محتاجتكم يابنات الكويت ,,,,,

[Strawberry_26]

السلام عليكم


مبارك عليكم العشر ,,,,,,,,,,,
وعيدكم مبارك قبل الزحمة ,,,,,,,,




حبيباتي ,,,,

أنا أول مره أجي الكويت وعندي

كم سؤال حابة تجاوبوني عليه



1- وين ممكن اروح انا وزوجي أيام العيد ؟ وش الاماكن اللي تنصحوني فيها ؟

2- وين ممكن الاقي دراريع حلوه ( ميني دراعه ) واسعار مناسبة عاجبتني مره ؟

3- كيف وضع الانفلونزا عندكم ؟ والجو الحين حار والا كيف ؟

شاكره لكم تعاونكم ,,,

 

[tolay]

ياهلاااا ومرحباا فيج نورتو الكويت



1- وين ممكن اروح انا وزوجي أيام العيد ؟ وش الاماكن اللي تنصحوني فيها ؟

تبين مجمعات ؟؟؟ روحي مجمع الافنيوز بمنطقة شويخ ويستحسن تروحيله وقت مبجر لانه مزدحم بوقت العيد

عندج سوق شرق حلوووو ... منطقة شرق .... محلات كافيهات مطاعم سينمات وكل شي

مجمع الكوت يعجبني .... منطقه فحيحيل ... وااااااااااااااااااايد مجمعات افتري وراح تلقين


اذا تبين اماكن ترفيهية : روحي المدينة الترفيهية اكبر ملاهي بالكويت ( منطقة الدوحه ) ..... عندج حديقه الشعب ( منطقة الشعب يم السالمية

عندج المركز العلمي : مكان من برا حلووو وبحر وتمشي ومن داحل كواريوم وقاعات استكشاف وسينما اي ماكس

روحي سينما بعد بس لازم تحجزين قبلها بيومين او يوم لانه زحمه





2- وين ممكن الاقي دراريع حلوه ( ميني دراعه ) واسعار مناسبة عاجبتني مره ؟

عندج منطقة الفروانيه .... سوق اسمه العربيد بلازا .. والحمرامول ... دراريع حلووووه واسعار معقوله






3- كيف وضع الانفلونزا عندكم ؟ والجو الحين حار والا كيف ؟

الجو عادي يمكن نفس جوكم .... واذا عن المرض اجذب عليج اذا قلتلج مومنتشر بس اتوقع حالنا حالكم لا احنا اقل ولا انتو اكثر

 

[tolay]

انتي افتري بمنطقة السالمية اكثر شي وراح تلقين المجمعات والمطاعم والاماكن الحلوه كلها يم بعض

 

[Strawberry_26]

شكرا الف شكر اختي tolay

ماقصرتي والله

 

[النمله الخارقه]

هلا والله بأهل ابوظبي

عندج اختي سوق السالميه وفيه المحلات وينقسم سوق السالميه الى قسمين سوق القديم والسوق الجديد وعندج مجمهع البستان وعندج الفنار وليلى وزهره بالاضافه انها تحتوي على سنما وفيه مطاعم وايد مثل قيصر والفايز ومطاعم صينيه وهنديه كما ان سوق السالميه قريب من البحر ففي البحر على طول الخط مطاعم راقيه وحلوى مثل ميس الغانم والمأكولات السريعه ومطعم الابراج وفيروز وغيرها من المطاعم وإذا حبيتي تتمشين على شارع الخليج وتكملين بتلقين سوق شرق وايد حلو واسعاره مناسبه وهم فيها سنما وعندج مطعم بمجمع الرايه بعد حلو وعندج برج الحمام وعندج مارينا مول وماني ناسيه فندق الموفنبيك لا يطوفج شي عجيب وحوالينه سوق الحره وتقدرين تشترين براحتج

اماا بمحافظة الفروانيه فعندج سوق الفروانيه الي يتظمن كثير من المحلات عربيد بلازا ومغاتير وحمرا مول ومبارك الصيفي وعندج مطاعم مهراجا والصيني والهندي وقيصر وغيرها من المجمعات

اما اذا حابه تروحين فحيحيل في بعد اسوقه سوق الافحيحيل ومجمع الكوت ومجمع كويت مجك بالاضافه الى الكوفيهات والمطاعم بالامانه وايد حلو


واذا حابه تروحين الجهراء فيها سوق الجهراء مجمه الوافي وخيمه مول ووارى وغيرها من المجمعات وهم اسعار مناسبه وفي بعد منتجع بس انا مارحته بس يمدحونه وايد

بعد شباقي

اي اماكن ترفيهيه عندج المدينه الترفيهيه وعندج حديقة الشعب والخيران وياريت انج تمرين فيلكا بتعجبج وايد بس حطي ميزانيه مطاعم

وعندج شاليهات الدوحه والوطنيه والمركز العلمي هم بتلقينه على البحر وايد حلو وحديقه الحيوانات الي بالعميريه ما ادري اذا هي مبطله بس

وبعد شنو بالامانه هذا الي في بالي وياريت اني خدمتج وحياج الله في ديرتج الثانيه

اي ستس سنتر بالسالميه يم دوار الجوازات نسيت اقولج عنه ارخيص وحلوا وهم شامل كل شي فيه ويقع اول السالميه ومقابل منطقة الرميثيه

بعد بعد يا نمله شنو شنو

هقوتي اني عصرت مخي وهذا الي طلع معاي

والسموحه اذا ناسيه شي

حــياج الله

اذا بغيتي الفنادق ارسلي بالخاص وهم مابقصر معاج