصل مفروم
4فصوص ثوم مدقوق
2حبات فلفل بارد مقطعه مكعبات صغيره
جزر وبطاط مقطع مكعبات ومقلي
بصل اخضرمفروم.. يعني البقل مو الراس الابيض اللي فيه.
لوبياا منقعينهاا يوم كامل بماي ومن باجر سالقينهااا لين استوت
نحمس بصل مفروم بحوالي 6 ملاعق أكل زيت ونحمس ليما يتشوقر ونضيف عليه الثوم المدقوق .. ونحمس
ونضيف الفلفل البارد المكعبات.. ونحمس ونضيف البصل الاخضر المفروم..ونضيف ملعقة اكل بهارات مشكله ونص ملعقه فلفل اسود ونص ملعقة اكل كركم ونحمس..ونضيف مكعب ماجي..ونحمس ..ونكون مجهزين مكعبات بطاط وجزرالمقليه مسبقاا ونضيفهاا على الخلطه ونحمس ونضيف اللوبياا ونحمس واذا حسينا ان الخليط تجانس نملحه و نسكر الجوله.
وراح يكون بهالشكل:
نخلي حشوناا على جنب ونسوي العيش والدجاج
نحمس بالجدر أول شي الثوم الدقوق حوالي اربع فصوص بالزيت بسرعه بسرعه عشان لا يحترق ونضيفله البصل المفروم
ونحمس ونضيف ملعقة أكل كركم ونص ملعقة أكل فلفل اسود وملعقة اكل بهارات مشكله وحوالي 5 حبات هيل عدله ونص ملعقة أكل لومي اسود ناعم ونحمس وإذا شفنا الحمسه تشوقرت ضفنا الدجاج اللي نكون منظفينه ومنقعينه بشوية ليمون
والدجاج يكون غير مقطع يعني كامل ونحركه بالجدر عشان يتشرب من الحمسه ونضيف عليه ماي حار مجهزينه مسبقااا يغطيه وزياده شوي ونملحه ونخليه على الجوله لين يستوي ....واذا استوى طلعناه من الجدر وفركناه من بره بخليط يتكون من التالي:
نص معجون طماط
عصير ليمونتين
مكعب ماجي نهرسه في الخليط
نص ملعقة اكل كركم
ملعقة اكل بهار مشكل
نص ملعقة فلفل اسود
ملعقتين كاتشاب
نفرك ظهر الدجاج عدل بالخليط ونحشي بطنها بحشو اللوبيا والخضار اللي سويناه وندخلهاا الفرن ونكون مشغلينه من فوق
ومن تحت ..وننطر ليما اتحمر واتحمش ..لانهاا مستويه ..ونبي بس نكسبهاا اللون الحلوو ..وانهاا تتشرب من الخليط.
وراح تكون بهالشكل
الحين ياحبيباااتي نبي نسوي العيش:
نرجع للجدر اللي فيه مروق الدجااج ونعلى النار عليه وإذاا شفناه قام يفوح نضيف عليه شدة كزبره مفرومه ناعم وشدة اشبنت
وطبعاا هالشغله اختياريه..بس آناا حيل افضلهااا لانهااا تعطي طعم عجييييب.
ونجبس فيه العيش اللي نكون منقعينه بماي دافي لمدة لاتقل عن ساعه..ونخليه اول عشر دقايق على نار عاليه وبعدين نخفف النار على الآخر ونخليه ليمااا يتناشف العيش..واذاا تناشف وزعناا على الوجه ملعقة اكل زيت يعطي لمعه وشكل للعيش.
وهذااا جدرنااا لمااا سكرناا عليه الجوله
والحين النجاااااب
وطبعااا ماننساا الدقوووس ابوو علووب
واعذروني بنااات على السرعه بالصور..والله إني قاعده اصور وانا انجب بالمطبخ وابوو الشباااب والعيااال ينااادوني:krkrkr:..يالله يالله ..الغداااا وينه..ههههههههههههه..الظاهر واصلتهم الريحه الخنينه..:dddds:
واقبلوااا تحياااتي ياغالياااات,وانشالله اني قدرت افيد لو إفاااده بسيطه...
التعديل الأخير:
