محتارة بين كلية تجارى وكلية العلوم

[lferj]

سلام عليكم ورحمة الله وبركاتة

بنات ولى عافيكم انا قدمت على التجارى وعلى كلية العلوم
انقلبت بكلية العلوم رياضيات وطبيعة وراح انقبل بكلية التجارى لان نسبتى 70
وسمعت عنها انها صعبة وكلها اتنقلش كل موادها ولازم اخذ تمهيدى رياضيات وانقلش وانا ماعرف انقلش اطقطق بالكلمات
وخايفة حيل شنو تنصحوونى ادخل كلية علوم ولا كلية التجارى
فكرت قلت لو بدخل تجارى احول للتربية احسن من كل المواد انقلش وانا ماعرف
وقالولى لو بدخل كلية العلوم اقدر احول هندسة بس همن قالو ان هالكليات صعبة وكلها انقلش
انا اللى امعقدنى مادة الانقلش :krkrkr:
بس كلية العلوم راح يقبلونى بكورس الثانى وكلية التجارى بكورس الاول
شتنصحوووووووووووونى :eh_s(22):
اذ دخلت كلية العلوم اقدر اصير مدرسة علوم
وحتى التجارى اقدر اصير مدرسة علوم
لانى احب مادة العلوم واايد ومابى ادخل هالكلية بسبب الانقلش

اى صح واذ بدخل كلية العلوم راح يكون عندى كورس الاول فااااااااضية وايد انصحونى ان هالفترة ادرس اننقلش شراااااااايكم
ولا ادخل تجارى بدون ما اضيع كورس ​

 

[مسك بنت حمدان]

من صجج ؟؟؟؟؟

تجاري دبلوم

والعلوم بكالريووووووس ؟؟

فرق السما عن الارض
حبيبتي انا كنت بكلية العلوم وحولت للتربيه
انتي تبين تصيرين مدرسه اخذي مواد وحولي
وان شاء الله سهالات

الجامعه مستواها اعلى بكثير من التجاري


والله يوفقج

 

[Miss.madry]

حبيبتي الجامعه اضمن واحسن وااايد
و٢ شي الانقلش بالجامعه مو شي صعب يعني ماراح يتحجون ٢٤ ساعه انقلش لا بس مصطلحات شي اساسي


واحسن استخيري والي الله كاتبه بيصير

 

[ms mooka]

حبيبآتي اهي ماقالت بقعد بكليه التجاري قآلت بتحووووووووووووول <<<<


انا اقول لا تضيعين من عمرج دشي تجآري وحولي اسهل لج انتي اصلا
دامج مو ذاك الزود مع الانقلشش

وموفقه حبيبتي

 

[فـــخـــر]

^^

زين حتى لو بتحووول حرام : ( لا دشي علوم وحولي انتي جذي جذي بتحولين

وبعدين مومن صجج غيرج يتمنى الجامعه تخلينها وتروحين تطبيقي : \

فكري ترى فرررق كبير عندج كورس استانسي فيه والله بس تبلشين

دراسه بتدورين العطل والراحه

 

[FrFaSha]

طبعا ادشين كليه العلوم وتحولين تربيــه لانه شهاده بكالريوس وبعدين سالفه الانقلش

لا تحاتينها عاديـه يعني اهيا مجرد مصطلحات بعدين بالتربيه شكثر بنات ما يعرفون

انقلش وكا ماشين انتي لا تحاتين ولا تحطين ابالج انها ازمـه وهالكوررس الي قاعده

فيه دشي معهد تعلميلج على الانقلش وسهالات ان شاء الله

وبالنسبه لخطتج الثانيه انه ادشين تجاري وتحولين انا ما انصح فيها ابد ابد ابد

اخذيها منــي البنات يتمننون يدشون الجامعه وانتي حاصلج وبطوفين هالشي ؟

ترا دبلوم ولا شي بالنسبه للبكالريوس واحنا بوقت الناس كله فيه شهايــد

فالبكالريوس أفضل لج بكثير وبعدين انج ادشين كليه العلوم واتحولين تربيه هذي اضمـن من خطتج الثانيه الي يمكن انها ما تصيـر اصلا

موفقــه وأتمنى تستخيرين وتتخذين قرارج بس حطي ابالج الكلام الي قلـته :eh_s(7):

 

[Angel_store]

اب اب اب

 

[ms mooka]

استخـــــــــــيـــــــــــري

اب

اب

 

[ms mooka]

استخيري وبشرينا وين قررتي

 

[نبض الجود]

اكيد العلوم ..

اول كورس بس راح يكون انجليزي الي اهو تمهيدي (رياضيات+انجليزي)

وبعدها بيكون مواد عامه مشتركه تاخذينهم بالاداب او الشريعه .... الخ ..

يعني تدرسينهم بالعربي مو بالانجليزي ..

