محتارة في عملي

[*عزة نفس*]

السلام عليكم بنات..
عجبتني آراءكم فحبيت أستشيركم..

أنا قريب أكمل سنتين في شغلي..وقررت إن اكمل سنتين وبعدها أستقيل وأعيش حياتي..
هالفترة أنا أشتغل بما يسمى(شهر انذار)،في قانون العمل السعودي هي فترة اخطار حتى يشوفون بديلة عني في الشغل لأن مايصير أطلع مفاجئ وهم مو مدبرين أمورهم..

المهم ياطويلات العمر أنا من اشتغلت في هالمكان وأنا يوم أوكي وعشرة لا..:rgewrg:
عصبية لين ماضرب عندي القولون العصبي:eh_s(14):..

حارة في العمل لأن أحب الأمور تمشي تمام ومايصير أقوم بشغل غيري..كل واحد له وظيفة معينة هو مكلف فيها ليش أني أقوم بشغله؟؟؟

الادارة القديمة جابت فينا الويل وحطينا يدنا مع بعض واجتمعنا كلنا حتى نقيل شخصية من الادارة كانت سبب في خراب المستوصف اللي أشتغل فيه..وفعلا جات نتايج حلوة وربي وفقنا وأقالوه من المجلس حتى قبل ماتنتهي فترته..

ماتتصورو كيف الأمراض اللي جت لي من العمل مع إن طبيعة شغلي بسيطة تعتبر(موظفة أستقبال)للمرضى(ادخال بيانات،تسجيل مريض)أصعب شي التعامل مع المريض مع اني ولله الحمد عرفت اتعامل مع معظم المرضى وأكسب رضاهم لأن يهمني رضا المريض بالرغم إن إذا جا مريض وسلب حقي أعرف كيف أخذ حقي منه..

أسباب طلب الاستقالة كالتالي:
1-الناس ماتقدر وتتكلم علينا بكلام مو كويس..
*-الناس جالسة بس تمسح بكرامتنا الأرض وصارت تتلغى علينا بكلمات(مايفهمو-بهايم الله يكرمكم)

أكمل بعدين,,لأن انتهى دوامي

 

[مزيونة الخبر]

الاستقبال متعب خلاص انسى الماضي واخذتي خبرة اشتغلي بادارة بالتامين يعني مكتب بعيد عن البيشن احسن الان فرص العمل صارات كثيرة عندنا والله يوفقكك

 

[M!SS.LOBY]

والله يا أختي كلام الناس كثير

والناس ما يخلون احد بحاله

وشغلكم شريف وبالحلال ومميز خدمة لج أجر فيها تسهيل أمور المرضي

ورجاءا ثم رجاءا ثم رجاءا لا تصيرين ضعيفة والناس تأثر فيج المهم انج واثقة من تصرفاتج وأهلج واثقين فيج ما عليج من كلام الملامة

الناس لهم الظاهر مايدرون بحاجتج للوظيفة فكري مية مرة قبل الاستغالة


والحين الكل يدور وظايف وأنتي على سبب بسيط تبين تستغلين الله يهداج وصلي صلاة استخارة

والمكان اللي فيه وظيفتج مكان طاهر ونظيف ولا في شبهه تأكدي وثقي

 

[قمرية الفيس]

غيري دوامج يمكن تترتاحيله ليش تفكرين بالاستقالة حرام

 

[*عزة نفس*]

هلا بنات أشكر كل من شارك وأبدى رايه بموضوعي..

المشكلة إن ماقدر أغير وظيفتي..ولا أقدر أغير دوامي..

وإذا عالناس ماخدين عنا فكرة إن مغازل وإن مانهتمة بشؤون المرضى وإن مقصرين..ينتظرو الشارة علينا ما كأن بنات بلدهم..

يمكن الواحد يقول عصفور باليد خير من عشرة عالشجرة..

بس هالعصفور إذا مستحيل تدب فيه الحياه مرة ثانية وش فايدته؟؟

 

[rose2012]

العصبيه مالها شغل بالقولون العصبي نهائي مجرد تشابه اسماء
التوتر له شغل اما العصبيه لا
قولون عصبي بعني الخلايا العصبيه اللي بالقولون مو متحكمه بحركه الامعاء عدل
عصبيه يعني سريع الغضب
وايد ناس يكررون هالغلط اللي ينرفززززز

 

[*عزة نفس*]

هلا اختي روز..

