محتاجه مساعدتكم *باغراض شهر العسل*

[توووته الدلوعه]

مساء النور

ماعرف شنو اجهز اغراض لشهر العسل يعني شنو حتاج اودي معي*

 

[FJ style]

حسب البلد والفترة وضحيلنا

 

[FJ style]

عموما
قمصان نوم اكيد وبجامات ستان ستايل علاليق وشورتات ووهم الطوال
كريمات الجسم المعطرة والترطيب
عدة نظافه شامبو ووووو واخذي موس حلاقه احتياطا
ملابس حق خلال النهار بنطلونات وبديات وتنانير قصيره وووو
ملابس داخليه اطقم
عطورات ودهون
اكسسوارات (لاتاخذين ذهب وساعات غاليه) لا تنباق
ملابس للطلعات خلال النهار وبدل راقيه لطلعة الليل اذا مطعم او سهره
جواتي مريحه للتمشي وكعب للكشخه وشحاطه بيت للفندق

لاتكثرين اغراض لانج بتتعبين بالتنقل ومع الصوايغ

 

[توووته الدلوعه]

حسب البلد والفترة وضحيلنا

محتاره بين ايطاليا وتركيا

 

[توووته الدلوعه]

عموما
قمصان نوم اكيد وبجامات ستان ستايل علاليق وشورتات ووهم الطوال
كريمات الجسم المعطرة والترطيب
عدة نظافه شامبو ووووو واخذي موس حلاقه احتياطا
ملابس حق خلال النهار بنطلونات وبديات وتنانير قصيره وووو
ملابس داخليه اطقم
عطورات ودهون
اكسسوارات (لاتاخذين ذهب وساعات غاليه) لا تنباق
ملابس للطلعات خلال النهار وبدل راقيه لطلعة الليل اذا مطعم او سهره
جواتي مريحه للتمشي وكعب للكشخه وشحاطه بيت للفندق

لاتكثرين اغراض لانج بتتعبين بالتنقل ومع الصوايغ

الله يعطيك العافيه

 

[((غلاي))]

الله يوفقج

اول شي عدة الحمام
فرشاة معجون شامبو شعر ديودرنت غسول للمنطقه الحساسه صابونة للوجه و للجسم شور جل

ملابس دخليه على عدد الايام
بدل
تكرمين نعول للطلعه

بخور و مبخر صغير و ولاعه للفحم و فحم
عطوراتج بس لاتكثرين اثنين كافي مع كريم الجسم مالهم
قمصان نوم بس طويله و فيها حركات فتحه يعني هالسوالف

الله يهنيج ان شاء الله

 

[اوتار الحياه]

للررررررررررررررررررررررررررررررررررررفع

 

[لمى الهاجري]

اذا بتروحين بلاد اوروبا لازم ملابس شتويه وجاكيت كبير وشيلات ملونة اذا حابة وطبعا بجايم للبرد وقمصان نوم تنوعين واممم اي مجموعة لوشنات كريمات ومناديل كير فري وكريم لليد ونظارات شمسية ماركة وشنطة ماركة

 

[لمى الهاجري]

واممممم واي وودي معاج جيزات عملية بدل عملية للمشي وبدي طوال الي يلبسونه الكويتيات ومناديل معقمة وطبعا بندول ضروري فوط صحية ضروري كحل مسكار روج بس يكون المكياج خفيف وعطورات صغار بالشنطة وامممم

 

[لمى الهاجري]

والجوتي الله يعزج لا تشتربن عالي لانج بتععبين بالمشي اشتري كعبة متين او نعل فلات حلوين للمشي وجواتي رياضة للمشي استشورا كريم للشعر فازلين اسعافات اولية

 

[لمى الهاجري]

اممممم ولا تودين خاتم وجوهرات بس لبسي خاتم واحد وخليه معاج

 

[لمى الهاجري]

وبما انج عروس اشتري مجموعة الشنط الكشخة للسفر الي معاها شنطة صغيرة بتلاقينه بهاي لاند احنا بقطر انتوا بكويت ماعرف وين

 

[ماركة انثى‘]

هلآ وآلله آختي شوفي هذي آلقآئمة

- ادوات النظافه ( معجون اسنان + فرشة اسنان + غسول طبي للمنطقه الحميمه + شامبو حجم صغير + بودي لوشن وبفضل تاخذين الي مع ست العطور سوي جذي يعني كل عطر خذيته خذيت معاه البودي لوشن والشاور جل + بودي لوشن العادي + زيت جونسون او الجل + غسول بشرتج الي تستعملينه الصبح + كريمات العنايه يعني كريم الحمايه من الشمس او كريم الليل المغذي للبشره + اعواد اذن + قطن + تونك منظف للبشره + مزيل مكياج او مناديل جونسون )


- روب الحمام وفوطه اذا كنتي نفسي وسواسيه ما تستعملين اغراض الفندق
- ملابس داخليه
- ملابس الطلعه حق كل يوم ضبطي لج ستايلين ومع كل ستايل تحطين اغراضه اكسسوارات وجناط وتكرمين الجوتي ( ستايل عملي وستايل فخم عشان لا بغيتو تروحون مطعم ولا شي
- قمصان نوم مثل ما نتي تحبين واخذي ملابس نوم غير الي تلبسينه حق الاغراء يعني شوراتا وبجامات
- نعال حق الفندق ( تكرمين )
- اخذي جنطه صغيره فيها ( مقص صغير + عدة خياطه عنونه + مناديل ديتول معقمه )
وبس هذا الي يحضرني حاليا​

 

[سلمى الدلوعه]

آن شاّالله البنات مايقصرون .. بس بقولك اهم شي ألةّ الحلاقه من برآون اهم شي عشان الضرورهـ

ولاتنسين السجادهـ والقران عشان ربي يوفقك
دهن العود الاصلي بعد اخذي معك عشان تحطينه بشعرك وتصير ريحتك تجنن
والمسك الابيض من عبد الصمد القرشي عشان المنطقه الحساسه تصير ريحته تجنن
والله يوفقك ياارب ويتمم لك على خيييير

 

[سلمى الدلوعه]

واب اب اب
لـّ عيـــــــونّـكك

 

[فطوم الكويتيه]

اب
اب
اب

 

[توووته الدلوعه]

الله يعطيكم العافيه بجد ماقصرتو *تسلمون*

 

[حلمي امريكا]

هلا حبيبتي

اهم شيء تأخذين معك بشنطة الطلعه فرشاة ومعجون أسنان صغار وغسول للوجه بعد صغير & ما تدرين عن الظروف

يعني دخلتو مطعم ولا شيء ولا اذا خلصتي اكل وقدامكم وقت عشان ترجعون الفندق روحي الحمام فرشي اسنانك وجددي نفسك


وخذي لك بعد الفوط لتغير اليومي عشان بعد اذا كنتم طالعين تكونين فرش ع طول


والله يسهل لك كل امورك ويجمع ما بينكم بخير

 

[گـحِـلْ |~]

البنات ماقصروا