مجبوووس بحريني حار
:eh_s(15):
نبداء اهم خطوة قبل اسبوووع لووول
تشترون فلفل اخضر (علوب) الي طوله طول صبع وحار وايد
ترجعون البيت وتحطونه في صنية ( بدون مايصيده ماي يعني لاتغسلوونه )
وتحطونه فوق الثلاجه او اي مكان عشان يطقه الهواء وبعد اسبوع يجف ويصير حمر فشيلوه وحطوه في علبه برع الثلاجه واستخدموه ترى مايخترب
المكونات
دجاجة 1000 مقطعه ومغسوله
اربع حبات بصل متوسطه
فص ثوم او فصين حسب الرغبة
قطعه صغيرة زنجبيل
الثوم والزنجبيل دقوهم مع بعض
فلفل اخضر بارد مقصص صغار صغار
اربع حبات طماط متوسطه مقصصه وسط
بهارات ( بهار دجاج - بهار لحم - فلفل احمر - لومي اسود - كركم - ملح - سنوت - جلجلان -
بهار برياني - حلبه ( قليل جدا ) <<< كل لبهارات الي عندي بس اركز على بهار الدجاج احط ملعقتين
بقدونس نص حزمة مقصصه صغار صغار
فلفل احمر مجفف
مكعبين ماجي
جيله ونص عيش مغسول
المهم نبداء بالخطوات
اول شي اقصص بصل ( مثلا اذا دجاجه بو 1000 احط اربع رووس بصل متوسطين الحجم )
واقصصهم صغار صغار عقب احط الزيت واقلبهم شوي بعدين احط سنوت ( كمون ) بودرة بمقدار ملعقه
عشان يصير البصل بني واقلبه
بعدها احط زنجبيل مدقوق مع ثوم مع الحمسه واخلط
بعدها احط الدجاج المقطع و البقدونس والفلفل البارد الاخضر والطماط واقلبه واغطيه
( بنات ضروري التغطيه عشان البخار مايطلع )
بعدها تاخذون لبهارات والماجي وفلفل الاحمر المجفف ( انا احط اثنين ) طول صبعي عاد انا ما ادري شطول صبعكم
عاد انتفه صغار صغار ولاتلمسون جلدكم كلش الا لما تغسلونه كم مره بماي وصابون عدل لان يحر الجلد
واغطيه
واخليه شوي بعدها اخذ كوب ماي واذوب فيه الماجي ( المكعب الثاني )
واسكبه فوقه واقصر الغاز وانطر شوي بعدها احط ليمونه سوده وحده ودارسين(الي نفس اللوح ) وهيل ومسمار وفلفل اسود الدوائر وورق غار وكل شي يخنن حطوه
واخلي الدجاج يطبخ اول ما احس ان الدجاج خلاص جهز اسكر الغاز واحط الدجاج في مشخاله
واقليه لين يصير لونه احمر
وبعدها ادخله في الفرن عشان يحافظ على حرارته
وارجع للحمسه واحط العيش واقلب واشوف الحبه لين احس انها خلاص بتجهز اجيب طاسه صغيرة واحط عيش شوي ولووون واقلبه وارجعه للجدر
بعدها احط الدجاج واحط زعفران وبودرة تطيب الاكل واسكره الغطاء واخليه عشر دقائق واسكر الغاز وما افتح الغطاء الا بعد نص ساعه عشان البخار ينزل على العيش
وبس بالعافية
