محتااجه توجيهكم.. جرح أليم للي مثلي..

[دلـــوعته]

السلااام عليكم ورحمه الله وبركآآته..

صبآح /مسآء الخير عالجميع..

قبل ما ادخل بالموضووع المعرف هذاا مشترك بين كذآآ وحده

يعني لا احد يستغرب اختلااااف الاراء...


نجي لموضوووعي...

بصراااحه المشكله لهاااا تقريباااا اكثر من 8 شهووور ... حاولت اكتم وادور لي على اي حل اسااعد نفسي

فيه بس خلاااص احس اني عجزت من اي شئ...


صرت ما ابي الا ارتآآآآآح فالله يخليكم بناات اللي مرت بنفس مشكلتي

او عندهاا خبره بالامور الزوجيه تفيدني لو بنصيحه عالطااير ..

اولا طبعي حيويه من قبل ما اتزوج وحتى بعد الزوااج عانيت من الخجل الزايد مع زوجي بس الحمدلله

بس اول طفل لنآآ حاولت اكسر هالخجل والحمدلله كنت جرئيه مع زوجي

خااصه انه كان يطلب اشيااء اسويهااا له بس كنت اخجل واضغط على نفسي واسويهاا لخاطره

ما ودي اني اكوون قصرت بحقه الخآآآآآآص... بس بعد ما كسرت الحاجز صرت اقراا مواضيع واجدد بعلاقتنا الحميمه..

يعني صررت فناان مع مرتبه الشرف

كان مبسووط ويقول جننتيني ... وهذا اللي ابيه يعني ما ودي انه يحس بالنقص خاصه بالحق الشرعي..

المشكله بدت اني لاحظت عليه اشياء مريبه..

مثلا يدخل غرفه اخوه ويقفل الباب وراه وطبعا يكوون معااه اللاب توب وبعدهآآ يطلع وينام ولا صحى من النوم

راح يتروووش...

او القى منعزل بمكان ومعه اللاب توب ويرتبك اذا دخل عليه احد..

احياان ما يكون معه لاب توب بس يكوون يداعب نفسه...

انا هنآآآ قلت لازم اتدخل بالموضوع.. لقيت بجهازه مقاطع مو حلووه ابد مسحتهاا من دون ما اقول له شئ

قلت يمكن يحس ويتداارك الوضع

حاولت اكثر من الاوضااع الخاصه ابيه ينشغل عن هالمواقع وخرابيطهااا

بجد جد حاولت حتى تكلمت معاااه بس ما جبت طاري للمقااطع بس وضحت له اني اولى

من حركات العاده السريه اللي يسوويهآآآ وبينت له حكمهآآ الشرعي...

وانا والله ابتسم له وطبعا بتميلح وكلاام معسووول ...

الحمدلله خفت حركااته من هالنااحيه بس المصيبه اللي كسرتني بقووه

طلب مني جمآع الدبر انا بالاول انصدمت قلت تمززح لقيته مصمم ويترجى فيني عمري ما شفته بالاذلال

رفضت وجلست طوول اليووم عالصاامت مفجوووعه والله.. حسيته بداء يتغيير بمداعبااته ويطلب اشياااء مريبه

ما ارتحت لهاا ابد ..كانت العلاقه شبه يوووميه والحمدلله كانت ممتاازه

بس بديت الاحظ انه صارت تقل ممكن يوصل بالاسبوع مره او حتى بالاسبوعين مره يعني شتآآآآآآآآآن بين قبل وبعد

صارحته وبينت له اني ما استغني عنه وابيه معي كل يووم او عالاقل يوم ايه ويوم لا بس خاطري احسسه
انه مرغوب فيه ولا ودي انه يبعد ويرجع للافلام

قلت اضرب عصفورين بحجر لا صارحته قااام يتحجج باعذار سخيفه مره انه يكون وراه دوام وانه انا يبغي لي مزاااج خاص عشان يبسطني وبكذااا بيتااخر عالنووم وبيروح للدوام تعبان..

والعذر الثاني انه يتعب لو صارت العلاقه يوميه وانه يبي يجدد نشااطه كل ما اخره يومين ثلاث والا حتى اسبووع

يعني ما فيه سبب مقنع ابد .. الا انه اكتفى بالافلاام والعااده السريه

زاد الطين بله انه حتى برمضاان صار يدخل مواقع ابااحيه اوجعني قلبي والله... لقيت بجهاازه برنامج يكسر

البروكسي ويدخل المواقع المحظووره...

