محتارة في وضعي واحس الارض فوقي من ثقل الهم

[زهور نيسان]

السلام عليكم


حبيباتي ما راح اطول عليكم بدش عطول بالموضوع

انا متزوجة لي 6 سنين صار حمل 3 مرات ولله الحمد اجهاض عطول
الحمل كله عن طريق تلقيح صناعي
والاجهاض ماله اي اسباب طبية سويت كل تحاليل الاجهاض ماعندي اي مشكلة
اسمع النبض مني ويوم ثاني ينزل :eh_s(11)::eh_s(11):

والله يا بنات احس قلبي حزتها شوي وينشلع من مكانه من كثر القهر وكسرة القلب
انام ودمعتي على خدي ما اشكي غير لربي هو اللي يعلم بحالي


الغريب واللي مخليني محتارة انه لا انا ولا زوجي فينا شي !!!!!!!!!!!!
مافي اي سبب طبي يمنع الحمل\كل تحالينا ممتازة
التبويض عندي ممتاز وتدورتي منتظمة الحمدلله كل شهر
زوجي كل تحاليله ممتازة العدد/ الحركة / كل شي

ساعات من كثر التفكير والقلق يصير عندي ارتفاع بسيط في هرمون الحليب 25 يوصل
بس اعالجه عطول في نفس الشهر وينزل طبيعي

يا بنات قولو لي شسوي بعمري تعبت اطق بيبان المستشفيات حتي الدكاترة مستغربين من وضعنا
لا اله الله الحمدلله كل شي له حكمة الحمدلله لا اعتراض علي حكمته

رحت لردادت اشكال وانواع كل وحدة تقول كلمة وتخربط علي ما غير سحب فلوس

الحمدلله ملتزمة بالاستغفار و الوتر بس البقرة ما اقدر اداوم عليها لازم اقطع في النص غصب عني
:eh_s(16): انعس وانام استغفر الله شكو ما ادري :eh_s(11):

وز وجي ما شاءلله عليه الحمدلله ملتزم صايم ومصلي وبار بوالديه ويخاف الله فيني
يكسر قلبي له هيبه في دشته وطلعته احس ودي اجيب له عيال يحملون اسمه مع انه دايما يقولي انه كل شي مكتوب من رب العالمين وهو راضي باللي يرزقه ربي ما عمره حسسني بالنقص دايما صابر
ويقولي العيال اللي مو منج ما بيهم :eh_s(11):

قولو لي شورو علي من مثل وضعي ودي اسوي انابيب بس خايفة دايما اقول يمكن ربي مو كاتب لي الذرية



​

 

[Mrs.H]

ماعليه ان شاء الله ان الله يرزقج بالوقت المناسب.. انا حملت قبل وتعورت مرتين وصدقيني حسيت انهم خيرة لي وفعلا لاحظت انهم خيرة صج!!!

انتي عليج بالدعاء وانسي موضوع الحمل مؤقتا.. يمكن العلاجات الطبية والشعبية ارهقت رحمج فخليه يرتاح من نفسه وان شاء الله تحملين

بدعييلج ان شاء الله بولادتي

 

[عسل حدي]

حبيبتي روحي عند الدكتوره ماجده اليتامى ويارب خير لاتيئسين من رحمه الله والفرج قريب

 

[زهور نيسان]

تسلمووون لي حبيباتي والله يسهل عليج ولادتج يارب وتقر عينج بشوفته بحضنج

وانتي عسولة بعد يارب يرزقج باللي تتمنينه
واذا عالدكاترة المشكلة مافيني مشكلة علشان اقدر اقول هذا شاطر وهذا فاهم كلهم يقولون لي نفس الكلام

 

[عسل حدي]

رب لا تذرني فردا وانت خير الوارثين

 

[زهور نيسان]

رب لا تذرني فردا وانت خير الوارثين

يا ارحم الراحمين

 

[qoot]

انزين كل مره تحملين تلقيح صناعي ؟

حبيبتي يمكن عين ماصلت على النبي والله الناس ماترحم

اذا حملتي كتمي على حمالج لمن تعدين السادس واهم شيء ارقي نفسج

وان شالله يارب تحملين وتشوفين ولدج بين يدينج

 

