محتاجة رايكم كللللللللكم

[sanfora88]

السلام عليكم بنوتات
حبيباتي هذي أول مشاركة لي في هالمنتدى الرائع
أنا تزوجت شهر واحد الي طاف و حملت من أول شهر بس الحمدلله ربي ما كتب له حياة فأجهضت في الأسبوع السادس ،،،
بعد 4 شهور من الاجهاض رحت أجيك على نفسي خامس يوم الدورة ( دورة شهر 7 ) وسوالي الدكتور سونار داخلي وشاف البويضات وقال انج سليمة مافيج شي بس قال أول شي لازم تسوين تحليل هرمون البروجسترون في اليوم 21 من بداية الدورة (( مع العلم إن دورتي منتظمة يعني تنزل كل 30 او 32 يوم ))
وبعد ما سويت التحليل اطلعت النسبة 2.7 وقالي انها نسبة ضعييفة حييل وتدل على إن عندج ضعف في التبويض ...
وعقب قتله ان اشكي من افرازات فحصني و طلع معااااي التهاب شديييد و قرحة بالرحم ( الحمدلله على كل حااال )
عطاني مضادد حيوي حق القرحة وقال أول يوم الدورة لازم تاخذين كلوميد عشان تنشطين مبيايضج واشوف البويضات عقب اسبوع وبعدين أعطيج ابرة :eh_s(1):
أنا حدي خايفة من الكلوميد والأبرة
بنات انا اشووف ان تو الناس على المنشطات و الأبر !!!
أنا راايي أن أعالج الالتهاب هالشهر و أنطر لين أكمل سنة من الاجهاض بعدين أخذ الكلوميد و الابر!!
أنتوا شراييكم ؟
وهل فعلا ان الكلوميد يسبب تكيس للمبيايض ؟
و يصير أخذ كلوميد و ريلي ما سوى تحاليل ولا جيك على نفسه ؟
عفية بنات محتاجة مساعدتكم

 

[.>حــــــــ(و)ـــراء<.]

هلا حبيبتي

و الله انا اقولج رايي انتي اذا مستعيله على الحمل توكلي على الله و اخذي المنشطات

و انتي مو اول وحده تاخذ منشطات وابره تفجير ؛؛ بنات الديره كلهم ياخذون منشطات

و بالنسبه اذا تسبب تكيسات ولا لا ؟ انا سمعت انها تسبب تكيسات

بس لما سألت الدكتوره قالت لا مو شرط يختلف من وحده لي الثانيه

أمــــــــــا اذا كنتي مــــــــو مستعيله على الحمل فأقولج عالجي الالتهابات

و ريحي نفسج بعدين اخذي منشطات

يعني انتي ابخص بنفسج اذا كنتي عادي و زوجج مو ملهوف على اليهال

لا تستعيلين

بس احب اقولج نصيحه ان الايام تركض و انتي ماتحسين و مافي شي

ايي بسهوله يعني انا اقول حاولي من الحين تاخذين منشطات

و جربي حظج عشان اذا ماصار حمل تقدرين ترتاحين فتره وبعدين

تجربين مره ثانيه

و عسى الله يرزقج ولا تنسين تدعيلي​

 

[sanfora88]

بيبتي مشكوووووووووورة على الرد ويعطيج العافية :eh_s(8):

 

[.>حــــــــ(و)ـــراء<.]

الله يعافيج ادعيلي الله يرزقني بالذريه

 

[تفااحة]

واللة انا اقولج اخذي منشطات وجربي نفسج وانشاللة تحملين والكلوميد يسبب تكيسات اذا مافي متابعة مع الدكتور يعني اذا الوحدة كلت على كيقها بدون استشارة الدكتور ولاتروح تسوي سونار على التبويض ممكن يصير فبها تكيس انتي خلج مع دكتورج وانشاللة خير واذا على زوجج اضن مافية شي لانج حملتي من قبل واجهضتي ........... ولاتنطرين سنة ليش انشاللة ؟؟ انتي اسعي والباقي على اللة ...............

 

[sanfora88]

حبيبتي تفااحه مشكورة على الرد بس انتي جربتي الكلوميد ؟

 

[&رعبوووبه&]

انا اقول صلي استخارة واذا يهمج راي لا تدوخين نفسج بالمنشطات

عالجي الافرازات واخذي عسل غذاء ملكات النحل من عسل العويد

والله يوفقج يارب

ومدام انتي حملتي قبل انشالله ريلج مافي شي

 

[أم معاذ و حورية]

هلا اختي انا اول زواجي ما حملت لمدة 8شهور وسويت تحاليل وكانت كلها ممتازه وبعدين فحصت فحص داخلي وطلع عندي قرجه وسويت الكي بالتبريد لا تخافين شي عادي قضيب يطون داخل الرحم وتحسين ببروده شديده ويقولج لمده اربعين مايصير جماع نهائيا وبعدها اخذت كلوميد لمدة اسبوعين وحملت الحمدلله وكاني عندي 2 الله يخليهم لي والله يرزقج ان شاء الله

 

[sanfora88]

حبيبتي مشكورة على الرد
بس على كول سويتي كي !!
ماخذيتي مضااد حيوي ؟
أنا الدكتور بس عطانب مضااد ما قالي نسوي كي !!
انزين وخذيتي ابرة مع الكلوميد ؟
أسفة على كثر أسئلتي

 

[sanfora88]

مشكورررررررررررررررررررررررين كل الي ردوا علي و الله ما تقصروون

 

[فتكات بنت كيداهم]

حبيبتى عالجى اول شى الالتهابات بعدين اكوى القرحة وبعد شهر سوى تحليل الاجسام المضادة وتحليل المناعة راح يقولون لج الدكاترة التحاليل هاذى ماسونها الابعد 3 اجهاضات لكن سويها والله كريم وبعد شهرين اذا كنت مستعجلة على الحمال اخذى كلوميد وابر

 

[Swan]

عالجي الالتهاب والقرحه اول
ونطري لا تاخذين منشطات الحين
تو الناس عليج ودام انج حملتي طبيعي بتحملين ان شاء الله مره ثانيه طبيعي

 

[$غــ(ز)ــل$]

انا من راايي عالجي الالتهاب اول وبعدها اخذي منشطات
انا الالتهابات سببتلي قرحه وكان حجمها كبير والدكتوره سوتلي كوي
وجربي هالشهر انج تاكلين عسل يقوي المبايض واذا مانفع روحي للدكتور واخذي منشطات
والله يرزقج الذريه الصالحه عاجلا غير آجل

 

[sanfora88]

شكــــــــــــــــــــــــــــــــــرا ما تقصرون
بس بسألكم صج الكلوميد يمتن ؟ ويخلي الشعر يطلع بكثرة في الجسم ؟