بالله بناات حسووا فيني..\ انا اتعب واضبط واكشخ حتى انا اللي ابااادر بالعلااقه رغم اني كنت استصعبهاا

على نفسي بس كنت اقوول يوم لك ويوم عليك ... من باب التغيير لا اقل ولا اكثر.. حتى لاحظت انه

ينبسط اكثر لمآ اكوون انا المبااادره..



اكيد بعضكم بيقول هذا شئ خاص فيه وهو وربه.. يعني الذنب ذنبه والله بيحاسبه عليه..

وربي ادري اني حساابه له ولنفسه بس ما تدرووون كيف اثرت فيني هالمشكله قسم بالله طااح من عيني

وما عااد له مكان بقلبي غير انه ابو بنتي وبس... حتى لو جااء يتودد وهذاا طبعا حاله نااادره استحقره احسه منآآفق..

حاليا الاوضاااع متاازمه مرررررررررررررررررررررره احس مجرووحه حيل ..ابي انسى ابي اعيش من دون ما افكر فيه
تخيلووا كيف حالي معاه اللحين عالصاامت بس رسمياات سوال جواب اغسل له وارتب البيت

اطبخ له كل شئ بسوووي له الا اني اتقررب منه او حتى اقعد اسولف معاااه ابد والله مو طااايقته

احس بسكووتي قااعده احفظ كراامتي شووي ولاني عارفه لو بتكلم معاه ببكي وما راح اوصل للي ابيه..

يسالني امس ليش زعلانه قلت له انت اكتفيت مني ولازم تتعوود على هالحآآل ..

عزّت على نفسي..ما ابي اذلهاا كثرر ما فااات..


بالله وجهوووني بالخطوات اللي لازم اعتمد عليهااااا
..ضايعه وربي..

​

 

[سارة ة]

يااي الله يعينج ويسخره لج
ماعندي فكره
طمووشه

 

[فوفو22]

رد : محتااجه توجيهكم.. جرح أليم للي مثلي..

اولا :برافوووو عليك انك زوجه طبيعية 100% بدأت حياتك بخجل العذارى الحلو وتطورتي الى ان اصبحت امراة بكامل الانوثة والاغراء


ثانيا : الزوج هذا بعيد كل البعد عن دينه .....واجزم والله العالم انه ما يصلي

ثالثا : الحوار بطريقة جديه ....والصراحه بفتح كلفاته كلها بالحوار ....وايجاد حل مناسب لانقاذ كيان اسره

رابعا: كل اموره طبيعية فيما عدا ....طلبه الجماع من الدبر

خامسا :قصص انه يشوف افلام وعاده سرية ...جايز واتوقع انه مو شبعان جنسيا ...لانه اللي يوصل لمرحلة الشبع

لا يرغب بممارسة العاده السرية ...


سادسا :مشكله طارئة بحياتج وان شاء الله تعدي على خير اذا جيتي له من ناحية الدين وترهيبة بممارسة علاقة الدبر

فوفو

 

[فدييتك]

رد : محتااجه توجيهكم.. جرح أليم للي مثلي..

الله يهديه
لا حول ولا قوة الا بالله
الله يهديه بهدايته ويبعد عنه هلااشياء ويرجع لج مثل اول واحسن

 

[Gourges]

رد : محتااجه توجيهكم.. جرح أليم للي مثلي..

مادري من وصفج للاحداث تشتت ...

حبيبتي ادري ان شي صعب وشي قوي ومو سهل .. بس الانسحاب مو حل .. مو حل انج تخلينه على راحته وتعيشين معاه برسميه ..

ليش متزوجين !!

حتى لو صار بينكم علاقه بالاسبوع مره ... وانتي الي امبادره مافيها شي .. كل ماتميتي يومين ثلاثه... حطي شمووع وضبطي جوو قوووي ايشده ... وعلى هلحاله ... لمن تخلينه يرد علاقته فيج مثل اول .. اما لمن تخلينه على كيفه ماراح تطلعين بشي لانه اهوا عنده مصدر ثاني يلقا فيه الاكتفاء الجنسي ... وانتي موفرتله البيت الزوجي من خدمات واهتمام فا خلاص حياته كامله بنظره ...

