محتارة وين أحط موضوعي

[همس الورود]

أخواتي العزيزات
السلام عليكم ورحمه الله وبركاته
والله مدري شقول لكم مأ دري موضوعي شئ عام او مشكله أو نعمه من عند الله أو مسؤلية
بقولكم السالفه واللي يقدر يساعدني جزاه الله ألف خير
عندي أم زوجي مريضه بالزهايمر منذ سنوات وهي الحين مقعده لا حول ولا قوه
هي تحس باللي حواليها بس ما تقدر تعبر ولا أدري أذا هي جوعانه ولا عطشانه
ما اعرف نظام الاكل اللي ترتاح عليه
ودي منكم مساعده اللي عنده من أهلة من كبار السن نفس الحالة يساعدني .......وأذا كان يعرف دكتور متخصص بالحاله ينظم لي أكلها وشربها ومتي أوقات تبديلها أكون له من الشاكرين ...وجزاه الله عنها كل خير
ورجائي يتثبت موضوعي ...... للفائدة وحتي نقدر نخدم ناس فضلهم علينا كبير ونرد لو جزء بسيط من تعبهم
يارب ترحمها وتعوضها بالجنة ........أمين يارب

 

[جكورة]

مشاركة: محتارة وين أحط موضوعي

همس الورود ماأدري شقولج بس ممكن تعرضونها على دكتور أفضل وأكيد هو راح يعرف حالتها..
والله يشافيها ان شاء الله ...

 

[أغلى حبيبه]

مشاركة: محتارة وين أحط موضوعي

الله يشافيها ان شاءالله

والله اول مره اسمع يهذا المرض

ان شاءالله البنات مايقصرون معاج

 

[همس الورود]

مشاركة: محتارة وين أحط موضوعي

بنات أبي تفاعلكم معاي رجااااااااء
مو شرط يكون فيهم هالمرض ........اذا كانو مقعدين يعني او كبار حيل ما يقدرون يعتمدون علي نفسهم بالاكل ولا التبديل
يعني مثلا ابي تنويع بالاكل المسلوق شنو اقدر اعطيها وما تتعب
مع الشكر

 

[نشـــامي]

مشاركة: محتارة وين أحط موضوعي

الله يشفيها وبرحمها انشالله

تقدرين تنوعين بالاكل مثل:

خضار مسلوقه كوسا جزر وقرررع مفيد وبعدين ضربيهم بالخلاط اذا ماتقدر على اليابس واذا ضفتيلهم ماي الشوربه ماجي او اي شي يصير مثل الشوربه ومفيد

سويلها عصائر طازجه يوميا العصر
عصير جزر مع تفاح ممكن عصير طماط مفيد وضيفيلي شي يحجلي طعمه مثلا فراوله وكيوي

يعني العصيرات الطازجه

وممكن تسوين لها من الشوفان القوطي بوشايب(كويكر )عرفتيه طبخي مع بهار وشويه ماي موحيل ومعجون طماط شويه يصير مثل الجريش روعه وسهل الهضم

ممكن تسوين لها

خثرة(سمج لين مع عيش)أكله كويتيه قديمه

ممكن تقوليلينا شنو شروط اكلها؟

تذكرت حاولي دايما تحطين لها بودر على جسمها وتقلبونها شويه يمين او يسار عشان الظهر مايعفن

تقدرين تسإلين الطبيب اهم لهم طريقه خاصه مع المرضى الكبار

وانشالله بحاول اسوي لج سيرج عن المرض

 

[نشـــامي]

مشاركة: محتارة وين أحط موضوعي

عندما يصبح النسيان شيئاً خطيراً


* مرض النسيان (الزهايمر):
- ينسي الكثير من الناس أشياء صغيرة، مثل مكان مفاتيح السيارة أو ما حدث بالضبط الأسبوع الماضي.


ولكن إذا تكررت حالة النسيان بشكل دائم أو إذا تضمنت أشياء بسيطة تحدث بشكل يومي مثل عنوان المنزل أو أشياء من هذا القبيل، فيمكن أن تكون هذه الحالة من أعراض مرض الزهايمر (النسيان).

السبب الرئيسي لحدوث مرض الزهايمر غير معروف حتى الآن ولكن يعتقد الباحثون أنه مرض يتصل بالجينات الوراثية وعملية تقدم العمر والبيئة المحيطة عدة عوامل هي:
هناك نوعان من الزهايمر: النوع الأول هو نوع وراثي ( الزهايمر العائلي - Fad). وهذا النوع ينتقل عن طريق الجينات الوراثية من أحد الوالدين أو كليهما. هذا النوع غير منتشر ويحدث بنسبة 10% لمن هم قبل سن 65 سنة.
أما النوع الثاني فهو الزهايمر الفردي - Ad) وهو لا يحدث عن طريق الوراثة. ويحدث للأشخاص بعد سن 65 سنة.

- ما هو مرض الزهايمر:
مرض الزهايمر هو حالة مرضية تصيب الخلايا العصبية في المخ وتؤدى إلى إفسادها وإلى انكماش حجم المخ.
كما يصيب الجزء المسئول عن التفكير والذاكرة واللغة. وغالبا ما يحدث للأشخاص فوق سن الستين، ولكنه يمكن أن يصيب أشخاص في سن الأربعين. ويتسبب في أمراض أخرى (اختلال العقل) وانخفاض القدرات العقلية لكبار السن.

- الأعراض:
تتضمن الأعراض المبدئية: حالات النسيان، وعدم القدرة على التركيز. وعندما تتقدم حالة المرض يشعر المريض بأنه غير قادر على تذكر الأحداث وغير مدرك للزمان ولا المكان، ويجد صعوبة في إيجاد الكلمات السليمة للتعبير في الكلام وصعوبة في القيام بالأعمال اليومية البسيطة.

- العلاج:
حتى الآن لا يوجد علاج لمرض الزهايمر أو الحد من الإصابة به. وهناك بعض الأدوية التي تساعد على تحسين الذاكرة وعلى التحكم في بعض أعراض المرض وسلوك المريض أو تساعد في علاج بعض حالات الإحباط أو الاكتئاب المصاحبة له

هذي بعض المعلومات اللي حصلتها عن الزهايمر

على فكره ترى البحث بقوقل عن هالمرض فيه شكثر شغلات ممكن تفيدج


والله يجزاج خير على عنايتج واهتمامج بخالتج ويجعلها بميزان حسناتج

 

[همس الورود]

مشاركة: محتارة وين أحط موضوعي

أخت نشـــامي
جزاج الله ألف خير ......ومشكور ما قصرتي