محتاااره ...شسوي بعمري ...والله بمووووت

[غزلان الجود]

السلام عليكم ورحمة الله وبركاته ..


اخباركم بنات ..

اممم بدخل في الموضوع على طول لاني ماعرف بالمقدمات ..

انا مو متزوجه وقبل كم يوم تقدموا لي ناس ..طبعا الولد مافيه شي لا هو ولا اهله بس المشكله فيني !

طبعا من عادة خواتي اي واحد يتقدم لي ولا لخواتي يطلعون حسابه في الفيس ويشوفون صوره وجذي ..
انا اصلا من لما دخلوا البيت وانا مو مرتاحه لهم ..ولما شفت صورته كرهته وكله فيني الصيحه ..

اهلي يضغطون علي واصلا امي مو هامها رايي في الموضوع يعني بتوافق بتوافق ..

وانا من البدايه ما ابيهم وهي اصلا ما تخلي لي مجال ابدي رايي في الموضوع..

الولد مافيه شي بالعكس جمييييييييل جميييييل لدرجه انه مثل الاجانب وابيض لدرجه فضيعه وهذا اللي كرهني فيه زياده ..جماله جمال بنات والله .. الواحد لما يشوفه ما يقول رجال نااااااعم ناااااعم

يعني كنت اتمنى زوجي يكون اسمر مني ..اكون احلى منه ...

وادري الحين ردودكم كلها حمدي ربك وخذيه غيرك يتمنى ...

بس والله مو قادره اتخيل انه هذا زوجي ..كرهته كرهته شسوي ياناس والله ابي احد يحس فيني ..اذا كلمت خواتي يقعدون يصرخون .علي.

واذا كلمت امي ما تعطيني وجه ..شسوي قولولي .. حتى لو ردت علي تقولي انه امثاله ما يتكررون ..

واصلا من قبل لا اشوف صورته في الفيس وانا قلبي مو مرتاح لهم .. هذا شي ..

الشي الثاني اني حاليا مابي اتزوج ..

شسوي قولولي والله مو عارفه ...

ماعندي الا الله ثم انتوا ..ساعدوني ياكويتيات ..

ربي يوفقكم

 

[Tom ♥ Jerry]

,


مو معقوله كرهتيه !!
ما حصل موقف وياج منه عشان تكرهينه
حبيبتي انتي كرهتيه لانه كنتي تتمنين ريلج يكون اسمر منج و جذي
بس الي تقدم لج الحين واحد حلو و جميل
و انتي ما تبين هالشي عشان ما يقولون خذت واحد احلى منها

أولا خلي عندج ثقه بنفسج يا قلبي
و عرفي حق نفسج و شلون تطلعين نفسج حلوة
و اذا الريال زين و يصلي و اخلاقه اوكي عالي العال شكو ترفضينه
بس عشان حلوو مثلا :/ ؟!
ترا كلش مو منطق صراحه ..

ثانيا انتي عليج بأخلاقه ترا ياما رياييل تشوفينه براد بيت بس اخلاقه صفر
و لا يعرف يتكلم ولا يتعامل مع الحريم !! > يعني باختصار مافيه رجوله ..

انا اقول استخيري ربج و سئلو عن اخلاق الريال و صلاته
و وكلي امرج لله و توكلي على الله و تزوجي حياتي
و ابدي صفحه يديده بينج و بين ربج و حياه يديده و الله يوفقج !!

انتي صدقيني مو كارهته كلش .. بس يمكن تكونين مو متقبله شكله
وايد حريم ياخذون ريال ما يتقبلون شكله
بس مع العشره يموتون على رياييلهم و رياييلهم يموتون عليهم
و انتي بعد خلج ذكيه و عرفي حق ريلج المستقبلي

 

[روج وردي]

عادي عادي
أنتي بس لأن كان اللي في بالج غير

استخيري وتوكلي على الله

عندج أنا مثلا توقعت شخص شكله غير. مثلا إن حنطي كلون وجاني اسمر. مع الأيام صرت أحبه وأموت فيه وربي يجمعنا عاجل غير أجل

 

[ms_kakawa]

ولله ماحب الرجال يكووؤوون جذي احبه اسمراني وجذي

وعن خواتج : يدورون حساابات الادوام لوو انا منج جان صصرخت عليهم خليت الوحدهه تستحي على عمرها


سسسوري عللا الكلام بس قهرني شسوي !

