مجمع مغاتير ......... وسوق الصفاة

[أمونه وأسومي]

شلونكم بنات .......... شخباركم
بنات اشرايكم بمجمع مغاتير الي بالفروانية ..... وسوق الصفاة ( الي فيه خامات وفيه محل التراث الهندي )
ودي اشتري محل بواحد فيهم
اي واحد تنصحوني فيه
وايهو منهم عليه دوس اكثر

 

[منيرة خالد]

هلا اختي ..............سوق المغاتير او الصفاة ..........؟؟؟؟؟؟ ........... ما حددتي شنهي بضاعتج اذا كانت اقمشة او اكسسوارات وكلف احسن شي الصفاة .......... واذا كانت عبي ودراريع وغيره بتكون بمجمع المغاتير كل سوق وله خصوصيته ........ وبالتوفيق

 

[أمونه وأسومي]

هلا اختي ..............سوق المغاتير او الصفاة ..........؟؟؟؟؟؟ ........... ما حددتي شنهي بضاعتج اذا كانت اقمشة او اكسسوارات وكلف احسن شي الصفاة .......... واذا كانت عبي ودراريع وغيره بتكون بمجمع المغاتير كل سوق وله خصوصيته ........ وبالتوفيق

بضاعتي ملابس من تصميمي ( دراريع - قمصان - بدلات ....... ) واسوي اكسسوارات وجناط
يعني الشغل الي بعرضه يكون جاهز مو تفصال عالطلب

 

[SWeeT~SoSo]

بالتوفيق حبيبتي ..

انا كنت ادرس بالمعهد اللي بمجمع المغاتير ..
احس السوق ميت فيه ..

مافي ناس تجي ..


انتي روحي العصر وشوفي السوق اذا فيه اقبال او لأ ..



بس اذا تبين نصيحتي حطي بضاعتج بسووووق الجهراااا
بصراحه احس مجمعاتهم ماتخلا من الناس
ماشاء الله

اقترح انج تفتحين محل بسليل
لان له صيت ..



للعلم اانا مو من سكان الجهرااا
بس اروووح لسوقتهم


والله والله والله
احسهم سوقتهم احسن من الفروانيه ..




وبالتوفيـــــــــــــــق
ياقلبي


دعواتج ربي يحقق مرادي

 

[أساور]

الصفاة كل من يروح له بس مغاتير سوق ميت

 

[cute&dabdoba]

لامانصحج بمغاتير سوق ميت حتى مره رحت محل الهندي يشتكي يقول مافي ناس

وسوق الصفاه حلو طول الاسبوع زحمه

 

[أم ضارى]

ليحوووووووشك المغاتير كان محلى اهناك ميت ميت ميت السوق

حرام تقطين فيه فلس هالمجمع

والله راحت فلوسى على الاجارات وماكو زباين كل من علباله اللى محله بهالمجمع يبيع غالى وماكو مواقف حق السيايير تخيلى انا علشان القالى موقف ساعات افتر فوق الساعتين لين ازهق

تعيس حده المجمع طلعت منه

 

[sondos]

حبوبه يعتمد على نشااطج

بس اظن اذا بضاعتج قمصان وشنط ..........الاثنين مناسبين ....بس الصفاه اذا فوق لا تفكرين مييييييييييت .......واللى يصعدون فوق بس حق المطابع او خيااط يتعاملون معاه ...محد يبى يجرب

 

[**اريج**]

مغاتير خرمس ما في دوس ابد لي رحتله ما احس اني بسوق ......

 

[إنسانه بكل حالاتي]

مغاتير مافي ناس وايد شوفي المجمعات اللي ماتخلى من الناس وموفقه يارب

 

[كوب قهوة]

ليش اخترتي هالمكانين بالذات ،، في اسواق وايد حلوة وعليها دوس ،،
بالنسبة للصفاة وايد احسن من المغاتير ،، مافي مجال للمقارنة ،، واذا عندج بضاعة منوعة ،، راح يكون له صيت انشالله ،، لان اغلب محلات الصفاة محلات اقمشة وكلف ولوازم خياطة ،، نتمنى لج التوفيق انشالله واذا فتحتي محلج ،، قولي لنا عشان نزورج ونسويلج دعاية

 

[MONARAAD]

السلام عليكم

أنا أشوف انه احسن استثمار في مجمع سوق السالمية ( ستي سنتر ) ما شاء الله عليه الناس ما تغيب عنه حتى ساعات متأخره من الليل

وسوق الصفاة هم زين وحلو وعليه دوس وايد ما شاء الله محلات الخام فيه دايما فيها ناس

بالتوفيق