محتاجة حيل لمكتب هندسي او مهندس معماري بللللللللللللللللللز

[*قمر 2005*]

خواتي الغاليات متأكدة انكم ما راح تخذلوني محتاجة حيل ارقام لمكاتب هندسبة او مهندس معماري ثقة
انا راح ابني طابق يديد لبيتي واسوي تغييرات بالارضي والطابق الاول ولما رحت لمكتب هندسي وعرضت عليه خريطة بيتي قالي ان المكتب مايسوي الا تصاميم لفلل يديدة
والحين مالي الا انتم لاتبخلون علي ارجوكم ما فيه وقت لازم اكون مخلصة الخريطه من وقت عشان اسلمها للمقاول
وجزاااااااااااااااااااااااااااااااااااااااااااااااااااااااااااااااها الله الف الف خير اللي تساعدني ويحقق لها امانيها :yaaaaaarb:

 

[*قمر 2005*]

وينكم حبايبي والله ما تدرون هالموضوع حيل متعبني
البنات اللي قاعدين يبنون الحين اكيد كل وحدة عندها رقم المكتب الهندسي مالهم بس ابي منك تحطين لي رقم تلفونهم او عنوانهم الله يخلبكم لا تخلوني انتظر زيادة وجزاكم الله اللللللللف خيييييييييييييييييييييييييييييييير

 

[مي الحلوة]

رد : محتاجة حيل لمكتب هندسي او مهندس معماري بللللللللللللللللللز

ان شاء الله البنات مايقصرون..وماحبيت ادخل ولا ارد..

 

[*قمر 2005*]

والله ما قصرتي ميونة بارك الله فيك
بنات لا تاخرون علي بالرد اللي عندها هناوين او ارقام تلفونات لمكاتب هندسية تحطلياهم ما تصدقون مدى حاااااااااااااااااااااااااجتي لهم

 

[كويتيه 26]

رد : محتاجة حيل لمكتب هندسي او مهندس معماري بللللللللللللللللللز

طلبج موجود اختي وانشاء الله بساعدج بلي اقدر عليه

وعلي فكرا انا نفس موضوعج وليلحين شغاله بالبنا بس الحمد لله قربنا نخلص


اولا بالنسبة حق المكاتب الهندسية روحي مجمع الاوقاف الي بالديرة بتلاقين فيه كذا مكتب والي شتغلت معاه مكتب منصور الرشدان وفي كذا واحد كان عارض علي بس اخترت الرشدان مع العلم اني ابي ابني دور مو فيلا وبالنسبة للتوسيعات عادي مو محتاجه مخطط

والي عرفته اغلب المكاتب الهندسية الي زرتيها قالتلج هالشي عشان تمشيج بس باسلوب ارقي لان اكيد في سبب يا ان البيت قديم ويخافون يغامرون لان اي شي يصير بالمستقبل تحت مسؤليتهم بالاول وبالاخير او ان شافو ماكو فايده كبيرة اذا شتغلو لج بالبيت

عموما روحي الرشدان عند مهندس وائل وانشاء الله بسويلج كل الي تبينه او اي مكتب في مجمع الاوقاف يسوون لج كل الي تبينه

وبالنسبة حق المقاول عندي لج مقاول مصري امين وشريف وشغله فوق الممتاز واسعاره حيل زينه مقارنه مع غيره وحيل عنده ذمه وضمير والله يشهد انه قط من جيبه عشان يوفر لنا الشي الاحسن والانظف انسان جدا راقي وزين


واذا تبين رقمة بس قوليلي .. وعلي فكره اذا ماعندكم ريال بالبيت يجابل الشغل ممكن اخلي اخوي يجابله لانه حيل ستانس علي البنا وهالسوالف وموصي الاهل الي عنده بنيان يقوله يشرف عليه وما يبي غير الدعوه الصالحه وانه يخدم اهله واهل ديرته وترا صار عنده خبره كبيره بعد ما بنينا ووسعنا البيت .. هم عيوني لج


واذا عندكم احد يجابل بس مو فاهم بالبنيان او الشغل اهو موجود عندي لاي استفسار اسئله وايبلج الرد باسرع وقت

وقبل لا تبينين قوليلي عشان قاعد يقولي في اشياء لازم تنتبهين لها قبل ما تتفقين مع المقاول


عموما انا حاليا برا البيت بس ارد بدزلج رقم المكتب الهندسي تكلمينهم قبل لا دقين ردب وتعنين لهم


وشوفو اذا كان يصرف لكم اسمنت وطابوق وحديد مدعوم في البيت تاكدي لانه راح يوفر عليج وايد

بالتوفيق

 

[كويتيه 26]

رد : محتاجة حيل لمكتب هندسي او مهندس معماري بللللللللللللللللللز

وهذا رقم المهندس وائل الي بمكتب الرشدان حصلته لج


66063008

واذا مارد قوليلي اول مارد البيت ادزلج رقم المكتب نفسه


وهذا رقم المقاول ولله يا بنات انه حيل مريحنا وشغله زين وشغلة سريع وامين وعنده ذمه وضمير واسعاره زينه ويشهد الله اني مو مستفيده شي غير اني افيدكم