انتي اول كورس بس اخذي تمهيدي بالعلوم .. الباجي بكليآت ثانيه آفضل​

 

[FoFa stylish]

صح خليج بالعلوم اخذي تمهيدي
عقبها امشي على مواد التربيه بالتخصص اللي تبينه مواد عامه و تندرس بالعربي طبعا بس تحولين خلاص
التجاري شوي صعبه لان التحويل بينها و بين الاساسيه يبيله 4 نقاط و غير الواسطه

اما الجامعه التحويل ما يبيله واسطه تقدرين تحولين حتى الحقوق

 

[الحورية الصغيرة]

البنات يبالغون من ناحيه التمهيدي و جذي

التمهيدي واايد سهل بس يبيله تحضرين كل محاضرة و تسمعين عدل > بالنسبه حق الإنجليزي

أما تمهيدي الرياضيات من إسمه رياضه حلي المسائل إلي يعطيج ياها الدكتور بالمحاضره و درسي كل محاضره بيومها أنا أدبي و سويت جذي لما خذت تمهيدي ماث و الحمد لله نجحت و بدرجات شبه ممتازه من أول مره لاني كنت أدرس كل محاضره بيومها و اذا خايفه من تمهيدي العلوم , إختاري تمهيدي العلوم الإداريه يكون بالشويخ أسهل

و الإنجليزي ما يخرع مال المواد راح يعودونج عليه بالمحاضرات و أغلب الدكاتره يشرحون عربي و إنجليزي و البعض يسمح لج تدخلين مترجم

و بعدين حاليا إلي معاهم باكلريوس مو لاقين وظايف , شلون الدبلوم

لا تسمعين كلام البنات كليه صعبه و ما أدري شنو لانه أغلب البنات ما يبون يدرسون يبون يطلعون و جذي و ما يدرسون فيشوفونه صعب

التمهيدي الرياضيات أنصح حيييييييل بسامر السحار يعطيه ألف عافيه ما قصر معانا

و على فكره راح يكون عندج 3 ميدتيرمات من 20 و فاينل من 40

اذا بكل ميدتيرم يبتي نقول بيت 11 و 14 تحتاجين بالفاينل تيبين من 40 بحدود 25 انتي بس درسي و شيلي في بالج أنها صعبه

و بعد التمهيدي سيدا أبدي بمواد التحويل ولا تسمعين كلام البنات لانه يضيع

و يمدحون الدكتور على أساس الأوف و الحضور و الغياب و الكيرف مو على أساس الشرح و التعامل

 

[ipod-apple]

انا خبري اذا دشتي الجامعه التحويل للتربيه الاساسيه سههل واايد لان الجامعه اعلى ... فاحسن من التحويل من التجاري !


يعني تدشين علوم و تحولين تربيه اساسيه ... واذا قدرتي تحولين تربيه جامعة الكويت احللى و احللى .. =)

بس عقب ماغيروا النسب و ارفعوا و نزلوا مادري شنو نظام التحويل ...


فتـــــــــــأكدي من قواانيــــــن التحويل قبل لااتدشين و تبتلشين ... و موفقه ان شااء الله ..

 

[حنطاويه عسل]

اكيييييد العلوم احسن من التجاري وبعدين اذا بتحولين للتربيه الاساسيه

يبون معدل عالي 3.50 يعني مو مضمون التحويل ولازم اتييبين بكل المواد a

وانتي استخيري وشوفي وبالدراسه ماكو شي صعب ويعني انتي علمي حراااااام تدخلين تجاري

 

[lferj]

واااااااي الحمدالله ريحتووونى
خلااص بدخل علووم ومابى اسمع من احد لان عقدوونى
ان شاء الله بكورس الاول بتعلم وبدرس بالتمهيدى

جزاااااااااااكم الله خير ما قصررتوو ​

 

[m!ss sara]

انا بالعلوم ولا انصح فيها صعبه جدا أنصحج تدخلين عندنا وبعدها تحولين وموفقه

 

[al_sheikha]

من صجججججج
فررررررررررررررررررررررق كبيررر بينهم
طبعا كليةةة العلوووم
واذاا مو عاجبتج حولي بعددين الكلية اللي تبين

 

[بيضه كندر]

اولا شي الكل او الأغلبيه رد ع ان اسم جامعه

اهيا الي تبيه تصيير مدرسه حلو عرفنا الشي الي تبيه اوك

ف لا تقارنون ب ان جامعه مع تجاري

الجامعه كليه العلوم راح تنقبل ثاني كورس حلو
بثاني كورس راح تاخذ تمهيدي بس

هذي سنه كامله راحت عليها

بثالث كورس الي اهيا صيفي او سنه يديده بتاخذ مواد علشان تحول

يعني سنه ونص راحت عليها

ودخلت تربيه وشوفوا متي تتخرج

اما اذا دخلت تجاري وبكورس واحد جمعت نقاط وحولت للتربيه اساسيه

فضتيع عليها كورس واحد بس وبتتخرج بأربع سنين وتصير مدرسه ونفس السالفه الشهاده بكالريوس

هذا كلام من وجه نظري

وانتي حبوبه وكيفج استخيري وشوفي شنو ترتاحين عليه

 

[بيضه كندر]

صح خليج بالعلوم اخذي تمهيدي
عقبها امشي على مواد التربيه بالتخصص اللي تبينه مواد عامه و تندرس بالعربي طبعا بس تحولين خلاص
التجاري شوي صعبه لان التحويل بينها و بين الاساسيه يبيله 4 نقاط و غير الواسطه

اما الجامعه التحويل ما يبيله واسطه تقدرين تحولين حتى الحقوق

الكلام الي قلتيه مادري من وين يايبته

التحويل من التجاري لي التربيه 3.5

وكلش كلش مافي واسطه بالتحويل

 

[بيضه كندر]

اكيييييد العلوم احسن من التجاري وبعدين اذا بتحولين للتربيه الاساسيه

يبون معدل عالي 3.50 يعني مو مضمون التحويل ولازم اتييبين بكل المواد a

وانتي استخيري وشوفي وبالدراسه ماكو شي صعب ويعني انتي علمي حراااااام تدخلين تجاري

المعدل بالعكس موعالي الي صج تبي تحول تدرس وتشد حيلها وتيب هل معدل

ولا موشرط كل المواد A


علشان تييب هل معدل


:eh_s(17):