محتاجه صديقات قوليلي الطرق عشان اتعرف ع الصديقات

[مورغن]

السلام عليكم

شحالكن بنات

طبعا كان لي موضوع كتبت ع الصديقات والكل قالي ارجعي لصديقاتج الي كانو وياج بس انا كلش مااحس انهم ربيعاتي واحسهم كونو صديقات غيري وانا مجرد زميله لان كل وحدة الي بالجامعه ووالي ف الكليه وانا صارت لي الظروف وماقدرت ادرس فاقولولي كيف اكون صديقات ؟

 

[Miss Basma ..}]

شوفي ياختي ، أنا اللي أسميهم صديقات عددهم شوي و كلهم أعرفهم من أيام المدرسة
بس بالجامعة كل اللي مروا علي زميلات لأن الصداقة غير ، إنسانة تعرفينها عدل و تثقين فيها
الصداقة تكونينها بالعشرة ، مابي أحبطج بس اختلطي بالناس و شوفي طباعهم و إذا في اهتمامات مشتركة
جربي تتعلمين شغلات و تدخلين دورات ، فتلاقين ناس بنفس اهتماماتج

بس ترا مو شرط دايما تشوفين رفيجاتج ، وحدة من رفيجاتي المقربات تزوجت بعد المدرسة و سافرت بريطانيا تسكن هناك ، بس شفتها مرتين بالكويت و تواصلي معاها بالواتس اب ، رفيجاتي الثانيات أشوفهم بالجامعة من فترة لفترة

 

[شمعة مزاجيه]

شوفي حبيبتي هم بعد انا محتاجه صديقات بس الشكوى لله مافي مجال لكن شو رايك أنتي تدعيلي وأنا ادعيلك با اخر الليل كون اننا نعاني من نفس المشكله
مايحلي الحياه الا الصديقات الطيبات الحبوبات اللي تلاقي راحتك معاهم مو من هب ودب

 

[مورغن]

شمعه مزاجيه حبيت فكرتج

 

[بنت عطا]

ماعندج بنات من الاهل كبرج

مادشين نوادي دورات اي شي !!

هذي فيها مجالات تعارف وايد

وعندج النت كوني منها صداقات وتعرفي ع بنات

وانا موجوده حياج حبيبتي اتشرف بصداقتج عندي ربيعات من جنسيات وايد وحلم حياتي ويارب يتحقق اني اعيش فتره بالامارات عشق صراحه بس مامن احد يساعد الله يحقق لي ما اتمنى

 

[عمة حمودي]

تقربي من بنات اقاربك راح يظلون معك عكس الصديقات فتره ويتركونتس

 

[أم حسوون]

السلام عليكم ، اذا عندج خوات وقريبات منج فأهم أفضل الصديقات ، وأنا أعتبر أمي أصدق صديقة لي الله يطول بعمرها .

 

[مورغن]

شكرا ع الردود

قررت ان الصداقه ماتكون مهمه ف حياتي
وحطيت اهداف غيرها اتعب عليها

 

[BooNaah]

عادي سهله من المنتدى نفسه انا وايد تعرفت علا بنات بلمنتدى ولحين صارلنا سنين مع بعض ونطلع ونروح احسن من ربع الثنويه وايام دراسه كلميني خاص حبيبتي

 

[أإلع ـشق دلع ـهـأإ]

الصداقه تجي من المدرسه والجامعه والوظيفه

بس ماكو احلا من صداقة المدرسه لانه تكون القلوب نظيفه

والزمن يغير الناس البنت كل ماكبرت بتتغير بتلهى مع زوجها ووظيفتها وعيالها وحمولتها وتقل علاقتها مع صديقاتها بس يظلون بقلبهاا

اذا تبين صداقه خلي خواتج اهم صديقاتج الاول

واذا تدرسين كوني صداقات

بس الزمن هذا مافي صديق الا نادر اذا الحين حتى الاهل قاموا يتفرقون اعوذ بالله تغيرت النفوووس

ادعي بس الصحبه الصالحه

 

[keka89]

حتى انا والله اعاني من هلموضوع ماعندي ربع أكون معاهم حيل ودايما دايما صديقاتي يتغيرون كل الناس الحين جذابه ومصلحجيه اعوذ بالله منهم مادري شفيهم تغيرو جذي حسبي الله ونعم الوكيل على كل انسان تمصلح معاي او اذاني من غير سبب ولا كنت ضريته

 

[dalo0oa121]

كلنا نبي بس ويين
الصداقة نادرة والناس الثقة قلوا عن قبل.
انتي ادعي ان الله يرزقج بصديقة صالحة.

 

[بنك بااستا]

اب اب انشالله نحصل صديقات

 

[مطرر]

اتمنى ربي يرزقني بصديقه زينه ودي اشياء وايد في بالي انجزها ومرات اتمنى لي صديقه نشجع بعض وجذي

 

[بنك بااستا]

انا بعد اب اب

 

[Ttootya]

عادي سهله من المنتدى نفسه انا وايد تعرفت علا بنات بلمنتدى ولحين صارلنا سنين مع بعض ونطلع ونروح احسن من ربع الثنويه وايام دراسه كلميني خاص حبيبتي

كلميني خاص بليز

 

[Ttootya]

يلا منو تبي تكلمني خاص

 

[Ttootya]

الووووووو

 

[Ttootya]

وين الصديقات

 

[Ttootya]

ااااه تعبانه