محتاجتكم

[طهَرْ]

السلام عليكم ورحمة الله وبركاته






بنات يشهد الله علي ماكتبت هالموضوع عبط والا مضيعة وقت
او أبي أشغلكم معاي .. لا وربي بس تعبت حيل و تمنيت أسجل معاكم
و تساعدوني ب هالشي ..

مشكلتي ومافيها أن من فتره [ مع الخروج أشوف ينزل دم ]
وكنت أنصدم بس بالأول كان الدم خفيف
اما الحين صار ينزل بشكل مو طبيعي وأوّل ما أنزل راسي
انصدم باللي أشوفه الدم يطلع ب شكل قوي بنات وربي خايفه حيييل
و لي يومين ميته بجي على نفسي !

تكفون واللي يخليكم و يطول بعمركم تكفون هالشّي
شنو وليش يطلع معاي جذي ياربي خايفه حيل
ولما قريت بالنت خفت أكثر قريت أنه ممكن يكون " بواسير
أو دمّل " و الأكيد يحتاج تدخّل جراحي

خاااايفه حيل و محد بيحس بهالخوف الا اللي يصير معاه هالشي
امااااااانه عليكم فهموني شنو اللي يصير معاي
وانا ماقدر أتكلم مع أمي بهالشي بنات أستحي والله
وبنفس الوقت اخاف ومادري من شنو أخاف لو أقولها
و للعلم أنا لا متزوجه ولا شي و حيل صغيره عمري 17
و اللي صار لها مثلي ، هالشي يلزم تدخل جراااحي ؟
لاتصدموني أمانه والله دموعي ماتوقف من الخوف !!!


صج بنت مادري وين أنزل هالموضوع
بس قلت أنزله بهالقسم

تكفوووون ناطرتكم لا تتجاهلون موضوعي
​

 

[شــــــــــــــوقــــه]

اي طبعا لازم تروحين طبيب

انتي بطنج يعورج ؟ لان يمكن من القولون اخوي و خالتي جذي

لحقي على نفسج لا تسكتين و يكبر الموضوع

 

[فوفو22]

رد : محتاجتكم

اسم الله عليج
ماكو الا العافية

روحي للدكتوره

تعطيج تحاميل وكريم احتمال عندج بواسير

والبواسير 4 مراحل

اذا مافيه اورام خارجية ما تحتاجين عملية

فوفو

 

[روحي تحبه غصب]

حبيبتي ليش خايفه تقولين لامج

لازم تروحين الطبيب اكيد اللي فيج بواسير

وعادي تصيبج البواسير لاتسكتين على عمرج مو زين من وصف يصيبج نزيف كل مادخلتي الحمام

الله يستر عليج

 

[طهَرْ]

رد : محتاجتكم




بنات والله اخاف أتكلم مادري ليش
بس اخااااف حيل المشكله ميته بجي من شفت هالشي
وانا حالتي حاله و أحس نفسياً تعبت حيل
ولو أروح للطبيب بنات اسحتي تكشف علي الدكتوره
لاتضحكون والله جد =( بعرف اذا في وحده
صار معاها هالشي تكفون تقولي

 

[نورالقمر24]

رد: رد : محتاجتكم

انه صار معاي هشي بس طلع من احبوب اخذهم للتخسيس وقطعتهم الحين

 

[شــــــــــــــوقــــه]

رد: رد : محتاجتكم

حبيبتي ماكو احد يستانس احد يكشف عليه بس شتسوين ما بيدج شي

صحه هذي ما تتقدر بثمن لحقي على نفسج احسن

 

[انتظر حبه]

رد : رد: رد : محتاجتكم

حبيبتي لازم تروحين للدكتوره

 

[soft rose]

عادي حبيبتي
انتي روحي للدكتورة و لا تخافي
لان كل ماسكتي بتزيد المشكله
و ماكو الا العااااافيه صدقيني
وليش تستحين تقولين لأمج اهي اكثر وحدة بالدنيا تحبج و تخاف عليج

 

[طهَرْ]

رد : محتاجتكم



للعلم يا بنات انا ماستخدم شي
من حبوب و غيره
فهذا اللي خوفني حيل وشنو موضوع
البواسير تكفون قولولي .. وشنو ممكن تكون أسباب البواسير

 

[نورالقمر24]

رد: رد : محتاجتكم

عيل حبيبتي لاتسكتين راجعي الطبيب

 

[BiiShOoO]

رد: رد : محتاجتكم

حبيبتي كلنا نستحي بس هذي صحتك و الواحد الزم ما عليه صحته لا تهملين روحج و توكلي على الله و كلمي امج و روحي الطبيب

 

[al-musk]

رد: رد : محتاجتكم

مالج الا الطبيب

 

[أبله كويتيه]

حبيبتي لاتخافين

روحي الطبيب واهو يفهمج شنو بواسير ويفحصج ويشوف اذا بواسير ولا لا

لاتحاتين انشااءلله ماكو الا الخير

بس ظروري امج تدري

انتي 17 وعلى ويه زواج تقريبا

يعني لاتسكتين على نفسج موزين حياتي كلمي الوالده وروحوا طبيب

وحتى لو جراحه لاتحاتين ترا مايعور كله تخدير موضعي

وماكو الا الخير حياتي

 

[منال القلب]

حبيبتي أنتي يحوشج امساك؟ لان هذا أكيد اكيد بواسير
روحي عند دكتورة جلدية وتناسيلة
وانا عندي دكتورة وحدة تكشف عليج ولا 10 يشوفونج بالعلميات
على الاقل دكتورة تعطيج مراهم وحبوب وخلاص
واذا يطلع دم مع الخروج فهذا بواسير حبيبتي لا تخافين وروحي حق الدكتورة
والله يشفيج ان شالله

 

[طهَرْ]

رد : محتاجتكم



بحاول أكلم أمي .. بس والله هدّيت حيلها
وتعبتها معاي كل يوم مشكله فيني
الله يعينها علي و يخليها لي

 

[طهَرْ]

رد : محتاجتكم




علياء

الله يوفقج وربي ريحتيني يعني ما تفحص !!
اذا لا .. من باجر بروح و ألحق على عمري
قبل مايزيد هالشي !

 

[shoO shoO 95]

رد: رد : محتاجتكم

خروج الدم مع قضاء الحاجة لها اسباب وايد يمكن من الامساك يمكن بواسير يمكن خدوش يمكن شي ثاني بسيط جداً
فلا تخافين و روحي فحصي و من الفحوصات بتعرفين اللي فيج
و الله يشفيج ان شاء الله و يشفي كل المرضي
و ان شاء الله ماكو الا العافية