محتاجة مساعدة بخصوص امي

[SILVER RAIN]

السلام عليكم

بقولكم السالفة من الاخر
امي من توفى ابوي الله يرحمة
ودي اونسها وما اخليها كلش بروحها
بس كوني وحيدة ماعندي خوات وعندنا بعايلتنا قاطعين وايد
ماقدر اوديها عند اهلنا
ابي اماكن ادخلها اشركها فيهم
بس ماعرف ابي امي تتعرف على حريم من جيلها
وايد صايرة تخاف من الناس
وماتكلم احد وكلا ساكته
انا مابي الا انها تختلط بالناس
الي عندها ياجماعة الخير
جدول محاضرات حق دروس دينية
امي وايد تستانس على هالمحاضرات
او تعليم كروشية وحرف يدوية
ابي شي يناسبها
عفية الي تدخل موضوعي لاتبخل علي بالمساعدة
ولله مابي شي غير اني اشوفها مرتاحة نفسيا​

 

[مسك اسود]

دخليها دار قران او يبيلها مدرسه تحفظها قران ووديها دروس دينيه عندج مسجد جابر العلي الي بالشهداء دايما عندهم دروس وحلقات دينيه

 

[ASMAA-ALHAJ]

الله يرحم الوالد ويغفرله ويتجاوز عن خطاياة ويكون بجنة:eh_s(17)::eh_s(17): الفردوس يارب:yaaaaaarb: حبيبتي أمج الحين بسن يأس ولازم تكونين معاها دائما ياعمري انتي لازم تكونين وياها :eh_s(7)::eh_s(7):دائما وتسولفين معاها وتفهمينها:rerrerek: وتدردشين وخليها دائما تروح ندوات وتقرأ قرأن طيب امج عندها هواية معينة ؟؟؟؟؟ :bbbiu::eh_s(7):

 

[ليه الجفآ]

الله يعينها

خليها تدش دار قران ..

ومنهم اخذي مواعيد المحاظرات الدينيه .. والندوات ..

غير ان هشغلات راح تشغلها .. هم بعد راح تقوي ايمانها .. وراح يرتاح قلبها وتنسعد ..




..​

 

[جنون العاطفه]

الله يرحم الوالد ي رب ويرزقج برها
سجليها بدار القرأن لكن الحين طاف التسجيل يبدأ على بداية السنه الجايه
الى اذا صار استثناء للوالده اوو تكون استماع والدور كلها محاضرات
ودروس دينيه ... ​

 

[SILVER RAIN]

الله يخليكم لامهاتكم يارب ويخلي امهاتكم لكم
امي هوايتها الخياطة وتحب الديكور والطبخ
بس تستانس وايد على الاسلاميات
عشان جذي ماعرف جداول الحلقات الدينية بالمساجد
ووين تكون المحاضرات الدينية الي ممكن تستانس فيها
امي اكيد قاعدة ويانا وكلنا نسولف وياها بس الانسان يتحاج حيل يشوف ناس ثانين ويستانس وياهم ويتعرف عليهم
امي عندها خوف وتستحي وايد من هالشي ابيها تستانس وتحس انها موبروحها
ابي اتطمن عليها بوناستها
تكفون ساعدوني

 

[روانتي 12]

سلام عليكم

الله يرحم الوالد ويغفرله . .

دخليها المعاهد دينيه الي تنفتح من العصر لين صلاة العشاء . .

 

[اميره بكلمتي]

الله يرحم الوالد ويغفرله يااارب

دخليها مراكز تحفيظ القران او شوفي المساجد متى يسوون الندوات الدينيه وخلي يعطونج الجدول مالهم ويبلغونج اول باول وودي امج ،،، والله يجعله بميزان حسناتج ان شاء الله

 

[فطووومة]

الله يرحم الوالد ويغفر له

ويخلي لج الوالدة يارب
وجزاج الله خير على التفكير براحتها


في مساجد كثيرة فيها محاضرات

ودشي قوقل واكتبي محاضرات دينية
او

دورات
ويطلع لج اشياء وايد حلوة

والله يخليكم حق بعض

 

[دلوعة أبوهآ]

آلله يرحم آلوآلد ويغفر له
ويرزق آلوآلده طولة العمر ويرزقك برّهـآ ..


اهم شي خليكِ معآهآ وآكسبي رضآهآ

 

[‏ڝڋٸ ٵڸڪٿہـآڻ]

الله يرحم أبوك ..
ويحفظ لكـ أمكـ وفيكـ الخير والبركــة إن شاء الله
عرفيها على أمهات صديقاتكـ ولا على جيران جدد عندكــم
أو تختلط دايم بالحريم اللي تعزهم حيل سواء كانو قريباتها ولا صديقاتها

 

[عادت ذكرياتي]

شركيها بدار القرآن أو الختمة ترى وايد بتستانس


الله يخليها لج ويرزقج برها

 

[SILVER RAIN]

عفية بنات انا ماعرف مته تصير الندوات او مته تاريخها او عناوين الاماكن الي فيها مساجد فيها حلقات ذكر
الي تعرف تفيدني اتوقع الحين طاف على التسجيل في مراكز دور القرآن او الختمة
ساعدوني بهالشي الي تعرف مكان معين عفية ساعدوني

 

[النجمة المضيئة]

الله يرحم الوالد ويجعل مسواة الجنة والمسلمين اجمعين
ويا بخت امج في فيج الله يحفظج انشالله ويرزقج رضاها
وديها دار القران اللي بالفروانية يونس الصبح او اقرب دار قران لج حسب المنطقة

 

[Patcholli]

خل تسويلها مشروع صغير طبخ او خياطه او شي تحبه منها تشغل وقتها ومنها تتعرف على الناس