محتاااره ...شسوي بعمري ...والله بمووووت

[غزلان الجود]

السلام عليكم ورحمة الله وبركاته ..


اخباركم بنات ..

اممم بدخل في الموضوع على طول لاني ماعرف بالمقدمات ..

انا مو متزوجه وقبل كم يوم تقدموا لي ناس ..طبعا الولد مافيه شي لا هو ولا اهله بس المشكله فيني !

طبعا من عادة خواتي اي واحد يتقدم لي ولا لخواتي يطلعون حسابه في الفيس ويشوفون صوره وجذي ..
انا اصلا من لما دخلوا البيت وانا مو مرتاحه لهم ..ولما شفت صورته كرهته وكله فيني الصيحه ..

اهلي يضغطون علي واصلا امي مو هامها رايي في الموضوع يعني بتوافق بتوافق ..

وانا من البدايه ما ابيهم وهي اصلا ما تخلي لي مجال ابدي رايي في الموضوع..

الولد مافيه شي بالعكس جمييييييييل جميييييل لدرجه انه مثل الاجانب وابيض لدرجه فضيعه وهذا اللي كرهني فيه زياده ..جماله جمال بنات والله .. الواحد لما يشوفه ما يقول رجال نااااااعم ناااااعم

يعني كنت اتمنى زوجي يكون اسمر مني ..اكون احلى منه ...

وادري الحين ردودكم كلها حمدي ربك وخذيه غيرك يتمنى ...

بس والله مو قادره اتخيل انه هذا زوجي ..كرهته كرهته شسوي ياناس والله ابي احد يحس فيني ..اذا كلمت خواتي يقعدون يصرخون .علي.

واذا كلمت امي ما تعطيني وجه ..شسوي قولولي .. حتى لو ردت علي تقولي انه امثاله ما يتكررون ..

واصلا من قبل لا اشوف صورته في الفيس وانا قلبي مو مرتاح لهم .. هذا شي ..

الشي الثاني اني حاليا مابي اتزوج ..

شسوي قولولي والله مو عارفه ...

ماعندي الا الله ثم انتوا ..ساعدوني ياكويتيات ..

ربي يوفقكم

 

[popa]

رفظيه بالاخير انتي الي بتتزوجين مو اهمه

 

[Daisy flower]

ما استخرتي !!

انا نفس حالتج كنت رافضه زوجي رفض قطعي .. بس الحين مع العشره حبيته وماتخيل روحي بدونه ..

صلي استخاره مره ومرتين وثلاث وربي يكتبلج اللي فيه الخير .

 

[poom poom]

اول شي لازم تستخريين وبعدين تقررين ولا تخلين امج تأثر عليج واتهور وتوافق بدون موافقتج لانج انتي الي راح تعيشين مع الريال مو امج

 

[ماني من الناس]

شوفيه يمكن تحبين شخصيته

 

[شهد المحمد]

استخيري ثم استخيري ثم استخيري ترى ما تدرين وين الخيره

اعرفلك بنت تقدم لها خاطب وجننت اهلها ما تبيه و بالاخير غصبها اهلها عليه

وتزوجته والحين تقول لامها الله يجزاك خير اللي غصبتي عليه لانها حبته وطلع كفو

ااانا ما اويد الضغط في امور الزواج لكن في بعض الاحيان الاهل يشوفو ن شيء

البنت مو شايفته

و يا حبيبتي استخيري مثل ماقلت والله يكتب لك كل خير

 

[Beyoncee]

استخيري وتعرفي على شخصيته
الرجاجيل مخابر مو مناظر

 

[iLLuMinaTion]

استخيري

 

[غرام 20]

انا كرهت زوجي من اول ماشفته يعني موحلو وقصير بس لما تزوجته ارتحت له حيل مدللني واي شي ابيه يجيبه لي احس نفسي محسودة عليه

وعسى ان تكرهو شيئا وهو خير لكم
صدق الله العظيم

 

[أم ريــــــم]

والله مدري شقولج !
يعني ما اشوف اكو مشكله بالموضوع ارفضيه وبس

 

[الأميرة جوري]

الله يكتب لج اللي فيه خير

 

[نونو العصله]

ما شاء الله
صارو يسالون عن المعرس في الفيس بوك والتويتر
سبحان الله
يوخيتي ليش معوره قلبج
استخييييري و اسالي وفكري على مهلج
ما تدرين وين الخير والنصيب

توكلي على الله والله يقدم اللي فيه الخير

 

[المـــــاس]

استخيري وفيه فتره خطوبه لاتصيرين متزمته حيل

 

[زوجة عزيز]

لا تجبرين نفسج على شي انتي مو مرتاحه له رفضي وخلاص

 

[بحر الرمال]

عادي رفضيه و انتهى الموضوع ليش متأزمه و ضايق خلقج و تفكرين

 

[صادقة بكلمتي]

حبيبتي الريايل مخااااابر يعني انسي شكله استخيري وقعدي معاه يمكن شخصيته زينه وصالح وادعي الله وما يخيب رجاج ان له خير قربه لي وان فيه شر ابعده عني يارب وعسى الله يكتبلج اللي فيه خير لج ويهدي قلبج للشي الزين لا تتسرعين واستخيررررررررررررررررررررررررري

 

[الريم اللعوب]

حبوووبه يمكن موصورته الي بالفيس بووك

 

[tbola]

استخيري احسن