محتاجه خبرتكم مو باجي شي على عرسي

[تالا]

ياهلا بنات شلونكم .!


يابنات باجي على على عرسي شهرين ونص

ماسويت ولا ولا ولا شي

اولا :
ابي اغنية حلوووه للزفه و موقديمه .. شنو اخذ؟


ثانيا :
ابي محل عبايات ذربه والشغل مو اوفر وخامتهم حلوه.

ثالثا:
ابي خلطه للجسم للتفتيح وللمناطق الحساسه .

رابعا :
أبي احلى العطورات الفرنسيه . شنو أخذ؟
وابي عطورات للجسم من وين اخذهم ؟

خامسا :
أبي محل حق نفانيف السهره حلو وراقي مو ششغل دفاشه.

سادسا :
ابي محل حق بدلة ليلة العرس وسعره معقول

xxxxxxxxxxxxxx



..,
بنات انا قصيره واهو طويل .. لازم اول ايام العرس البس كعب بكل طلعه ؟




واذا عندكم نصايح زياده قطوها هني ..

 

[*مطبخ الذواقة*]

اولا الله يبارك لج ...

ثانيا ..
بالنسبه للزفات ..ما اعتقد ان في شي يديد نزل ...اغلب العرايس على اغاني راشد مالت 2012

محلات العبي :

الحلوة ...المشعل ... بلاك مون ... وغيرهم

بصراحه اغلب العبي الحين كلها بسيطه ما فيها شغل وااايد

خلطات التفتيح :

ما اقدر افيدج بش ما اعرف له .. بس نصيحه ابعدي عن الخلطات اللي فيها كريمات كورتيزون تاثيرها سلبي جدا ..

العطورات :

عندج عطور فكتوريا سيكرت تهبل ...شانيل 5 ..الور ...واااايد .في موضوع كامل عن العطور انصحج تشوفينه ..

محل السهره :

امممممم اسم معين ماعندي بس فري بالمجمعات تلقين نواعم ..لان اللي فهمته ماتبين شغل مشاغل واتيليهات ..

بدله العرس ::

انجفه استايلهم حلو ...واديبا المحبوب مسويه عروض ...رشا شيك بعد ...



بخصوص الكعب :


خليه كعب عريض مريح ...





واخيرا



الله يتمم لج على خير ....





ولا تبردين لان فعلا ما عندج وقت

 

[دلوعة ماماتي 88]

الف مبروووگ والله يتمم لچ ع خير ان شاءالله

وان شاءالله البنات يفيدونچ

بالتوفيق حبيبتي

 

[امثال المحمد]

ياقلبي الله يتمم لك على خيير وان شاءالله البنات يفيدوونككك​

 

[تالا]

مطبخ الذواقه .. الله يجزاج خير

ويجزي البنات كلهم خير
عافاكم الله ..


ننطر الباجي

 

[معزوفة عشق&]

الله يوفقك ويتمم لك ع خير
بالنسبه لاغاني الزفه عندك زفة شفاة الكرز , الاميرة الحلوة ...ادخلي عاليوتيوب تلقين وش كثرها
خلطات التفتيح ادخلي قسم العنايه بالبشره طبي واختاري اللي يناسبك بس بشرط استمري عليه لان مابقي شي ع زواجك وابعدي كل البعد عن الكريمات اللي تحتوي عالكيرتيزون ..

العطورات الفرنسيه > شركة "" فريدريك ام "" عطوراتها تهببل

ودامك قصيره ايه البسي كعووبه بتطلع تهببل عليك ^_^
هذا اللي اقدر افيدك فيه ,,مووفقه’’
دعـــوآآآتــك ,,

 

[آستثنائية]

حبيبتي بالنسبة للزفات دوري باليوتيوب ياكثر الزفات لدرجة انك تحوسي خخخ

وبالنسبة للأسئلة الثانية ماعندي فكرة لأني مو من الكويت بس بالنسبة للعطور انتي روحي السوق شمي كثير عطور واكتبي اسم العطر لما يعطوك تشميه ولاتشتريه وقتها روحي البيت شمي على مهلك لأنك بتحوسي وقتها وتتغير ريحة العطر اذا برد ..

عطري اللي أحبه كثير

فلورآ قوتشي

شوبارد القلب الأحمر مو الموف

موسكينو لونه احمر وأسود طويل

والله يوفقكم يارب ويسهل لك وتكوني احلى عروس ويسعدك مع زوجك



​

 

[كلي هداوه]

اب
لعيونج

 

[تالا]

مشكورات بنات ..
الله لايهنيكم


الزفات باليوتيوب كلها قديمه من سنه واكثر.

 

[روان المطيري]

ابي اغنية حلوووه للزفه و موقديمه .. شنو اخذ؟
للأسف م اعرف م اقدرافيدج.

ثانيا :
ابي محل عبايات ذربه والشغل مو اوفر وخامتهم حلوه.
عندج الحلوهه وحراير بلاك سيتي الشرقيه
ثالثا:
ابي خلطه للجسم للتفتيح وللمناطق الحساسه .
عندج تاجره اسمها جراس تههبل خلطاتها.
رابعا :
أبي احلى العطورات الفرنسيه . شنو أخذ؟
عندج جوسي رهييب اخذي جوسي 2 وريتشي ريتشي قوتشي اسكادا ديور 24هورس وعندج بالقرشي عطر مدور احمر رهيييب فرنسي وعربي انصحكم فيه عرايس
وابي عطورات للجسم من وين اخذهم ؟
عندج زهور الريف اخذي مجموعه كامله يسوونها لج اذا تحبين الثقييل حيل حيل خليهم يسوونلج مركز اما اذا تبين عادي هم يسوون لج والمجموعه كاامله حتى بودرة جسم معاها انتي كل شي تختارينه انا طلع ب80 بس انا مجموعه كامله حتى البوكس رهييب وهم عندج فكتوريا سكرت ما عليها كلام
خامسا :
أبي محل حق نفانيف السهره حلو وراقي مو ششغل دفاشه.
في بمجمع الليوان محل ماعرف اسمه توا مبطل بس ذررب شغله وراقي انصحج تروحين تشوفينهه
سادسا :
ابي محل حق بدلة ليلة العرس وسعره معقول
انا نفسج ليلحين محتاره مادري وين ابي شي ناعم نظام امريكي بدون جيبون وطبقات اللي هابين فيه الحين
xxxxxxxxxxxxxx