بس انتي الي قاعده تصير حياتج ناقصه .. فا لازم غصب طيب تردين المياه لمجاريها ...

مثل ما قلت لج ...

1- كل يومين ثلاثه سوي جوو رومنسي وقوي يشده ... وحركات أرعه واغراءات .. بتضبط معاج ...

2- حاولي مو بس تخلين عنده اكتفاء بالعلاقه الجنسيه مثل ماسويتي قبل لا لازم تشغليييييين وقته .. اهيا السالفه مو انه عنده نقص بحياته معاج وقاعد يدوور النقص لا اهوا فراااغ .. والفراغ يولد عنده هوايه .. هواية مشاهدة الافلام الاباحيه ... وترى كثرة المشاهده تسبب الضعف الجنسي ... المهم لازم تشغلين وقته بالوقت الي بيشبك فيه يبي شي يهمه مثلا اذا يحب الافلام الاكشن الرعب الكوميدي المسرحيات يبي سيدي وقولي خنشوف مع بعض .. واذا قاعد ويبي يشبك قولي سكره بقولك سالفه .. اذا شفتيه بيشبك قوليله شرايك نروح الجمعيه نشتري جم شغله ابيهم ضروري .. وعلى هلسالفه لمن يخف الدوس

3- اذا خفف من المشاهده بانشغاله اهني تترسين الفراغ بالايمانيات ... يعني مثلا تقولين تصدق ذاك اليوم قريت قصه عن الرسول صلى الله عليه وسلم وان و ان وان .. وقوليله اي قصص .. اشياء عجيبه بحياة الرسل والانبياء والصحابه .. قوليله معلومات دينيه .. مو لازم تتعلق بتحريم المشاهده وتحريم العاده السريه لا .. بس خليه يكون في عنده جو ديني ... بشكل مشووق بدون لاتطرقين حق مشاكله ... وهم تكلمي عن الموت الفجاه والفي قصص انها واقعيه علشان يخترع ان الحين انتشر الموت الفجاه بالصغار قبل الكبار فا قوليله امبيه احس احنا شسوينا حق اخرتنا !!! ... انا ودي اغير من نفسي شرايك نغير من نفسنا وكل واحد يشجع الثاني؟

4- لمن ايحس ان في تشجيع ان انغير من نفسنه .. ان نقرا صفحة من القران قبل لا انام .. ماتاخذ 5 دقايق صفحه وحده اقل من 5 دقايق ... ااذا صعدتي الدري قوليله بعلمك على سر عجيب .. على كل دريه تصعدها استغفر وشوف شكثر حسناتك وشكثر الله يغفرلك .. وسويها انتي وخل ايشوفج وكل ما ينسا ذكريه ...

5- اذا سوا كل هلاشياء بيحس بينه وبين نفسه حرام يخرب كل الي قاعد يسويه وبيحس انه شي مو لازم يسويه ..وبعدها بيشوف الاجواء الي انتي مسويتها وبيحس ان الحلال احسن واحلى

هاذي فكرتي بس يليت تمشين فيها بتسلسل​

 

[أسرار الطبيعة]

سؤال لك
أنت إذا شبعانه تقدرين تأكلين مرة ثانية حتى لو من طبق تحبينه؟

كذلك العلاقة الزوجية
اشبعيه حتى لا يلتفت لأمور أخرى
وتفنني بطرق من إبداعاتك
بالتوفيق .

 

[honey 2010]

يا حياتي انتي والله حاسه فيج الله يعينج والله قلبي تقطع عليج تعرفين ليش؟لاني نفس حالتج بالضبط بس الفرق انه يمارسها الحين جدااااااامي
لا حيا ولا مستحا والله اكون على سنقة عشره بس شسوي كرهته من قلبي خليها على ربج يابنت الحلال واللهان الكل يقول يابخته فيج
جمال واخلاق وماتعرفين الحقد ماشاء الله ومايعرفون اني بضييييم والله

 

[فنكيه]

الله يسخره لج يارب ويبطل هالسوالف
اذا تبين تخرعينه قوليله بالله الله خذه روحك بعد هاذا المقطع تواجه ربك بشنو

 

[اعيون عليا]

الي يسوية زوجج زنى....وللة يحتاااجلة وقفة جااادة مو تلميحاات تصرفة هذاا يموت كل شي بداخلج تجاااهه ..اتخذي موقف تجاااه المهزلة الي يسويهااا انتي تبين رجل يصاارع معاج الحياة ومشاكلها وابو لعيالج انشااء اللة وهذا النوع من الرجال موكفو يربي عيالج والا يصونج اذا ماخاف ربة فيج ونسى اهم واول حق لج ماصانة... تقبلي مروري واللة يصبرج وينسيج هلالم ويفرجهااا عليج يارب

 

[وي وي بس]

رد : محتااجه توجيهكم.. جرح أليم للي مثلي..

