محتاجه نصيحه بسرعه انا بالمستشفى

[زبــــونــه]

صارلي اليوم 7 ايام من دخلت المستشفى والسبب انه ماي الهادي نزل معاي وانا بعدي بالثامن واليو بصك اسبوعين بالضبط فيه والمشكله مايبون يولدوني والماي ناقص عند البيبي وعايش على المضاد على قولتهم والرحم مفتوح 2 سم و زهقت وخايفه عالبيبي حركته قلت من يومين

ببالي اشرب خروع شرايكم يحمي الطلق مو احسن؟؟؟؟؟؟

 

[dana1986]

لاتلعبين بنفسج حبيبتي خليها على الله وبعد الله على المستشفى

 

[الله كرريم]

ماانصحج تغامرين !! مدام انتي تحت ملاحظة الطبيب بعد الله ليش تعرضين نفسج لاشياء ماتنعرف عواقبها

 

[big heart]

لاتغامرين وخلج تحت ملاحظة الطبيب

 

[c a t w o m a n]

لا حبيبتي الدكاترة أبخص بحالتج لا تسوين شي من نفسج

الله يهون ويتمم عليج تولدين وتقومين بالسلامة إنتي و البيبي

 

[bent_7awa]

لاتغامرين وخلج تحت ملاحظة الطبيب

بالضبط ..!!!

 

[elzyn]

لاتخاطرين بنفسج ودام انج تحت ملاحظت المستشفي ماكو الا الخير
بس انتي عند اي دكتوره ؟؟

 

[الأميرة جوري]

لا ديري بالج اتبعى نصايح الدكتور يمكن بس تدخلين 9 يولدونج....صبري والله يكتب لج الاجر

 

[كويتيه مذهله 87]

انتي مو بالمستشفي شلون تاخذين شغلات الدكتور مو واصفها لج

 

[زبــــونــه]

مشكوووووووووووووورين كل اللي ردوا انا بمستشفى الجهراء وبمسك نفسي بس كل ما اشوف حركه البيبي قلت احاتي اكثر

امانه ادعولي

والله يوفق كل من ردت علي ويرزقها اللي ببالها يارب

 

[كويتيه مذهله 87]

ان الله تشوفينه بحضنج سالم معافي بس انتي لا تحاتين واستودعيه واقري سوره يس

 

[ورده عنابيه]

الاستغفار

 

[هناءالروح]

حبيبتي الله يفرج همج ويقومك بالسلامة
انتبهي من الخروع كثير يقولون انه خطير
بس وكل ربج وادعيه وثقي انه ما بيخليج
كرري قراءة الزلزله والانشقاق واكثري من الاستغفار والدعاء
الله يفرج عنج ويطمنا عليج

 

[om baddor]

لا تلعبين بنفسج وتسوين شي تندمين عليه

الحمد لله انتي بمكان انشالله امين ربنا معاج بالاول والاخر ومسخر لج الاطباء ولله الحمد يراعونج ويقدرون حالتج انتي والبيبي

الله يهون عليج وتقومين بالسلامة انتي وضناج​

 

[زينانه]

الله يستر عليج ويهون عليج
وكثري استغفار وربي بيكون معاج دايم

 

[Tom ♥ Jerry]

.،

سمعت أنه الـ دارسين و التمر يحمي الطلق !
آمبيه بس وآيد اسبوعين و الياهل مآ عنده ماي ! :/
المفروض يولدونج
طلق صناعي يسوون شي يحمون الطلق
ابره اي شي شنو هاذا حرآم

و حركه البيبي طبيعيه يا قلبي بآذن الله
لأنه مآ عنده ماي من جي
تحسين انه حركته قلت
آن شاء الله مآكو الا كل خير (=

 

[كاكاووو]

أنا من راااي طلعي وروحي مستشفي الصباح وااايد أحسن وراح يعرفونلج اكثر وتره موزين حق صحة البيبي
االله لايقول اذا صار ما صاار بيدزونج بالإسعاف حق الصباح
طلعي قبل لايصير اي شي وتتعبين