أني دائما أعصب واذا عصبت أحس بآلام في بطني وتمسك لي الظهر والدكتور هو اللي قال لي التشخيص..

باقول لكم موقف واحكمو..

ضرب فيني ضرس العقل وظليت فيه أسبوع آلام ومعاناه والدكتور المفروض يشيله لي بس أني مارضيت علشان البنات خفت يصير ضغط عليهم..

المهم قلت مالي الا الحكومة وفعلا رحت شلته لأن مواعيدنا مطولة وبالاحرى موافقة التأميم ماجات..
المهم خلعته والدكتورة عطتني مرضي يومين..
عطيت رئيستي خبر قالت لي لا..يوم واحد بس مافي من يغطي مكانك بالرغم إن في ثلاث موظفات وهي الرابعة!!!!
شفت ماكو فايدة كان أكلم المشرف واتساب أقول له الجرح ينزف ومو عارفة أتكلم..
قال لي لاتجين إنتي اجازة رسمية..

وصارت هدرة وسالفة على شي من حقي..بالرغم ان ماخذت مرضي من سنة لأن ماحب عالفاضي والمليان اغيب..

 

[ورد الفلا]

اختي هدي بالج

ولا تعصبين على كل شي ولاتدخلين بغير امور الشغل علشان ما تسوين مشاكل مع احد ..

انا انصحج تحطين عبارة او لافتة امام مكتب الاستقبال فيه نصيحة لحسن الخلق او لوحة لآية قرآنية

علشان الناس الي ماتحترم نفسها تحترم نفسها شوي :/

وخلج باردة يعني لاتاخذين وتعطين مع المرضى بس اخذي بياناتهم وسوي الي عليج

مادري هل قدرت افيدج !!!

 

[دمعة إنسان]

وعليكم السلام ورحمة الله وبركاته

تأكدي أختي لا يوجد وظيفة ما بها تعب ومشاكل حتى لو كانت بسيطة في نظر البعض مثل السوبرماركت وغيره

فالإنسان يحتاج إلى صبر :bbbiu:

وبالنسبة للاستقبال شغله متعبة جداً وبعض الناس أخدوا تفكير عنها سيء لان البعض يتبرجون

أي الوحدة كأنها رايحة عرس مو رايحة دوام

فالناس أخذت نظرة لعلى هذا الشيء كن في نظري هذا ليس مقياس لأني على يقين هناك آخرين محترمين جداً جداً

والشغله شريفة جداً ومتعبة وتحتاج إلى الانتباه وتركيز


بالنسبة حق الإجازة المرضية :bbbiu:

من حقج الراحة وليس من حق أي شخص يقولج تداومي

والمفروض أول ما تستلمي ورقة إجازة مرضية تعملي عليها كوبي وتجلسين بالبيت وتقولين ليهم بالتلفون انج إجازة مرضية اليوم الين يوم الفلاني وتسكرين السماعة

وأول ما ترجعي للدوامج تعطيهم الورقة :yaaaaaarb:

وحاولي انش ما تعصبين مهما يكون ما كوه إنسان مرتاح في العمل لازم يشوف أشخاص تنغص عليه حياته لكن الإنسان لازم يتحمل ضغوطات الحياة من أجل لقمة العيش :bbbiu:


كان الله في عونج

 

[*عزة نفس*]

مشكورة خيتي عالنصيحة..

أني ما أغيب علشان عوار الراس أو شي حتى الله يكرمكم الدورة اذا جت ألزم على نفسي اروح مع إنها متعبة بس أقول لنفسي الشغل أحسن من متابعة آلامها..

في ناس الحمد لله والشكر لو نفسيتها تعبانة أخذت السكليف وبالطقاق في الباقي..

أخذت استخارة علشان الاستمرار في العمل وطلعت مو زينه اني أستمر بالعمل مع ان قلت إذا طلعت أوكي راح أضغط على نفسي وأستمر..
وإلي أخذها لي شيخ ثقة مو أنا علشان أقول أعيد أو شي..

 

[ورد الفلا]

يمكن خيرة لج والزم ماعليج صحتج

موووفقة

 

[*عزة نفس*]

يسلمو عزيزتي عالنصايح...

 

[سعوديه 1]

شغلك ورزقك لا تتركينه وعالكلام ماخوذ خيرة ...