 

[Gucci 2012]

اولا صلي صلاة الاستخارة
ثانيا صدقيني خلي عندك ثقة بنفسك وحطي شي ببالك ترى عمر الرياييل ينقاسون بجمالهم بالعكس اهم شي الاخلااااااق
ومو مهم مين الاحلى ؟ المهم انك مقتنعة فيه وباخلاقه

وثالثا مافي كائن مايكون مو مسجل بالفيس بوك وحاط صوره له
تلقين بنات صغار ومراهقين حاطين صورهم يعني لاتخلين خواتك يشوشون تفكيرك هذا مستقبلك انتي ؟ وصدقيني لو وحدة من خواتك جايها ماترفض

ورابعا امك مسكينة وربي تبغى مصلحتك وتبي تفرح فيك وتبي استقرارك

وبالاخييييييييير القرار لك ونصيحة كأخت فكري بعقل لاتفكرين بقلبك

وربي يوفقك ويكتب اللي فيه خير

 

[اميره1980]

يمكن الصوره مو صورته اللي حاطها
اذا مو مرتاحتله كلمي امج و قةلي لها جربي و يمكن ما تردج

 

[ريمي اميري]

ما اعرف بس انا رايي خير الامور الوسط طيب اوكي كرهتيه ,,,,,,,,, لازم يكون عنك سبب ,, يمكن بتضلمين حالك ويتضلمينه معاك
لانك حكمتي بس من هيئته
انا من رايي خلو الخطبه تصير وقعدو وتكلمو وشوفيه عن قرب اذا قصدك على انه مو دفشششش كاعاده عند الرجال فامعاااك حق في هذي بسسسسسس يمكن يتغير اذا صار بينكم حب وعشره ’’ وتكوووننين ماخسرتي ابد ’ بالعكس تتاكدين هل هذااااااااااا
الانسااااااااااااان كفووو يصير زوجك ولا لا ,,
لان الزواج مو لعبه ولا هو شي سهل ايه ولا لا ؟؟@!! لااااااااااا ياماما يبيلك تعرفين انو اذا قلت ايه تتحملين اختيارك
وانو اذا قلتي لا تكووونين على يقين مو شك واعتقاد وبسسسسسسس
هذاااااااا رايي وربي يوفقك ان شاء الله للخير ​

 

[*toot]

لاتستعيلين حبيبتي وتحكمين على الريال من اول مره وتكرهينه من غير سبب!
عادي تحصل مع الكل سبحان الله لمن نشوف احد اول مره مانرتاح له بس بعد مانقعد معاه وناخذ ونعطي بالعكس يطلع الشخص
غيييير عن الصورة الي ببالنا وانطباعنا الاولي عنه يطلع موبمحله ..

ثاني شي مومقياس انج تقولين عشان شكله مابيه انتي موكارهته بس انتي تبين الصوره الي بالج بضبط تنطبق على اي ريال
يتقدم لج هذا نصيبج يعني اذا مايه ريال بشكل الي بالج ماراح تتزوجين؟

حبيبتي لاتستعيلين وتوترين روحج واعصايج وصلي صلاة استخاره وسألو عن الريال اذا خوش ريال والكل يمدحه شالمانع !
والله يكتبلج الي فيه الخير ;*

 

[سفيره الكويت]

انا اعتقد اهلج المفروض مايتدخلون بقرارج يقدمون لج النصيحه اي نعم لكن يجبرونج على قرارج غلط ودامج ما ملجتي فقولي مابيه القرار الاول والاخير لج انتي لي بتعيشين معاه مو اهم..!

لكن عندي ملاحظه..!

بأي منطق تكرهينه عشان احلا منج او اجكر منج بدون لا تشوفين اخلاقه ومعدنه ترى الجمال والشكل يذبل مايبقى الا المعدن .؟!

اتمنى انكم تنتقدون الناس بالشكل الصحيح مو بناءا على شكله والله يوفقج..!

