محتاجة حل خلاص وصلت حدي...

[hellokitty3307]

السلام عليكم.....
مشكلتي حبيبات قلبي ان زوجي مو راضي نييب بيبي ......
كل مرة افتح معاه الموضوع يسويلي سالفة ويقول مايبي....
صارلنا تقريبا 6 شهور متزوجين وكنا مالجين سنتين ونص..
.. عمره 29 وانه عمري 24....
ماشاءالله عليه وضعه المادي زين.. وانه ادرس في الجامعه والدوام عندي مو يومي...يعني فاضية ماعندي شي...
يا بنات مافي سبب مقنع انه مايبي... وماقدر احمل بدون مايدري عامل حسابه....
بنات والله متكدرة حدي... اليوم قالي عطيني سبب مقنع انج تبين بيبي....
!!!!!!!!!!!!!!!!!!
شهالحجي!!! انه ليش متزوجتك عيل
ماتم شي ماقلت... في الشهر مرة افتح معاه الموضوع...
مادري شسوي خلاص اكتئبت... اخاف الله يعاقبنا وماننجب من كثر مايقول مايبي....

شسوي والله ساعدوني صايرة كل يوم احلم اني احضن ياهل من كثر ما ودي..... كل شهر اشتري فحص منزلي وقص على روحي........ ماقدر والله بدرجة اني فكرت ارجع عند اهلي اذا مالقيت حل....

 

[BaiTotia]

رد : محتاجة حل خلاص وصلت حدي...

والله ماعرف حل

بس بدعيلج الله يرزقج بيهال يملون عليج البيت ويهدي ريلج إن شاالله

 

[قطوه بيضاء]

رد : محتاجة حل خلاص وصلت حدي...

الله يعينج


بس اهو ليش مايبي عيال

 

[نور كوليكشن]

اول شي الله يرزقج بالذرية الصالحه

ثاني شي قولي له انت ليش ما تبي عيال
احنا ما تزوجنا الا عشان نكون اسرة

وخليه يقول اسبابه اما يقنعج او تقنعينه

 

[hellokitty3307]

ماااادري والله مادري وهو مافيه عيب من عشان يعالج....
شنو اقول له....
شلون اقنعه؟؟؟؟

 

[hellokitty3307]

ماااادري والله مادري وهو مافيه عيب من عشان يعالج....
شنو اقول له....
شلون اقنعه؟؟؟؟

 

[Esraa.a]

رد : محتاجة حل خلاص وصلت حدي...

حلوه هذي عطيني سبب !!


قوليله أبي احس بأمومتي .. إذا هالشي مو مهم بالنسبه لك .. انا هالشي يعنيلي أشياء وااااااايد

 

[Cander]

الله يعقلة لج

 

[hellokitty3307]

ابي اقوله كلام يأثر فيه ويخليه يقتنع ويغير رايه... كله يقول لي مابي مافيني استعداد... اقوله ليمتى يقولي مادري.. ومرة قال لي السنة اليايه !!!!!! يعني اموت قهر للسنه اليايه؟؟؟؟ لييييشششششش.....
وعلى فكرة زوجي مو من النوع اللي يخاف على ان العلاقه الجنسية تخترب عقب الولادة هو بنفسه قال لي قبل الزواج... يعني مادري شفيه مو قادرة افهم....

 

[النشبه88]

الله يهديه يارب

 

[hellokitty3307]

ابي اقوله كلام يأثر فيه ويخليه يقتنع ويغير رايه... كله يقول لي مابي مافيني استعداد... اقوله ليمتى يقولي مادري.. ومرة قال لي السنة اليايه !!!!!! يعني اموت قهر للسنه اليايه؟؟؟؟ لييييشششششش.....
وعلى فكرة زوجي مو من النوع اللي يخاف على ان العلاقه الجنسية تخترب عقب الولادة هو بنفسه قال لي قبل الزواج... يعني مادري شفيه مو قادرة افهم....

 

[جوري 2007]

غريبة !

 

[معزوفة عشق&]

رد : محتاجة حل خلاص وصلت حدي...

لا حبيبتي اشدعوه ترجعين بيت اهلك عشان مارضي تحملين
عادي حبيبتي مصيرة يلين قلبه
انا اعرف وحده مثلك وزوجها ف الا خير هو بنفسه قال انا ودي ف طفل
انتي دايم ادعي ان ربي يحنن قلبه عليك وربي مايضيع تعبك يااااارب

 

[منو انا]

الله يهديه

 

[افهم ما أبيك]

رد: رد : محتاجة حل خلاص وصلت حدي...

حلوه هذي عطيني سبب !!


قوليله أبي احس بأمومتي .. إذا هالشي مو مهم بالنسبه لك .. انا هالشي يعنيلي أشياء وااااااايد

معاها بكل كلمه قالتها وقوليله المال والبنون زينة الحياة الدنيا
وان في ناس وايد محرومين من هانعمه وانتا ما تبيها مو زين عليه
الله يهديه انشالله ويرزقج بالذريه الصالحه ....

 

[aquamarine]

الله يرزقج ويرزق كل محرومه قريبا انشالله .. قوليله الحين انت عمرك ٢٩ يعني متى ناوي اتييب يهال .. اليهال يبيلهم مجابل يعني لما يصير عمرهم**10 سنين انت 40 ولما يصيرون مرااهقين ومحتاجينك انت صاير عمرك 50 مالك خلق نفسك وهالزمن يخرع لازم نكون فاهمين ولنا خلق مو هدد.. والله يهديه

 

[Tulips]

رد : محتاجة حل خلاص وصلت حدي...

شنو السبب اللي يبيه بذمتج عشان يقتنع ؟؟

استغفرالله ياربي اذا ماتحملين منه تحملين من منو ( سوري بس حرني )

حبيبتي انا منج اخذ موقف جدي قوليله من الاخر اذا انت ماتبي يهال خلاص طلقني وخليني اعيش حياتي .. انتي خرعيه طبعا بهالحجي

غريب زوجج ما يرحم ولا يخلي رحمة الله تنزل !!

اوكي اذا المسأله مسألة تأجيل موقت ممكن تجارينه .. بس انه رافض الفكره جملة وتفصيلا فهذا صراحه شي غريب

معقوله مايبي ولد يشيل اسمه واسم ابوه !!

الله يعينج حبيبتي ويجدم اللي فيه الخير لج يارب

 

[nurse m]

الله يهديه بس تبين رايي هذي احلى فتره تهني بأول سنه سافري واستمتعي معاه بكل لحظه ولاحقه على اليهال بعد السنه راح تلاقينه اهو اللي يقولج يبي بيبي فلا تنكدين عليه وعلى نفسج وراح الله يرزقج وصدقيني راح تتحسرين على هالفتره لأن اليهال رزق من الله بس ارتباط والله يهنيج ويرزقج بالذريه الصالحه

 

[ماريا ابنة الحي]

شرايج تروحين تقولين له
شرايك نفحص

بس علشان نتأكد ان احنا سليمين من باب اني اطمن مو اكثر

الموضوع يمكن في ان

مستغربه شلون واحد يرفض زوجته تحمل !

 

[مدام زيزو]

رد : محتاجة حل خلاص وصلت حدي...

يمكن يبي يستانس معاج ومايبي نساة وياهل يبجي بالليل نطري سنه مافيها شي