محتاجتكم يالفنييات

[عشيقه زوجي]

مرحبااااا بنات شلونكم؟؟

ادري ماراح تتركوني ياكويتيات

حبايبي انا متخرجه من التكنولوجيا ودبسونى محضره علوم بالتربيه الله يبعدها عنكم وعن كل من تحبون
والحين خلصت الثلاث سنين بالتربيه وبحول
شرايكم شنو افضل مكااان اروحله لشهادتى
انا سالت بديوان الخدمه قالوا نحسبلج خبره بس مو خدمه يعنى لو اتوظف بالكهربا والماي بيفرق معاشي؟؟؟؟؟؟انا الحين معاشي 690 ع الرابعه شرايكم انقل واكمل بالتربيه؟؟؟


شرايكم بالتطبيقي اللى هو المعاهد اكون محضره هناك رفيجتى تمدح مجالهم
ودى لا نقلت انقل على سنع


والله يعطيكم العافيه مقدما ويرزقكم كل اللى تمنونه

 

[ريماس21]

معهد الابحاث حيل حلووو ومعاشاتهم ٩٠٠ وفوق


وهم حلوه الكهربا والماي والاشغال والمواصلات وكلهم لهم كوادر المهندسين لانه اكيد مسماج مساعد مهندس


والله يوووفقج يارب

 

[عشيقه زوجي]

مشكوووووووووره والله يعطيج الف عافيه ويرزقج باللى بخاطرج ويحقق اللى تمنينه



بعد بنات اللى عندها معلومه لاتبخل على


اب اب

 

[AL-DMERA]

والله معهد الأبحاااث حلوو حيل تقدمين من عندهم مو شرط الديوان ..

وصراحه انا كنت فيه ميداني وحيل مرتب المكان وهادي ومريح ..

واطلبوني اتوظف عندهم وقالي استاذي انه بيكون معاشج دبل الحكومه ..

وبالتوفيق ..​

 

[رحيل المرافيء]

شالفرق بين التربية والتطبيقي نفس الشي هني محضرة وهناك محضرة
بعدين شلون مايحسبون لج 3 سنوات ؟؟؟ ما اعتقد

 

[نرجسيهـ}~]

الله يوفقج ..

انا انصحج تشيلين فكرة النقل و تكملين ..

وتردين بشهاده اعلى تضمن وظيفه ومكان افضل من ناحية المسمى و الراتب ..

أنا نفسج ترا خريجة تكنولوجيا .. و متندمه اني ضيعت 5 سنوات من عمري بوظيفه تعبانه :"(​

 

[عشيقه زوجي]

رحيل المرافئ حبيبتى صح هنى محضره وهناك نفس الشي بس بالتربيه مالى كادر ولا مسماي مساعد مهندس يعنى فرق المعاش وثاني شي نفس العطل بس المسمى مساعد مهندس
وانا سالت الديوان قالوالى نحسب لج خدمه مو خبره يعنى البنات اللى معاي بعد سنه ياخذون مساعد اول مهندس بس انا مسماي تعليم ابتدائي لين اموت ومالى حق اطالب باي كادر ينزل للفنيين فهمتي حبيبتى
وشكرا على الرد

 

[عشيقه زوجي]

نرجسيه حبيبتى شكرا على المرور
بس على انى اكمل وين ؟؟ ماكو جدامنا اي تكمله الا بالتربيه الاساسيه وشوفي متى يعطوناا تفرغ؟؟؟؟؟؟؟؟

على الاقل اضمن انى متوظفه بمجال دراستي ابرك

 

[سارونه87]

انا مثلج بالضبط كنت بالتربيه ونقلت كهربا وماي
المعاش راح يفرق 100 وشي وياج
انا راتبي 910 وعالرابعه

 

[عشيقه زوجي]

شكرا سارونه والله يعطيج الف عافيه ماقصرتى

 

[سارونه87]

الله يعافيج حبيبتي

 

[مذهلة 78]

حبيبتي انتقلي الاشغال للمركز الحكومي راتبج بصير 1000 وشي دامج عالرابعه