مجربات اراميكس ؟

[samsmeya]

السلام عليكم شلونكم بنات ؟


انا اليوم استغربت من شغله انا من رحت وفتحت حساب بالاراميكس قال لي الموظف ان التوصيل للبيت ما يفرق عن انج تستلمين بضاعتج من المكتب يعني اللي فهمته انه مافي عمولة توصيل


المهم انا طلبت ووصلت شحنتي ودفعت تكلفتها اون لاين بالفيزا عن طريق شوب اند شيب وكانت تقريبا التكلفه 12 دينار ككل

واليوم وصلت الشحنه للبيت بس ماكنت موجوه عشان استفسر من السايق اخذ مني 4 دنانير زياده

وانا استغربت مافهمت ليش خذوا مني زود اخاف قاصين علي لاني حسيت اني ضايعه ماري حق شنو هالاربع دنانير

اللي جربت اراميكس ممكن تفيدني حق شنو هل فيه رسوم توصيل مثلا ولا تكلفة الشحنه بالموقع تفرق ومو صحيحه ؟ ولا السالفه فيها نصب ؟؟؟؟


​

 

[TBOOLA]

انا الي اعرفه ارامكس ياخذون عموله مع الجمارك كله التوتل ٥.١٥٠ دينار مو اقل من هالمبلغ
واذا وزنه اكثر راح ياخذون اكثر
بس يبلش من ٥.١٥٠
:
ال٤ مالتج غريبه مادري شنو بالضبط

 

[Joy Designs]

مثل ما قالت الاخت اقل مبلغ ياخذونه اراميكس 5.150 دنانير

 

[mafio98]

المفروض ياخذ بس دينارين. رسوم الجمارك بما انج دافعه بالنت لان النت تدفعين بس الوزن مايشمل رسوم الجمارك

 

[@ام يوسف@]

ااااب

 

[Samurai]

اللي خذوه منج رسوم الجمارك .. والجمارك لها حسبة
شريت مره فلتر كاميرا خذو 5 دنانير جمرك
ومره شريت فستان خذو 3 دنانير جمرك

 

[العمهوجه]

اي انا بعد كنت طالبه اغراض وتوها وصلت وحسابي الاغراض بالشوب اند شيب ١١.١٠٠
والتوتل كله لمى وصلوا لي الاغراض١٤.٧٥٠
سألتهم ليش جذي قالوا لي رسوم الجمارك وطوابع التخليص

 

[moltencake]

اول شي دينارين حق الجمارك
و الزياده معناتها انتي طالبه اغراض اكثر من 100 دولار
فتكون الحسبه: قيمة الفاتوره * 5% طبعا تكون بالدولار و تحولينها لي كويتي .
و على فكره لازم تجيكون على كل شي قبل لا تدفعون لانهم نصابين.

 

[Ahlam Al]

اللي اعرفه ،
دينارين للتخليص الجمركي ، و على كل 100 دولار ياخذون 5% ،
و طبعا ارامكس تاخذ وزن الشحنه و ترى مرات يزيدون الوزن !!

بس انا طلبت عدسه بـ اكثر من 900 دولار
و ما اخذوا مني 5% على كل 100 دولار !!
​

 

[مفرفشه عالاخر]

يعني الحين ارامكس ياخذون ولا لا ؟

 

[NODE]

والله ماعندي خلفيه عن هالموضوع

ان شاء الله باقي الاخوات ينفعونك