محتاجتكم ضروري

[نسخة أمي]

السلام عليكم :eh_s(7):

بالبدايه كنت حدي مفتشله ومستحيه اني اكتب الموضوع

بس جد حدي محتاره وماعندي احد اصارحه ويعطيني رايه

فبعتبركم مثل خواتي ورفيجاتي وبصارحكم

وهاذا الواقع انتو خواتي ;**** وانشالله ماتقصرون وياي

انا عمري 17 سنه ,, يمكن الكل بيقول اي مراهقه

لووول

ماعلينا ,, انا احب ولد عمتي واهو نفس الشي

لانتعمق بالتفاصيل وايد


الزبده الله يسلمكم عيدميلاده بعد 20 يوم

وانا اول مره بعطيه هديه ,, لأن الحين صرنا حبايب رسمي

اول كنا عيال عمه وبس لووول


فـ شريتله ساعه guess وطقم عطر هم guess

فـ مادري أحس فشله بس هالشيين ,, كوني أول مره بعطيه

فـ شتنصحوني فيه =( ,, رفيجتي تزفني تقول انتي ماتشتغلين وميزانيتج على قدج كافي هالشيين وبس

بس امبي ماقدر احس فششله لازم شي يسوا

قلت مثلا اشتري غتره guess بعد ؟؟ ولا شرايكم ؟؟


اهو عمره 20 ,, ولكن مو شبابي كلللش لوول

جنه شايب ,, يعني ستايله كله دشاديش وغتر مايلبس بدلات الا من وين لي وين ,, وستايله دهن عود وجذي يعني صج شاايب لووول

بس انا كسرت الموضوع شوي وخذيتله عطر فرنسي قيس


فـــ بليز ساعدووووني شسوي ؟؟

اشتريله شي بعد ولا كافي ؟؟ اذا اي شنو اشتري


وهل ازيدهم كيكه مثلا او ورد ولا شنووو


الله يخليكم ساعدوووني :eh_s(1):


بانتظااااركم على نااااااااار
​

 

[أم زنوبة]

هههههههههه نو كمنت الصراحة

 

[دلوعة روحي]

الله يعينج عاللي راح اييلج من كلام

 

[Maybe_87]

:nocommint:

 

[أحلى عيون]

اختي سوي له طقم ساعه وقلم وبوك وعطر قيس حلوووو وغلفيهم شغل راقي

 

[صفاءء]

اذا عندج صورته كونه ولد عمتج حابه اسوي لج كاكاو احط لج صورته عليه الكاكو طبعا الصوره على الكاكوه نفسها م و على القرطاس اذا حابه تشوفين صوره من الي سويته ممكن تضيفيني عالواتس اب ادز لج صوره

99533496

 

[نسخة أمي]

يعطيكم العافيه حبيباتي
بس ليش نوكمنت ولاتعليق ,, حبيت اصارحكم انا !
عالعموم مشكورين كلكم وماقصرتي حبيتبتي أحلى عيون ;**
واختي صفاء انشالله بكلمج بالواتساب
​

 

[Q8ianet]

رزق القطاوة ........

يمة " نسخة أمي " عيب هالسوالف .. حبايب رسمي وما ادري شنو
لو السالفة ما تفشل وعادي جان سألتي أميمتج : شنو أشتري حق حبيبي يمة ؟ ^_^
إستغفري ربج .. توج ياهل .. باجر تكبرين انتي مع الشيبة وإييج يخطبج وهني تصيرون حبايب رسمي
الله يعينا على هالجيل

رسمي تقول !!