محتارة يابنات تايدوني ولا لا؟

[غارقة بأحزانها]

السلام عليكم:eh_s(7):

والله مادري من وين ابتدي بس كل اللي ابي اقوله اني مو مرتاحة بحياتي الزوجية:eh_s(2):
كل ما اصبر واتحمل واقول ميخالف يوم حلو ويوم مر
بالاخير صبري ينفذ
واحس ان الحل الوحيد اهو الطلاق
تعبت وانا احاول اصلح الامور
انا صارلي 5 سنين متزوجة
ومن بعد السنه الاولى اللي ما كانت خالية من المشاكل بس عالاقل كان فيها بعض الايجابيات
من عقب ما يبت ولدي ابتدت معاناتي
همي كبير والله ياخواتي
صج ما يطق ولا يسكر
بس بارد بخيل بمشاعره وايد مواقف احسه فيها نذل
احس ان مالي قيمة بحياته
هاملني وكل مخليني بروحي بعدي صغيرة بال 25 ومعيشني بعذاب وحرمان من يوم كنت بال 21
صرت احس بالنقص
مو عارفة اوصلكم الموضوع والمشكلة لاني ميته من البجي ودموعي غرقت الكي بورد
مو عارفة ارتب افكاري
سامحوني بنات اعتبرو الموضوع فضفضة وشكوى من اخت لخواتها
ادعولي بنات ترى انا حيييل مهمومه
​

 

[Tejan]

يا حياتي عورتي قلبي الله يهون عليج و يمسح على قلبج و يسخره لج يا ربي :*

 

[كويتية نايس]

ياقلبي الله يسخره لج بس انتي حاولي تغيرين الروتين مثلا اكشخي وسويله ليله مستحيل ينساها حاولي بكل الطرق

 

[صمت مشاعر]

الله يهدي سركم يااارب

 

[ام شووووق]

اتقربي من الله صلي قيام الليل وادعي له بالهدايه

 

[الأميرة الحزينة]

الله يعينج ويفرج همج .. صبرحبيبتي الصبر مفتاح الفرج :bbbiu:

 

[BiiShOoO]

الله يفرج همج و ييسر امووورج يا رب و يطمن قلبج و يهديه و يسخره لج

 

[$$king moon$$]

حبيبتي لاتخلين السنين تمشي وانتي على هالحال
حاولي تتغيرين وتغيرينه
غيري من نفسج ولوكج واسلوبج معاه وحاولي تغيرينه
وتجذبينه صوبج بكل الطرق مثلا روحي فندق معاه
بالشهر مره
حجزي شاليه اومنتجع قعدي معاه اكثر خليه يفضفض
وانتي قولي كل الي بقلبج مع جم دمعه فيه حلول
وايد والله يهون عليج ويسخره لج قولي اميييييين

 

[المرتاحة]

الله يسخره لج يا رب و يفرج همج

 

[غارقة بأحزانها]

مشكورين كلكم يابنات

بس والله اني مو مقصرة معاه بشي مهتمة فيه وباكله وبلبسه
ومهتمه بنفسي
اقعد جدامه وانا مرتبه ومايشم مني الا العطر والبودر
والله اني مليت فلوسي كلها طايرة عالمكياج واللبس اللي حق البيت متنوع من بجامات وقمصاان وجينزات وتنانير
ما يهمه شي
اصبغ ولا اقص شعري مو صوبي
مكياج خفيف او اوفر ما يهمه
اذا الصخر يتكلم اهو يتكلم
والله يابنات ان حتى البوسه ( بوسه الازواج) مايبوسني اياها
حتى حزة الشسمة مالها طعم ومو كل مرة بعد

من زماااااااااااااااااااااااااااااان من ايام الزواج الاولى ما قالي انتي حلوة او احبج
يقولي ما اعرف اعبر وهو جذاب ماكان جذي
واسلوب اني اصارحة وانزل دموع مليت دموعي صارت رخيصة ما قام يهمة
الكلام معاه عقيم مااييب اي نتيجة
ما يطلعني لا انا ولا عيالي لازم حنه ونجره

زهقت ما غير ادعيله وساعات ادعي عليه احس حياتي ضايعة معاه ​

 

[روحي زوجي]

هونيها وهي تهون

اهم شي اخلاقه يصلي يصوم <<< هذا اهم شي

والباقي كل شي له حل يبيله صبر

ابتعدي عن المكياج واللبس خليج عاديه مثل ماكنتي عند اهلج

تدرين انا اكثر منج سنين زواج وزوجي مايحط عينه بعيني <<< بالعربي مايطالعني زجها لوجه

عادي ولا اهتميت تيكت ايزي ومايقول كلام حلو لازم انا اللي اقول هذا بعد اذا لي خلق وفضيت من بناتي

وترا كل شي بالعشره يبين طول ما انتي مو مقصره بحقه ماراح ينسى هالشي بإذن الله

وترا الطلاق كلش مو من صالحج فكري لبعدين مو ليومين

الله يسعدج ويزيل همج

 

[الدلال]