زوجس وش يحس فيه؟؟

يعني الشباب متقطعين ترقيم زحمه وهدايا وخربطه على خويته عشان بوسه ولا طلعه

وانتي زوجته حلاله مخليس ودق نجر لا زوجس ذا لايكون لوطي

علي الحرام لو زوجس ذا زوجي ان لافضحه في العايله
ان ماخاف من ربه رجال توقفه

 

[زوجة عزيز]

صارحيه تكلمي معاه اللي يسويه غلط وحرام ويزعلج لا تسكتين له وقولي له انج ماتبين اتعرفين انه يدخل هالمواقع وبيني له انج موراضيه لا اتساهلين معاه في هالامور وبيني له كل سلبيات الممارسه الحرام وانه ماوراها الا المضره والامراض من جذي الله حرمها والله يهديه ان شاء الله ويخليه لج وحق بنتج

 

[ام شووووق]

رد : محتااجه توجيهكم.. جرح أليم للي مثلي..

الله يعينج

 

[كويتية222]

هلا أختي . . .

هل تعتقدين ان بقية الرجال ملائكة وما يشوفون افلام ومقاطع اباحية وصور !!

اللي ربي مظلله وشيطانه يغويه ومتمكن منه يخليه يشوف كل شي بالنت !

ويا اختي العلاقة الطبيعية ترى مو يوم وترك الرجل له طاقة يعني هذي وانا اختج يسمونها هدت حيل !

وبالتالي بيتعب . . .

ما يضر بالاسبوع 3مرات وإلا مرتين لان علاقة الرجل والمراة مو بس جنس في جنس وجماع !

في امور ثانية اروع التواصل اللفظي والجسدي بعيد عن الجماع . . .

جلسة حلوة هادية سوالف ثقافية ومواضيع عامة . . .

يعني يا جنس يا ما ابيك !!


لا تأزمين الوضع اكثر من جذي . . .

ودائما ذكريه بمخافة الله وإن عنده بنت . . .

وإن الزنا مش بس زنا فرج لا زنا بصر وسمع . . .

واهو زاني بالبصر فلا تدور عليه الدنيا واهو عنده بنت -الله يحفظها-

سكوتج ماراح يفيدج بشي انتي تحترقين واهو طاااف . . .

عيشي لنفسج وطوعيه لنفسج . . .


وربي يهديه ويصلحه يارب . . .

 

[روح امها]

الله يهديه لج ويسخره

مثل ما قالوا البنات
ماشاءالله نصايحهم حلوة

 

[صمــت_ALsHfaaH]

الله يعييينج والله عورتي قلبي

انا مثثلج والشكووى لله مادري شسوي بس مابيدنا الا نطلب ربناا يعينا ويهديهم لنا

 

[lovely jojo]

الله يعينج ويسخره لج ..

 

[كلي ثقه و سنع]

رد : محتااجه توجيهكم.. جرح أليم للي مثلي..

انتي الحين مصدومة

هو ماكان يدري عنك لانك كنت تلمحين

مشكله ان احنا تفكيرنا و فهمهم لا يلتقون

لازم مباشر


جربي اذا حصل انك انك مهمومة من قصه فلانه صديقتك

ان صار لها كذا وكذا يعني اسردي له كل اللي بخاطرك علي اساس قصه صديقتك

وقولي له انك لو منها كان .......... وصلي له اللي تبين

 

[Tom ♥ Jerry]

رد : محتااجه توجيهكم.. جرح أليم للي مثلي..

.


آمبيه لا حول و لا قوة الا بالله !
لأزم يبعد عن العآده السريه و عن هالخرابيط الي يشوفها !
مثل مآ قالولج البنات مآ آزيد على كلآمهم شي ..


و الله يهديه يارب و يسخره لج


:blueSmCLR:

.