وشكلك و تعاملك مع الاخرين هو المقياس ....

 

[M!SS.LOBY]

اعحبتني فكرة الخوات العضوات

حطي لافته قرأنية او حديث نبوي او حطي لافته فيها اسماء الله الحسنى فكرة حلووووووة جدام شباك الاستقبال

 

[نعم نعم شنو]

سمله عليج من الامراض حبيبتي

صج صج الله يعينج

ان شالله خير يارب

 

[جوري الصالح]

حــــــــبوبة الاستقـــــــــــالة راحـــــــة لــــــــــج ودري بــــــــــالج علـــــــى صحــــــــــتج

 

[granted]

مشكورة خيتي عالنصيحة..

أني ما أغيب علشان عوار الراس أو شي حتى الله يكرمكم الدورة اذا جت ألزم على نفسي اروح مع إنها متعبة بس أقول لنفسي الشغل أحسن من متابعة آلامها..

في ناس الحمد لله والشكر لو نفسيتها تعبانة أخذت السكليف وبالطقاق في الباقي..

أخذت استخارة علشان الاستمرار في العمل وطلعت مو زينه اني أستمر بالعمل مع ان قلت إذا طلعت أوكي راح أضغط على نفسي وأستمر..
وإلي أخذها لي شيخ ثقة مو أنا علشان أقول أعيد أو شي..

شلون اختي مو فاهمة شلون اخذتي استخارة وخذاها شيخ دين؟؟؟؟؟؟؟

خبري الاستخارة ركعتين ودعاء ومو نتيجة تطلع بس ماتتيسر الامور ولا تتيسر وترتاحين

 

[معزوفة عشق&]

شوفي حبيبتي طبيعه شغلك بتلقين مثل هلاشياء واكثر
انتي اشتغلي شغلك بما يرضى الله واحتسبي الاجر من ربي
والله بيعطيك ع قد نيتك ..
وبعدين دام لك سنتين ليش مارقو وظيفتك او عالاقل تكملي معاهم ف الاداره روحي للمدير واطلبي منه هالطلب عالاقل تفتكي شوي من حوسة المرضى
والله يعينك

 

[*عزة نفس*]

هلا خواتي..
مايخالف انقطعت عنكم لأن اليوم الوحيد اللي أوف وارتاح فيه..
تسلمو عزيزاتي لكل من شاركت بموضوعي ونصحتني..

واختي إللي سألتني عن الخيرة..
عادي تسوينها عند شيخ أهم شي يكون ثقة وتقولي له نيتك ان راح تاخذي الخيرة إلى أيش بالضبط...
أو تبيتين النية وتقولين له سوي لي خيرة لشي معين..

مثلا أنا حددت هدفي من الخيرة الاستمرار في العمل..
وجت مو أوكي الاستمرار..

المهم..في شي جديد..

المغرب وأنا اتناقش مع الماما في هالموضوع قالت لي الخيرة خيرة القلب وغير كدا دام انك فاهمة الشغل عدل وهم متمسكين فيك لا تطلعي من يحصل له ناس متمسكين فيه خصوصا ان صعبة ارجع إذا نويت الرجعة.. وإذا علشان رمضان هو يمر بسرعة والدوام نوعا ما خفيف يعني يمدي أطبخ ويمدي أفطر بس مايمدي أغسل مواعين..

العصر وانا رايحة امر على اختي في الصالون كان اشوف اعلان يبون موظفة استقبال براتب اقل ب700 ريال سعودي عن راتبي الحالي..
وغير كدا الاجازة21يوم بس..والدوام 8ساعات بدون تأمين وفي أوفر تايم على حسب..
يعني مافي مميزات غير أن بعيد عن المرضى والقلق..

 

[*عزة نفس*]

هلا بنات بس حبيت ارفع الموضوع وأقول لكم إن المشرف راضاني وبيعطيني اجازة برمضان حسب ما أنا أبغي وعلى اساسه سحبت استقالتي من المستوصف وراح أكمل الدوام
وغير كذا إن فكرت للمدى البعيد إن ماحد فاضي لأحد يعني لمن أزهق ماحد فاضي يقابلني وكل له شغله وحياته اللي لاهي فيها..
فقلت خليني أكمل أفضل زيادة خبرة..

يعطيكم الف عافية عالمشاركات..