..,
بنات انا قصيره واهو طويل .. لازم اول ايام العرس البس كعب بكل طلعه ؟
لا لازم تلبسين لبسي كعب مريح وطبي شحلاتهم الحين

والله يوفقج ويوفقني ;$

 

[^لغموضي معاني^]

اولا :
ابي اغنية حلوووه للزفه و موقديمه .. شنو اخذ؟

مااعرف

ثانيا :
ابي محل عبايات ذربه والشغل مو اوفر وخامتهم حلوه.

بيت حناين - المشعل - بدون اسم - بلاك سي


ثالثا:
ابي خلطه للجسم للتفتيح وللمناطق الحساسه .

ماعليها كلام مجموعه مزيونه وشقرا

رابعا :
أبي احلى العطورات الفرنسيه . شنو أخذ؟
كوكو شانيل - جفنشي الجديد - ديور هم بعد وانتي رووحي وشمي يمكن يعجبج شي ومايعجبج شي

وابي عطورات للجسم من وين اخذهم ؟
زهوور الريف مايعجبني كلش فماانصحج فيه الا عندهم ديودرنت منهم على ليمون
مجموعة باث اند بودي - مجموعه فيكتوريا سكرت عندهم اغلب مجموعاتهم حلوه





خامسا :
أبي محل حق نفانيف السهره حلو وراقي مو ششغل دفاشه.

بالنقره - بالسالميه عندج كم محلات بس غاليه مايسوى سعرها

سادسا :
ابي محل حق بدلة ليلة العرس وسعره معقول

بالسالميه اغلب المحلات للابيض وفي اسعار متفاوته
xxxxxxxxxxxxxx



..,
بنات انا قصيره واهو طويل .. لازم اول ايام العرس البس كعب بكل طلعه ؟
اييي البسي عاادي < مثل حالتي انا البس كعب ومااجي صووبه بس هم يطلع شكلنا زيين

واذا عندكم نصايح زياده قطوها هني ..
لاتكثرييين عطور وبخور لان بتمليين منهم ومو معناه كثرتهم انج عرووس اشتري كل شي بحدود لان بعدها بتغيرين

 

[مذهلة2013]

حبيبتي بساعدج بلي اقدر عليه

بدلة العرس في محل ب360 وايد رااااااااقي
والكعب اكيييييد عمري كشخي اول الايام ماعدا السفره طبعا حلاته فلات
اما الزفه انا عاجبتني الاميرة الحلوة مالت محمد عبده سمعيها

موفقة
ادعيلي ربي يسهل علي

 

[قطوووة]

جربي العطر وادعي لي

http://www.q8yat.com/t1099072.html

 

[M!SS.LOBY]

بالتوفيق يارب

 

[JaDeL]

انتي عرسج بشهر 4 الظاهر مثلي حبيبتي عبي روحي الافنيو حراير انا خذيت عباية عجيبة منهم وعندج الحلوة في عبي ناعمة بالنسبة للتفتيح سوي برنامج عروس ورطبي جسمج دايم واشتري من غراس اللصابون الافريقي بالنسبة للعطور اشتري شانيل فايف للشعر ولاتكثرين عطور واجد بالنسبة لنفنوف العرس عندج ايفنت ان وايت بالانستغرام ولابرجواز وبشرى العيدان والجسمي وفي بالصالحية محل ناعم وفي شادز بالسالمية بالنسبة للكعب طبعا البسي ورزي نفسج انتي عروس​

 

[M!SS.LOBY]

الله يتمم عالخيرر

 

[lferj]

اب

اب

 

[مدّهره !]

الله يتمم لج ع خير ^^

 

[متجر جنات عدن]

بالتوفيييق

 

[قاهره عذالي]

بالنسبه للزفه


اسمعي زفة اسفر الكون راشد الماجد

وزفة احساس ثاني


نفانيف العرايس حلو محل بدور المانع رقمهم 66671000

العطور الفرنسيه

اللي احبهم

عطر شوبارد هابي سبيرت القلب البنفسجي

جادور من ديور

لاكوست لاف اوف بينك

عطر اودومزموزيل من جيفنشي بريحة العود

عطر كوليستار الوردي

عندج هم عطور ماركة استي لودر حيل حلوووووه مثل عطر بليجر

عطر الور شانيل القديم فضييييييييييع حيل احبه وفخم


هم عطر live من جنيفير لوبيز حلوو وبارد وعطر تحسينه للنهار للصيف

مجموعات الجسم :

مجموعة المسك من بودي شوب

مجموعة اللافندر من بدي سنتر

مجموعة سويت كاميليا من زهور الريف

مجموعات باث اند بدي ووركس زوينه


اما بالنسبه للجسم والتفتيح لاتضيعين وقتج بخلطات مافي احسن من انه تروحين عيادة جلديه وهم يحلون مشكلتج مع متابعة طبيب جلد