 

[manaary]

الله المستعان
اتوقع رغباته مو طبيعيه و يحتاج علاج نفسي بس محد من الرياييل بالكويت

​

يتقبل هالشي

 

[RowTow]

رد : محتااجه توجيهكم.. جرح أليم للي مثلي..

و عليكم السلام و رحمة الله و بركاته..


حبيبتي الله يعينج, و آنا مسجله بشكل خاص عشان أقول لج تجربتي اللي صارت معاي و هي مشابهه لتجرتج.
و الله ثم الله آنا عارفه الضيجه و الكدر اللي انتي فيهم. آنا لما كنت بهالوضع كرهت حياتي, بالذات إنج توج عروس و ما عشتي فترة طويله معاه.
بس داومي على الدعاء حبيبتي: لا إله إلا أنت سبحانك إني كنت من الظالمين.
ترى مالج إلا الله, و الا البشر ما منهم إلا عوار القلب.

آنا راح أتكلم شوي عن قصتي و منها أفضفض عن الهم اللي بقلبي, بالذات إن هالشي عمري ما تكلمت عنه إلا لربي.

آنا صار لي ألحين سنه و جم شهر متزوجه, و قبلها الملجه بعد سنه و جم شهر.
زوجي حيل زين و طيب, و أدري لو أطلب عيونه ما يعزها علي. بس فيه إنه يمارس العادة السرية لما يطالع الأفلام, و في شي زياده بس آنا مو حابه أقوله, بس يعتبر طامه كبرى.
في بداية زواجنا قعدت بنت أكثر من شهرين, المسكين من كثر ما هو ضعيف من هالناحيه مو قادر يسوي شي, و آنا أول زواج لي و مو داريه شالسالفه.
بعدها عقب ما صار اللي صار بيننا ظلت في أيام كثيره أكون كاشخه و لابسه بس ما يحصل شي, و لما أروح الحمام بعده ألقى آثار (إنتوا فاهميني) بس أسكت و أعذره.
و 3 مرات ألقى أشياء على هارددسكه لما أدور أفلام بالغلط, بس هو من أول مره قال لي مسحيهم و آنا من يومها أمسحم (قال لي قديمين و آنا صدقته)
دشيت من دوامي رابع مره عليه لقيته متسبح و سلمت عليه, طالعت اللاب توب بالغلط و كشفته, تهاوشت معاه و قلبتها جنازه.
بعدها جبته و قلت له يا ولد الناس هاذي مو حاله, إنت تبيني و الا متعمد تسوي هالأشياء على شان تطلع مني و محد يلومك؟ حلف لي إنه يبيني و آنا صدقته (هذا بعد سنه بالضبط من عرسنا). قلت له تبيني تمشي على شروطي و ما تخل بلا واحد منهم, بعض الشروط:
- من اليوم و رايح كل فرض بالمسجد (هو كان يصلي بالبيت).
- ما ألقى عندك ريحة الأفلام الساقطه هاذي و لا أي صورة قريبه منهم ( و من يومها مانع نفسه حتى من الأغاني مع إني ما طلبت منه).
- أي واحد من ربعك خربان تقطع علاقتك معاه أو ما تحتك فيه.
- و تروح حق طبيب نفسي تعالج أول شي نفسيتك و بعدها تروح حق طبيب عضوي تراجع الضعف اللي فيك (الدكتور قال له إن الإكتئاب هو سبب هالممارسات).


مرت تقريبا فترة 4 أشهر, و الحمدلله زوجي حيل التزم بشروطي و نفسيته هدت و صارت أحسن. لا زال فيه ضعف من هالناحيه بس آنا دايما أشجعه و أقول له إنه ما دام بهالطيبه معاي ما يهمني الضعف اللي فيه و أبدل الدنيا كلها فيه.
الله يحفظه و يخليه لي.
و الحمدلله حتى إنه من فتره هو من نفسه قال لي يا فلانه ليش ما نخلي لنا يوميا ورد يومي من القرآن نقراه.
الحمدلله على كل شي.
أدري حبايبي طولت عليكم بس و الله آنا داشه بس أبي أروح عنكم كلكم و أقول لكم إن الله سبحانه و تعالى لا يحمل نفسا إلا وسعها.

و الحمدلله على كل حال, و ما دامت الشغله ما توصل الإهانة فكله يهون.
و الله سبحانه و تعالى يبتلينا, فاللي يرضى له الرضى من الله و اللي يسخط عليه السخط من الله.
​