مجبوس الدجاج مع سلطة الروب بالخيار

[blue ocean]

السلام عليكم و رحمة الله و بركاته


الكل يعرف المجبوس .. و أنا أموت فيه و أحبه خصوصا مجبوس الدياي ..يبت لكم الطريقة .. طريقتي .. بالصور أكيد مع طريقة عمل سلطة الروب (حق اللي ما يعرفونها)

بكل بساطة تفضلوا و أتمى تعجبكم طريقتي ..​

المقادير :



محتاجين عيش (أرز) مقدار ثلاث أكواب و نص .. نغسله عدل .. و ننقعه في الماس لحين الاستخدام بس ما نزيد عن 30 دقيقة

محاجة دياية متوسطة الحجم .. أقطعها و انظفها .. و طبعا أغسلها بالملح و الليمون و الخل .. عشان الزفرة

ملح وبهارات مشكلة .. كزبرة خضراء مفرومة .. ورق غار .. لومي يابس .. قرفة عيدان .. حبات هيل و مسمار و فلفل أسود .. ليمون فرش .. ثوم و زنجبيل معجون مع بعض .. فلفل أخضر حلو متوسطة لحجم أقطعها عيدان بالطول .. و قرن فلفل أخضر حار (ممكن تستغنون عنه)

بصلة كبيرة .. نقطعها شرحات صغيرة أو مربعات على حسب الرغبة

حبيتين طماطم متوسطة + معجون طماطم ملعقة طعام


الطريقة:
أول شي نضيف البهارات على الدياي المقطع .. كل البهارات ويا بعض .. ورق الغار مع القرفة كل المقادير السابقة مع عادا البصل و نعصر الليمون الفرش.. نخلطهم ويا بعض ..

نرفع الجدر على النار و تكون هادية .. نضيف البصل .. نحركه شوي .. و بعدين نضيف شوي زيت .. ممكن نستبدل به السمن إذا حبينا ..

نترك البصل يحمر شوي .. بيصير لونه ذهبي فاتح

الحين نضيف الدياي المبهر

و نقلب كل شي ويا بعض .. نتركه فترة 15 دقايق تقريبا و نغطيه على نار هادية جدا .. و بعدها نقلب فيه شوي و نرجع تغطيه لـ 15 دقيقة ثانية أو حسب ما نشوف سوا الدياي عندنا

نرفع الغطاء و انتبهو تحرقون عماركم من البخار .. بتلاحظون مرقة الدجاج .. هذا المطلوب من تسويته على نار هادية ..

​

 

[blue ocean]

يتبــع​

أنا محتاجة هذي النكهة من المرقة .. الحين أضيف الفلفل الأخضر الحلو مع الفلفل الأخضر الحار و اقلب و اغطي الجرد مرة ثانية حتى يذبل الفلفل و تطلع ريحته الحلوة في الطبخة

ارفع الغطاء و بلاحظ بأن شكل الخلطة صار أحلى و أحلى ..

جا دور الطماط و معجون الطماط

نتركه خمس إلى سبع دقايق

​

 

[blue ocean]

يتبــع

في ها المرحلة .. ممكن نتبع طريقتين .. يا إما نضيف العيش أول أو انضف الماي أول على حسب اللي تحبونه ..

أنا أحب أضيف الماي أول.. كمية الماي لازم تكون مقدرة على حسب كمية العيش اللي بضيفه .. فلازم الماي ما يزيد عن مستى العيش بأكثر من انش واحد سواء ضفت العيش أول أو الماي قبل

طبعا أنا ضفت الماي قبل .. أضيفه .. احرك شوي و بعدها أعلي على النار و اتركه يغلي

بعد الغلي .. أصفي العيش من الماي و اضيفه على الصالونة اللي تغلي

هنيه أهم خطوة لازم انتبه على العيش عشان ما يحترق و لا إنه ينعصد .. كيف بعرف؟؟ بنتبه بأن لماي يببدأ ينشف تدريجيا .. و هذا معناته بأن العيش قام يتشرب الماي و هذا اللي أنا أبغيه .. مع آخر مرحلة لما أشوف بأن المتبقي من الماي شي بسيط بسيط في الجدر .. اقصر على النار على أهدأ شي .. و إذا عندي عازل ممكن أحطه و اترك المجبوس يستوي على الهادي جدا.. ممكن أدلخ الفرن على درجةحرارة هادية و اتركه يستوي بس ما اخليه وايد عشان ما ينعصد

و حتى يوصل لهذي المرحلة وياي .. و بعرف إنه استوى لما أشوف البخار الظاهر من الجدر

​

 

[blue ocean]

يتبــع


و هذا المجبوس بالدياي و عليكم بالعافية :ggdw:

+++++

سلطة بالروب ​

المقادير:

المقادير تكفي 6 أشخاص

*خيارتين
*نص حبة جزرة كبيرة

*علبة روب كيلو
*ملح
*فلفل أسود مطحون

الطريقة :

افرم الخيار و الجزر في الخلاط اللي تبشر أو المبشرة اليدوية

أضيف الروب و اخلطه ويا الخضرة

أضيف الفلفل الأسود و الملح و أخلط الروب عدل

أزين الطبق و هني و عافية

هذا كل شي اليوم .. ​

​

​

منقـــول​

مو انا ماوصلت مواصيل اسوي هالطبخه ::tomato2:
وعليكم بألف عافيه :eh_s(6):​

​

 

[Dalo3a in Texas]

يعطيج العافيه

 

[بطاطا]

امبيييييييييييييييييييييييه عجيييييييييييييبة تشوووووووق

ودي اسويها بس ما اعرف


تسلمين ع النقل الحلو

 

[blue ocean]

دلوعه ان تكساس

بطاطا

تسلمون عالمرور ..

 

[srsr]

تسلم ايدج حبيبتي شكلو خنين من البهارات الحلوه

 

[جارة القمر]

مشكووووووووووووووووووووووووووره

وتسلم ايدج

 

[% HoooR %]

يعطيج العافية

وان شا الله نتعلم

 

[*دنــيـQ8 ــا الوله*]

تسلم ايدج

 

[جورية كويتية]

يعطيج العافيه

:eh_s(18): :eh_s(7): :eh_s(18):
​

 

[طير الحب]

مشكوره تسلم ايدج

 

[$غــ(ز)ــل$]

مشكووووره على الاختياااااااار الحلووو
يعطيج الف عافيه

 

[الاخلاص]

يم يم

 

[blue ocean]

الله يعافيكم ويخليكم مشكورين عالمرور خواتي ..

 

[عنب أحمر]

عفيه خوش طبخه

 

[ضحكة الدنيا]

تسلمين حبوبه على النقل المميز

 

[جروح تبتسم]

الله يعطيج العافيه حبيبتي
بصراحه صج روعه

 

[atooma]

تسلمين ع النقل الحلو