محتارة بهدية بنت خالي .. 7سنين ^_^

[om MaRyooM]

السلاااااااااام









بنات انا عادة اتفنتك بالهدايا وجذي

بس هالمرة مخي كلش قاافل .. ههه


شنو عندكم افكار حلوة حق بنوتة عمرها 7سنين .. بتروح 2 ابتدائي



وللعلم .. الميزانية محدودة

 

[دلع86]

في شغلات صوب الألعاب تنباع تقدر تسوي لها أساور او تزيين الكيك .... الخ وايد شغلات وفناتق
وروحي كليرز أخذي لها جنطه واكسسوارات وشبيابيص وحطيهم بوكس وعطيها إياه

 

[ديانا سبنسر]

على حسب المناسبة بس عادة البنات بهالعمر يحبون الادوات المكتبية على الشخصية اللي هي تحبها
شباصات واكسسوارات
لعبة مطبخ كامل او باربي طبعا مع تغليف حلو

 

[Killer^Girl]

اكسسوار من شواروفسكي حلوين

 

[ابدا يالغالي مانساك]

الي فووقي لوول صغيره شيعررفهاا كسسوارات


المهم حبيبتي بهالعمر باربياات تكوون طقم كاامل مع الملابس وجذيه
وغلفيهاااا

 

[دلع86]

لوووول لا والله بنات هالزمن مايبون العاب يبون اكسسوارات ومكياج وأصباغ أظافر لوووول مشاء الله عليهم

 

[ديزاينر الكويت]

كليييييرز و انتي مغمضه اكسسوارات او شباصات عندهم شغلات كيوت يحبونها البنات

 

[أم بتول*]

على حسب اهتمام البنت بنتي بعمرها بتحب الألوان والدفاتر الملونة وأختها أصغر منها بتحب المناكير والمكياج والشباصات بقى شوفي شو اهتمامها واتصرفي على هالأساس

 

[اميره1980]

اخذي لها بدلة بنوتيه من h&m اسعارهم معقولة مثلا الفستان مع البدي و الصندل مع جنطة بنوتات صغار متوفر عندهم و اتوقع ما راح يكلفج وايد يمكن من 20 الى 30 دينار

و اذا ميزانيتج اقل من جذي روحي الشايع عندهم ست عطور للأطفال
اتذكر السنة اللي فاتت اخذت حق بنت حماي عمرها 8 سنوات من الشايع ست العطور وايد حلو ما اتذكر السعر بس اقل من 10 دنانير
اتمنى اني فدتج بشي

 

[جذابه بنت ذيابه]

اساليها شنو هوايتها او شنو تحب واشتري لها

او اشتري لها بدله للقرقيعان .. :eh_s(9):

 

[om MaRyooM]

كلكم ذووق والله


شكراا