 

[تُخْفِي غَلَاها]

,’

لا اله الا الله
حـــــبيبتي قبل كل شـــــي صلي( الاستخـــــــــــاره)
والله يــــــــكتب لج الي فيه الخــــــــــير...

.,​

 

[معزوفة عشق&]

حبيبتي اتعوذي من ابليس واستهدي بالله ولا تستعجلين وترفضينه وانتي مجرد بس شفتيه بالصور ^^

انا بقولك شغله تقريبا مشكلتي نفسك اول مانخطبت دخلت الفيس وشفت صوره وحسيت قلبي نقز من مكانه لووول
حتى قلت لامي ارفضيهم انا مو مرتاحه واناطبعا لا استخرت ولا ششي بس بعد الاستخاره ربي برد ع قلبي وحسيت مرتاحه له ولاهله والحمد تيسرت امور خطبتي لانها خيره من ربي يارب لك الحمد
انتي الحين قومي صلي ركعتين استخاره وادعي من صماصيم قلبك وربي بيكتب الخيره باذن الله

 

[زهرة الفردوس]

تعوذي من الشيطان
واستخيري
ولو حابه طلبي رؤيه شرعيه من حقت ولا تحكمين من صوره بالفيس بوك تري لما تشوفينه عالطبيعه اكيد غير ورح تتغير نظرتج
وكثرى من الاستغفار ربي يفرج لج
الله يسعدج يارب

 

[الوجه الرحوبـي]

اول شي استخيري ‘‘ وعسى ان تكرهوا شيئا وهو خيرا لكم‘‘


بعدين يمكن هو يبي وحده اسمر منه


والله يكتبلج الي فيه الخيـــر



​

 

[عيون قطوه]

مومهم الصوره ولا الجمال ولا السمار المهم الاخلاق والدين قبل كل شي

 

[اخر صمتي انين]

الله يسر امرج

 

[حجيه هيونه]

تعوذي من ابليس وروحي صلي ركعتين استخاره وادعي الله لو فيه خير لج يجعله من نصيبج

انتي يمكن لانج حاطه ببالج مواصفات معينه فما عجبج

غير جذي يمكن لا سمح الله عين او شي من جذي متضايقة

 

[الـفـجـر الـبـعـيـد]

يمكن مو صورته مو شرط خصوصا انج تقولين وايد حلو وناعم !!

انتي شوفيه وقرري بعدين واستخيري

 

[sadan]

السلام عليكم

شوفى حبيبتي انت مو شاريه نفنوف تلبسينه ابى اسمر والا ابيض

انت تبين ريال يقضى عمره معاج عالحلوة والمرة لازم تكون فى خلوة شرعية فى بيتكم وتشوفين منطقه وكلامه

وشخصيته ولاتحكمين على شخص ايا كان قبل لا تسمعينه

وصلي صلاة استخارة بعدها وشوفى شاللى ربج كاتبلج

والله يوفقج

 

[om.googi]

الزواج مو غصب ! يعني امج انعجبت فيه وانتي تبتلشين !

وحتى لو مافيه شي وزين وطيب حق نفسه ,, ع قولتج تو الناس عالزواج ..

ومثل ما اهل الزوج ينقون حتى البنت لها حق تختار اللي تبيه ,,

قوليلها مو غصب والا الفشيلة راح تصير عليكم ,, شخباري أمي توافق بلساني واتزوج اللي تبيه !
الله يعينج ..
( هذي وجهة نظري لموضوعج ) ​

 

[حالة حنان]

سبحان الله أنا أعرف وحده قبل سنتين قالتلي مثل سالفتج وتزوجت علشان أمها تبي تجوفها عروس
وقبل خمس شهور سمعت انها تطلقت وماأدري شنو سبب طلاقها فقلت سبحان الله كانت ماتبيه وكانت تقول ان قلبها يقرصها
ومو مرتاحتله فأنا أقول ان القلب دليل واذا مو مرتاحه قولي اللي بقلبج لهلج ولا تسكتين لحد الله مايرزقج بولد الحلال
الي يسعدج والله يوفقج