محتاجة الجهاز اللي يدلك الاصابع المتراخية او مقطوعة الاوتار

[رياح الشيشان]

السلام عليكم ورحمة الله وبركاته
الله يسلمكم محتاجة الجهاز اللي البسه مثل التسوس ويدلك الاصابع...امي اصابعها حيل تعبانة الله المستعان ومحتاجة هالجهاز..
فهل متوفر في المستشفيايت الحكومية؟
وبالنسبة للمعاق هل يعطونه ببلاش ولا مو متوفر عند المجلس؟
ينباع بالصيدليات؟​

 

[@شمس الضحى@]

ههههههههه ياحلوج مافيه شي ببلاش
دوري بالصيدليات ولا بشركة العيسى..

 

[** باربي **]

اب لعيونج

 

[الصابرة المحتسبة]

وعليكم السلام

عسى ربي يخليلج الوالدة وياجرج على برج لها

تقدرين تطلبين من الطبيب المختص اللي تراجع عنده الوالده تقرير طبي ويكتب فيه ان الوالدة محتاجة هالجهاز وتقدمينه لمخازن صبحان.

 

[رياح الشيشان]

الله يعافيكم بنات
يسلموو على الردود الحلوة الطيبة
بس بغيت استفسر ان عمي وافقوا عليه اللجنة بنسبة 20% يعني شنو؟ في له امتيازات ولا لا سواء قرض او راتب او علاوة او منحة 5000؟ او طلب عكازات او كراسي كهربائية؟

 

[الصابرة المحتسبة]

الله يسلمج

ان شاءالله يشمله القانون الجديد بامتيازاته

((ألف مبروووك اقرار قانون المعاقين))تم دمج جميع المواضيع + الإستفسارات (http://www.q8yat.net/showthread.php?t=572402)

 

[رياح الشيشان]

الله يوفقك الصابرة
والله اني احبج في الله ... احبكي الله يالغلا
بس استفسار بسيط..منحة ال5000 هذي نقاسطهم عليها ولا لا؟ وهل اهي نفسها القرض الاسكاني والا غير لاني قريت القانون بس للحين مافهمته . يعني شنو الفرق بين منحة ال5000 وبين القرض الاسكاني اللي صار 10000؟.السموحة يالغلا

 

[الصابرة المحتسبة]

تفضلي

مادة 32
يستحق الأشخاص ذوو الاعاقة وذووهم ممن تنطبق عليهم شروط التمتع بالرعاية السكنية منحة مقدارها عشرة آلاف دينار زيادة على قيمة القرض الاسكاني المخصص لاقرانهم من غير ذوي الاعاقة حتى يتم بناء السكن وفقاً لما يحتاجونه من مواصفات خاصة، وذلك طبقاً للشروط والضوابط التي يصدر بها قرار من الهيئة بالاتفاق مع بنك التسليف والادخار.
ويمنح الأشخاص ذوو الاعاقة البسيطة أو ذووهم مبلغ خمسة آلاف دينار.
وفي جميع الأحوال يكون الاقتطاع الشهري لقسط بنك التسليف والادخار للشخص ذي الاعاقة في طريقة سداد القرض بما لا يتجاوز %5 من راتبه الشهري وبحد أقصى خمسين ديناراً شهرياً.

 

[رياح الشيشان]

يسلمووو يالغلا الصابرة
بس ممكن تشرحين اكثر لا هنتي ^ ____^

 

[الصابرة المحتسبة]

الله يسلمج

يعني اللي عنده اعاقة شديدة يستحق ال10,000 واللي عنده اعاقة بسيطة يستحق 5000 والقسط 50 دينار فقط

 

[رياح الشيشان]

يسلمووو يالغلا الصابرة بس ليش يسمونها منحة طالما انها قرض يتقاسط عليه؟
وليش الاعاقة الشديدة ياخذون منحة وقرض واحنا اهل البسيطة مو نفسهم؟
ظلم

 

[الصابرة المحتسبة]

عن التسمية أعتقد ليش انه القسط بسيط

والإعاقة الشديدة يحتاجون يقلبي مصعد مايقدرون يصعدون الدرج بالويل جير عرفتي

 

[رياح الشيشان]

يسلمــــــــو يغلاتــــــــــــــــــي الصابرة..

 

[الصابرة المحتسبة]

بشريني عنج

 

[رياح الشيشان]

ياهلا الصابرة حبيبتي .. الجهاز لقيته بالصيدلية والحمدلله جاري التجربة
تسلمين غلاتي