اسمه بو حامد :99573851

بس قوليله من طرف عبدالله الي شغال في بيتهم واهو من الجماعة ... لان يعز اخوي حيل و إنشاء الله راح يخلص اكثر بالشغل

 

[*قمر 2005*]

بعد عمري كويتية 26 لا خلا ولا عدم وهذي هقوتي بخواتي الكويتيات عسى عيني ما تبجيكم يا رب
وحبوبتي كويتية 26 والله لك دعوة مني ان الله يفرج عنك كل ضيقة وكرب ويحقق لك كل اللي تتمنينة اللهم اااااااااااااااامين
بالنسبة لمجابل البنيان فعندي زوجي وهمن اخوي اللي الظاهر نفس قصة اخوك غرامة البنيان
والله ما قصرتي عسى عمرج طويل ومن تحبين

 

[كويتيه 26]

رد : محتاجة حيل لمكتب هندسي او مهندس معماري بللللللللللللللللللز

يزاج الله الف خير علي الدعوة الطيبة .. واجمعين إنشاء الله


ومثل ما قتلج عندي لج جم شغلة بقولج ياها قبل البنيان فهمتهم من اخوي امس


قبل لا تكتبين العقد مع اي مقاول انتبهي من لا تنسينهم


1. لا تخلينه ياخذ الشغل كامل مع التشطيب لان البوق والنهب وووو كله بالتشطيب وبتاذون انتو و اهو في مرحت التشطيب فنصيحتي بعدين شطبي علي راحتج ... يعني اتفقي معاه يسويلج البنيان ويوسعلج عسي ربي يوسع عليج دنيا واخره والباجي عليكم

2. الي عليه خل يسوي الاسود كامل مع الكهربا والصحي والمساح الداخلي والخارجي ويركب لكم سواء بيتكم من برا سيجما او حجر يركب لكم نفسه

3. يبقا عليكم الدرايش والبيبان والسيراميك والصبغ واطقم الحمامات والتكييف كله بعدين وعالراحه .. وهالشغلات سهله وعندج حرية الاختيار من كذا شركة وبالذوق الي انتو تبونه وبوفر عليكم وايد


4.الاتفاق مع المقاول .... خل يكت بالعقد فتره زمنيه معينة يخلص فيها شغله مثلا شهرين ول شهرين علي حسب وعلي كل يوم تاخير عقب المده المحدده تخصمون عليه مثلا 20 دينار عن كل يوم .. عشان لا ياخركم وينام بالشغل وهالشي لصالحكم


5. المبلغ يكون علي دفعات ولا تعطونه المبلغ كامل ... يعني بداية شغل دفعة وعقب علي كل مرحلة دفعة عشان يلتزم معاكم اكثر ومثل منتي عارفة الزمن يخوف وديربالج من المقاول السوري بطلع عينكم علي كل شي بسيط تطلبونه بالمستقبل يطلب منكم فلوس بس الحمد لله مقاولي قاعد نطلب منه وايد شغلات بسيطه وكبيره ويعتبرها من ضمن الشغل ويسويها لنا مسكين من غير ما يتكلم


6. تاكدو تكتبون هالبنود بالعقد

* شيلة الانقاض القديمه والوصخ اعزج الله كله عليه
*استعمال طابوق هيبل حراري ابيض دار مدار البيت من الخار ومن الداخل طابوق بخاري
*تاكدي انه البايبات الي بركبه لكم كلها العدساني ( بايبات الكهربا والصحي )
* والوايرات الخليجيه والبكسات والي داخل البكس من الجسار
*يفضل تسون الصبه جاهزه ( صبة الاعمده والسقف ) وعندج افضل شركة اسمها الصناعات وعندج هم وايد شركات زينه نفس الاولية وايد غيرها واذا بتيبون المقاول الي شغال عندنا بيبلكم الاولية وترا شغلهم وايد زين
*لو عندكم مدعوم من الحكومة يفضل لانه راح يوفر عليكم اكثر من الف دينار..
*والعازل يكون نوع طربال سعودي ( عازل السطح والحمامات )
* تذكرو كل شي بتسوينة عشان تتفقون فيه مع المقاول بالبداية لان لو تبون شي زايد بالمستقبل يمكن يعلي عليكم بالسعر
* طبعا اذا بتركببون التكييف وحدات لازم توصلين بايبات الوحدات قبل المساح والعازل وانا عندي لج مال تكيف هندي شغله نظيف ورخيص
* وهم لازم قبل لا يسوي المقاول المساح بقولكم عشان تيبون مال البيبان يسويلكم جراجيب الباب وهم عندي واحد زين وارخص من الي بسوق واخذت رقمة من المنتدي ... الله يجزاها خير الي حطت رقمة


وانشاء الله كل ما نتذكر شي يديد بنقولج .. واخذي بكلامي وانتي مغمضة

علي قولة المثل اسئل مجرب ولا تسئل طبيب

بالتوفيج