الله يعوضج خير
ذكري ربج واستهدي بالله وربي يمسح على قلبج ويطمنج
استخيري قبل كل شي وتالي الله يكتب اللي فيه الخير والصالح
ربج كريم

 

[غارقة بأحزانها]

وترا كل شي بالعشره يبين طول ما انتي مو مقصره بحقه ماراح ينسى هالشي بإذن الله

حبيبتي انتي
بس اهو مو مبين بعينه كل اللي قاعد اسويه
ويقولي انتي شمسويه يعني؟
انتي ما تدرين عن الدنيا ما تدرين وين الله حاطج
انتي لوما الخدامه تظيعين

اقوله كلمه يردلي عشر
والله العظيم اني مو جذي والكل شايف انا شلون قايمه بالواجب وشايله مسؤوليه البيت واليهال
اهو كل طالع ومايدري عني

واللي يبط جبدي ان يطلع حتى ما يكلف عمره يقول انا طالع مع السلامه تبون شي؟؟
يطلع بدون كلام ولا سلام جني كرسي بالبيت
ويدش البيت هم بعد مايسلم

طفارته ادق عليه ولا اسئله متى بترد
مليت والله انها مو عيشة​

 

[الدميره ..]

هونيها وتهون ودايم ادعي له بصلاتك ....وصدقيني الرجال يبي المره الذكيه اللي تعيش حياتها لنفسها مو له ....

 

[غارقة بأحزانها]

مشكورة قلبي بس استغرب من وجهة النظر هذي
شلون يعني اعيش لنفسي
عيل انا ليش متزوجة واهو ليش متزوج
اذا انا لازم اقوم بكل واجباته وبالمقابل مالي حقوق
وما اعيش مثل اي بنت بعمري
شلون يعني اعيش لنفسي وانا مجبورة اطيعه بكل شي
ماكو رفيجات ماكو صالونات ماكو نادي
اهم شي عيالج قعدي بالبيت جابلي عيالج عيالج اهم شي
وين ما اروح لازم معاي
يتدخل الصغيرة والكبيرة
شلون اعيش لنفسي
واذا انا خالفت واعترضت معناها خربت بيتي
واطلع انا الغلطانه​

 

[انا لحبيبي .]

الله يسخرلك ياه يارب ويحنن قلبه عليك

الله ييسر امرك حبيبتي ، في رب بالسما مطلع على امورنا كلها ، بنصحك بالصبر

والتجأي لله بالدعاء وما تيأسي ابدا ، واستخيري الله وماتتسرعي بطلب الطلاق

فزوجك ولله الحمد مو عاطل ولا بهداك السوء وشوفي حجم مصايب غيرك

من المتزوجات منها مين هو مدمن ومنها من هو بضربها ومنها من بسبها قدام

العالم والناس ومنها من اكبر من هيك وعوني على نفسك بمصائب غيرك

الله يهدي بالك ويصلح الحال يارب العالمين


​

 

[غارقة بأحزانها]

ادري حبيبتي ان مصيبتي اهون من مصيبه غيري
بس مو لان غيري عايش بحال اسوأ او بنفس الوضع معناته اني اتقبل اللي قاعد يصير واني اعيش طول عمري وانا حزينه
حبيبتي صعب تعيشين مع واحد ما يحبج او ما يحسسج بالحب والامان وبكل مرة تتهاوشين معاه يحسسج ان بايعج
صعب تعيشين مع واحد مو متحمل مسئوليه اي شي وبالمقابل ما يقدر اللي انتي تسوينه ويعتبرج مقصرة
صعب تعيشين مع واحد صنم ما يحسسج بانوثتج وانتي بعز شبابج
وايد اشياء قاعدة اعني منها شقول بس وشخلي​

 

[انا لحبيبي .]

بعرف انها صعبه والله حبيبتي ، اصلا هاي اصعب شي للبنت انها تعيش هالشعور

، طيب ماقدرتي تصلحي الوضع؟ ما حاولتي تتكلمي معه قعده صراحه وتتناقشو باامور المستقبل وباامور الحياه؟؟

وبامور المشاكل؟؟ حاولي ما تيأسي ، حاولي مره ومرتين وتلاته ​

 

[غارقة بأحزانها]

بعرف انها صعبه والله حبيبتي ، اصلا هاي اصعب شي للبنت انها تعيش هالشعور​

، طيب ماقدرتي تصلحي الوضع؟ ما حاولتي تتكلمي معه قعده صراحه وتتناقشو باامور المستقبل وباامور الحياه؟؟​

وبامور المشاكل؟؟ حاولي ما تيأسي ، حاولي مره ومرتين وتلاته ​

والله ياحبيبتي اربع سنين وانا احاول مليت زهقت عمري راح وانا على امل ان يتعدل
بس مامنه فايدة والله الحين ما احب اطالع بويهه واحس نظراته كلها شر ونذاله
حاسة اني كارهتة
بس خايفة اني اتحسف اذا انفصلت عنه
ادري اني ماراح اكون سعيدة
بس هم غلط اللي قاعد يصير وحرام
الصبر له حدود​

 

[كتكوته ورديه]

الله يهينج بس استخيري قبل الطلاق