[ابدا يالغالي مانساك]

حبييتي انتي بحمالج تنشرين خبر حملج بعد متسمعين النبض وبقولج شي الي راد حملج والله اعلم العين هذا انتي قلتيها متكملين البقره وتنامين دليل فيج عين شربي ماي مقري وضغطي علي نفسج وحاولي تخلصينها وسوي حلطة الرويس وستخدميها بالدوره ربي يجبر بحاطرج

 

[العنودبنت علي]

الله يرزق الجميع يارب

 

[بندرينا]

حبيبتي مدام ماتكملين البقره يمكن عين الي فيج ارقي نفسج واشربي ماي مقري فيه

ورددي دايم هالدعااء لا اله الا انت سبحانك اني كنت من الظالمين وبالذات بقيام الليل


والله يفرجها عليج ويرزقج بالي تتمنينه

 

[ام مهرة 2009]

الشكوى لله ولا حول ولا قوة الا بالله
نفس وضعج الحمدلله بس انا ما يصير حمل وشخصوني بانا عقم غير مفسر لان كل شي سليم حتى ريلي
الحمدلله انا اكتب واحس بغصة بقلبي

 

[زهور نيسان]

تسلمووووون حبيباتي

انا كل حملي تلقيح ولا مرة حملت طبيعي
و ما انشر خبر حملي بس هم اللي حولي يحسون لاني حييييل اتعب واكون ممنوعة من الحركة نهاااااائي


و شلون اعرف انه فيني عين ؟؟ :eh_s(1):
وكيف افرق العين عن السحر يعني صج هالشغلات موجودة اكو ناس تسويها !!!!!!!!!!! :eh_s(1):
وااااي بنات امبيه صج خفت

:eh_s(11):
سورة البقرة مرة وحدة قدرت اداوم عليها شهر وبعدها قطعت ما اقدرت اكمل
الله يقدرني و التزم فيها يارب

​

 

[الريم_85]

حبيبتي
تصدقي واقري البقره واستغفري واذا فيه امكانيه روحي بيت الله وادعي من قلبج وان شاءالله ربج بيرزقج حبيبتي ..

 

[عسل حدي]

رب لا تذرني فردا وانت خير الوارثين

 

[زهور نيسان]

الريم حبيبتي تسلمين

ان شاء الله ربي يقدرني على الخير والحمدلله بيت الله مو قاطعته كل سنة اروح وربي يرزقج ويرزقنا عمرة قريبة يااااااارب

 

[M!SS.LOBY]

الله يفرجها عليج

 

[أأأميرة الورد]

الله يرزقج بالذريه الصالحه

 

[نوفآ]

مابي اخوفج وبعيد السعر عنج وبسم الله عليج

روحي مطوع وخليه يقرا عليج

هذا اما *** او مس مسلم

صار لوحده تعرفها زوجة اخوي
البنت توصل للتايع ويموت البيبي
وطلع فيها مس مسلم يخنق البيبي قبل لا تولد

او *** او عين قووية

لازم علاج مطووع دام كل شي سليم

وبعيد الشر عنج و الله يحفظج ويحميج ويرزقج بتووم ماتمر السنه الا وهم بحضنج و حضن كل محرومه يا مريم يا منان

 

[عسل حدي]

رب لا تذرني فردا وانت خير الوارثين

 

[** باربي **]

شوفي احد يعرف اذا فيج شي ولا *** ولا ربط
وتوكلي وسوي اطفال انابيب انتو تبون ياهل يه من يمين من شمال اسمكم ام وابو وعندكم اعيال يملون عليكم حياتكم
وايد تأخرتو ابهالقرار لا تضيعين عمرج اكثر
لانة في تحليل اسمة مخزون البويضة يديد يبينلج اذا عدد بويضاتج زينة ولا باجر لاسمح الله اذا كبرتي تصعب عليج
سوية اول شي وانصح كل وحدة تسوية اسم ام اس شي جذي ويديد
حرام في بنات يضيعون سنين عمرهم وتروح عليهم