محتاجه مساعدتكم

[Princess^Mom]

السلام عليكم ورحمة الله وبركاته
بنات هالموضوع يخص وحده من رفيجاتهي واهي عزيزه علي حيل وتهمني واتمنى انكم تساعدونها
مشكلتها بشكل عام واختصار شديدة الخوف من كل شي خوف غير طبيعي وفيها وسواس ودائما تفكر بأشياء تخليها تحاتي واتييب لها الاكتئاب والتشاؤم حساسة لابعد الحدود وعندها مواقف بس مواقفها كثيره ومادري شذكر وشخلي لما تشكيلي تكسر خاطري تبجي تقول انا تعبت من تفكيري بس للأسف ماقدر اساعدها اقولها تقربي من الله والحمدلله البنت علاقتها بربها جيده والله يتمم عليها ويزيدها
استفساري اذا تبي تعالج تروح وين بالضبط عند استشارات اجتماعيه ونفسيه نفس مركز ثوابت اذا تعرفونه ام دكتور نفسي منو اللي يقدر يفيدها واللي تعرف دكتور معين ممكن يساعد حالتها ياريت تفيدني باسمه
ومشكورين بنات وايد واتمنى صج صج انكم تساعدوني بحل مشكلتها*

 

[فرس بيضا]

حبيبتي رفيجتج لاازم تروح دكتور نفسي
والشي هذا لاهو عيب و لا حراام
اذا ماراحت راح تتعب زياده
خليها تتوكل ع الله وتروح دكتور نفسي ولا تقول لأي حد يعني لو تودينها انتي احسن لان الناس للأسف عندهم للحين إن اللي يروح دكتور نفسي
مجنون
بنت خالتي راحت للأنصاري ممتاز كانت تحس بخوف ووساوس و قالها عندج قولون عصبي و صرفلها ادويه والحمدلله تمااام الحين
عيادته بالشعب قبال المنتزه

 

[لمى الهاجري]

اممممممممم ممكن تروح عند اخصائية اجتماعية

 

[عسل سل]

ظروووري خليهاا تشووف ردي على موضوع اهني بالمشاكل الاجتماعيه عنواانها الله يشفيني من مرضي ((للفضفضه ))<<< رااح تستفيد حيييل

 

[♥ SWeeRa ♥]

بنات لاتفتحون الروابط اللي فوق
فايروووووووووووووس







صاحبة الموضوع حبيبتي ..
رفيجتج موسوسه..
خليها هي بنفسها تبعد الوسواس عنها

 

[Princess^Mom]

يعطيكم الف عافيه مشكورين وان شالله بنشوف الانصاري ويارب يساعدها وشي اكيد محد راح يدري بيني وبينها وبينكم بس 

 

[Patcholli]

ختروح لدكتور نفسي يعطيها مهدئات راح ترتاح وايد ام ارفيجتي كان تعاني من هالمشكله وكله تخاف من كل شي وراجعت عن دكتور بس الصراحه مادري شسمه والحمدالله ارتاحت وايد

 

[ام زهقانه]

خليها تقرا أية الرحمن والجن.

 

[طموح لايتوقف]

صديقتك خليه تروح لعيادة نفسيه
أذاا كانت في االسعوديه تروح لمركز مطمئنه هذا المركز تاابع للدكتور طارق الحبيب هذاا الدكتور مشهور ومعروف وكل ألأطباء فيه شاطرين وفيه مستشفيات حكوميه في االرياض بعد أطباهم شاطرين من جلسه وحده يعرفون كل شي وأصلا الخوف والوسواس مع االوقت يجيب الأكتئاب

 

[DALALEY]

الله يشافيها انشالله