محتارة وين اسافر لشهر العسل؟؟

[ZeNa Al-Kuwait]

خواتي

السلام عليكم

زوجي اقصد حبيبي..

قال موضوع شهر العسل بيدج اختاري

محتار ة شوفوا يعني ابي على شهر خمسه وابي استانس

و ما ابي ديرة غاليه

انا ووودي اجهز من هناك


طبعا انا نيتي ان شاءالله العمرة اشكر الله على نعمته

و بعدها اتفسح وابدي حياتي الجديدة

...


انتظر خواتي يشاركوني

 

[fona]

وعليكم السلام

اختي انا سامعه انه ماليزيا حلوة وارخيصه ويقولون ان ونااسه حق شهر العسل.

 

[الحلوه80]

على حسب انتي شنو تحبين هل تحبين بحر وجزر وتسبحين او تحبين مكان بارد وثلج حددي اول شنو تحبين عساس نفيدج

 

[ZeNa Al-Kuwait]

مشكورات على الردووووود


عادي انا ابي شي حلوووووو

 

[جنات الورد]

اذا شهر عسل روووحي ماليزيا وتايلند من غير تفكييييييييييييييير بلد المعااريس وانصحج فيها وعن تجربه والله يوفقج

 

[دمـوع الشـموع]

شوفي ماليزيا حلوه لكن زحمه عرب ماتاخذين راحتك الا اذا بتروحون وقت قبل الصيف
وهي اول كانت رخيصه لكن زادت اسعارهم الان بعد ماصارو كل العرب هناك
ممكن تايلند رخيصه وممكن تجيبين شي وشويات من هناك انا صراحه مارحت لها تايلند لكن الي راحو يقولون كذا

 

[gozeya]

اولا----مبروك ---اعتقد ماليزيا---تنفع حك المعريس وكذللك تايلاند ----دخلى منتديات السفر وراح تعرفين كل شى----------------------------------واذا تحتجين معلومات تقدرين تكلمينى على الخاص

 

[Hello_kitty]

اول شي مبروووووووووووووك الزواج

ثاني شي اهنيج على نيتج الطيبة للعمره فعلا حلوه منج تروحين العمره في بداية زواجج

عسى الله يباركلج ويهنيج

انصحج وبشده في ماليزيا عن تجررررررربة فظيعه بكل شي

بالأسواق لا يعلى عليها اخذي وعدي من المجمعات والمولات

تبين جزر واماكن رومانسية فيه

تبين رحلات بحريه وبارشوت وجت سكي وهالسوالف فيه

تبين حدايق ومنتزهات وملاهي فيه

تبين احلى المطاعم واكل حلالالالالالال فيه

تبين رخص واسعااار حلووووووه

تبين امان ومصلى ومسيد في كل مكان وشعب حبوب ودود مسالم فيه

تبين وتبين وتبين شنو ما تبين في ماليزيا وانصحج تطلعين برا كوالالمبور تروحين جزيرة لنكاوي وبيننغ

وتروحين جنتينغ هاي لاند

وتقدرين تروحين المالديف او سنغافوره بطريجج لأنهم يم ماليزيا

 

[رتوجة]

لا حبيبتي يشهر العسل مافي احلى من زلمسي طبيعه تفتح النفس وشي مو طبيعي اما ماليزيا رطوبة وزحمه وكلها خليجيين .. زلمسي بلاد العاشقين رووووووووووووووووعه لاتطوفج

 

[BaiTotia]

من اللي أشوفه

أغالب المعاريس يروحون ماليزيا شهر عسل و سنغافورة

الكل يمدحها بس أنا الصراحة مو رايحتها

ورخيصة نفس ماتبين

موفقه

 

[بنت عبدالغني شربت]

مبروك حبيبتي والله يتمم عليج

انا برايي استراليا تهبل وايد حلوه وانتي وميولج

 

[HASB_83]

بناات يقولون سنغافورة تغم!!!

كلش ماتونس

والا شرايكم؟؟؟

لانها بطريج سفرتي اذا تمدحونها امر عليها ههههه




وبالنسبه للسؤال حبيبتي انا وريلي قررنا على ماليزيا ان شاءالله واااااااااااااايد يمدحها اهو رايحلها من الاول كل شي فيها

طبيعة بحر رحلات سوووق والاسعااار جدا جدا مناسبه


انا الصراحه ماكنت موافقة من الاول بس يالله ان شاءالله الله يسهل
اهم شي انكم تكونون مستانسين مهما كان المكان



والله يهنيج ان شاءالله دخلتي فكره العمره براسي


الله يوفقكم

 

[غيـ الناس ـر]

انصحج باوروبا بهالوقت من السنه جوها روعه ..

انا سافرت لمدة 20 يوم كلفت السفره 7 الاف دينار مع التذاكر والحجوزات والمصرف

بس طبعاً ما تسوقت لاني كنت بشهر العسل ومستحية من ريلي ^_^

انصح في برلين في المانيا .. سوقها رووعه وجوها فضيع ..

وفي هايدلبيرغ مثل قريه وايد هاديه مطله على نهر وهي صغيره حيل بس فيها طبيعه خلااااااااااااااااااااااابه

وامستردام تونس كلها محششين لوول تحسين ناسهم طيبه وسوقتهم تونس نفس السوقه الشعيه


رحت فرنسا بس ما انصحج فيها مو حلوة كلها عرب

 

[بنت الارسنال]

انا انصحج في امريكا ماااااااااااااااااااااااااااااااكو عليها بس تذكرتها غالية