محتاجه دعواتكم

[(danah)]

بسم الله الرحمن الرحيم


السلام عليكم ورحمه الله وبركاته


أنا بصراحه عضوه جديده وتوني اسجل بالمنتديات النسائيه الكويتيه ويعلم الله وشلون أرتحت لكم رغم لي فتره اتصفح وأقرا رودك اللي تشرح الصدر وكمان مواضيعكم ,,,,

ياخواتي عندي مشكله دايم اعاني منها وياليت اللي مرت مثلي بالشي هذا تفيدني ,,,, خوواتي عمري 27 عام
وأنا لأن ماتزوجت رغم اني ماشاء الله حلوه وجاني كذا خطيب لكن مادري الحظ ليه كذا ... ثنتين من اخواتي اصغر مني تزوجو الله يسعدهم ويوفقهم بس انا خايفه من العنووووووووووسه والعمر يمشي والله دايم احاول انسى هالمووضوع لكن شاغلني بدرجه كبيره امي متوفيه الله يرحمها يارب ... تكفوون بنات ادعولي بالرجال الصالح والخير والله اسمع فلانه انخطبت وافرح لهم واقول يارب يجيني نصيبي مثلهم

مليت يابنات من الحياه قسم ساعات اقول ياليتني اموت وارتاح الروتين عندي واحد اليوم مثل بكره وبكره مثل امس يعني روتيين ملل ودي بحياه جديده حلوووووه رغم حياتي حلوه الحمدالله بس يشغلني هالموضوع

خواتي تكفوون لاتنقدون علي او بتقولون وش الجرأه يعلم الله ارتحت لكم كثثثثثثثثثثثثثثثثثير


بس ودي اطلع الشي اللي انا فيه صليت ودعيت وان شاء الله ربي مايخيب ظني


أختكم

 

[mahawey]

رفع
رفع
رفع
رفع
لعيونج ياالعسل البنات باذن الله يفيدونج حيااااااااااتي

 

[قطووه حلووه]

رد : محتاجه دعواتكم

حبيبتي شوفي ردي بموووووضوووع عنوستي اتعبتني بقسم الحياه الاجتماااعيه واذا مو بهالقسم اتوقع بالمناقشات الجااااده
شوفي ردي ع البنت
وانتي موعانس ولاشي لحمد لله وبعدين توج صغيره
شكثر ناس من عايلتنا تزوجو بعمرج واكبر منج بسنين بعد
انتي دايما استغفري على طوووول وواجد باستمرار بنية الزواااااااج
او دايما صلي ع الرسول عليه الصلاه والسلام
اخذي مسباااح وقوليهم كرري على طول متى ماجاتك الافكااار الي موزينه
والله يرزقني ويرزقج يااااااااااااااااااااارب امييييين ولاتشغلين بااالج ياحبيبتي انتي

 

[أنفاسي دخون]

اللي بعمرش ما بعد تزوجوا ولاحقه على المسئوليه والغثى

وكل تأخيره فيها خيره واللي كاتبه الله بيصير

 

[قلبين وسهم]

لاتخلين كل همج وتفكيرج بالزواج جذي تتعبين

عسى الله يرزقج ويكتبلج الخيره وين ماكانت

بس ارد انصحج عييشي حياتج استانسي بعمرج ترى العمر مره مانعيشه مرتين

عسى ربي يسعد قلبج حبيبتي

 

[ORKDI]

واااااااااااااااااي من صجج لا تفكرين بالشي هذا انا تزوجت عمري 29 عادي

وله عمري فكرة متى ازوج وله همني اطلع واستانس

والحين ابي اطلع مع بنت خالي لا ليش شعندج واااااااااااااااااي ونسي عمرج

صدقين لا تفكرين وحتى اذا احد خطبج لا تفكرين فيه جانه شي عادي وطبيعي

اقري سورة البقره اربعين يوم واذا نزلت الدوره اقري من تفسير او من النت بدون لمس الايات

ادعي بعد تسبيح السجود اقري هذا الدعاء انتي ساااااجده

اللهم إن كان رزقي في السماء فأنزله ، وإن كان في الأرض فأخرجه ، وإن كان بعيدا فقربه ، وإن كان قريبا فيسره ، وإن كان قليلا فكثره ، وإن كان كثيرا فبارك لي فيه


بين الاذان والاقامه قولي يا رب ارزقي برجل صالح من عبادك

وسلامتج بس لا تفكرين لا تشغلين بالج بالموضوع هذا لانج راح تتعبين

 

[%عـجـمـيـه صـريـحـه%]

عادي أختي ولا توسوسين ونصيبج راح يجييج بالوقت إلي ربي كاتبه

ربي يبعد عنج الضيقه ويسخر لج الزوج الصالح

 

[(danah)]

رد : محتاجه دعواتكم

ياحلو كلامكم يشرح الصدر
ربي يسعدكم

 

[غنج اهلها]

رد : محتاجه دعواتكم

ربي يرزقج حبيبتي

ويبعد الهم عنج ويوفقج بدنيتج