محتارة يابنات تايدوني ولا لا؟

[سموى88]

نعم عيشي لنفسج انسيه شوفي شلون يركض وراج

 

[بدووورة]

مادري شقولج قلبي

بس الله يهديه لج ويصلحه ومايشوف غيرج وعوضج عن السنين الي طافت

عليج
بالصبر وصلاه

 

[غارقة بأحزانها]

لاتعليقققققققققققققققققققققققق

لا تعليق على شنو حياتي
ابي افهم؟؟؟؟؟
:bbbiu:​

 

[غارقة بأحزانها]

مشكورين حبيباتي
اتراب واحساس الطفولة وسموى 88وباربية الكويت
وبدورة و رنين وكل اللي دعولي يجعله بميزان حسناتكم​

 

[غارقة بأحزانها]

حبيتي رنين انتي مستغربة ان انا صارلي 5 ايام ابجي
انا من تزوجته وانا ابجي
ما حسيت معاه حتى اني عروس
كان يرد من الدوام وينام ويصحى المغرب عشان يطالع مباريات كاس العالم او يروح الكراج يصلح سيارته
واذا حاجيته يصرخ علي ويقولي مشغول يعني شسويلج
وعقب ماتزوجنا كان مايحب نطلع كانت الطلعة نادرة بس كان ييب افلام ونطالع ونسولف وكنت مستانسة لان يمي
وطبعا لاني كنت عروس فالغزل وهالشغلات وماشي الحال معني كنت امل وابي اطلع كانت هذي المشكلة الوحيدة
بس عقب مايبت الولد
صار عصبي داش طالع يصرخ ويسهر برة للصبح حتى طلعتي من النفاس ما هميته قطني بالبيت وطلع
وصار مهمل من الناحية العاطفية والجنسية وكان يمارس العادة السرية
وشرى بالفترة هذي لابتوب
وهات ياافلام سكس
تكلمت وتناقشت ينكر ويقول ربعي
يمكن الشي الوحيد اللي قدرت اسيطر عليه السهر
ويا اليوم اللي قالي حملي مرة ثانية طبعا رفضت لاني رابطة كل التغيير اللي صار باني يبت ياهل
واصر وزعل علي ووعدني ان يتغير اذا حملت
وانا الخبلة صدقته وقطيت الحبوب ولان مرات الجماع كانت قليلة بالاسبوعين مرة فما حملت
واتهمني اني اخذ حبوب من وراه
وقتله شلون يعني ماراح احمل من الهوا
وكثف جهده بس عشان احمل
وفعلا حملت ويمكن هالشي ساعد ان يترك العادة السرية او عالاقل يخفف
وصار نوها ما احسن من قبل
وتخرجت من الجامعة وانا حامل بشهرين
وبدت معناة من نوع ثاني
صارت الطلعة ممنوعة
الا اذا مرتني امي وخذتني معاها
وممنوع اسوق السيارة
وكان المنفس الوحيد بيت امه اللي كان بنهاية الشارع فكنت اروح مشي
وطبعا الاخ لاتعدل مثل ما وعدني ولا شي طلعات وروحات وقعدة بالدواوين وما يهتم فيني ولاشي
اللهم سفرني جم يوم دبي عقب حنه
وكان حدة ماله خلق
وطبعا طول الفترة اللي طافت انا كنت شاكة فيه بس ما لقيت اي شي
وعقب ماولدت ما توظفت بسرعة قعدت مع البيبي لما صار عمرها 11 شهر
ولما توظفت صارت تطورات ثانية بالمشاكل​

 

[غارقة بأحزانها]

طبعا اهو لازال على طبعه معيشني الحرمان بالععاطفة والطلعات وعصبي مايبيني اطالب بحقوقي وعلى يوم جذي انفجرت وقمت اصيح مثل الياهل وقعد يقولي انتي مينونة
وعن حركات الخبال
ليما هسترت وحذفته بكوشيه وقتله اذلف مابيك طلقني
انا مينونة يوم اني خذيتك وقعد يدززفيني بعنف
ودقيت على اهلي وخلوه يوصلني عندهم كنت حدي شايشة وابي الطلاق
واهو طبعا الحين عند روحه بريء وملاك ما سوى شي انا العوبة اللي طقيته وقتله اذلف
تميت يومين عند اهلي وانا ميته بحسرتي وبصراع
لاني احبه وبنفس الوقت مو قادرة اعيش معاه
وعقب هاليومين يا يتفاهم مع ابوي مع ان كان ياي يهدد مو يتفاهم
وحط شروط تعجيزيه عشان اذا ابي اردله
وابوي قاله انت بشروطك ماتبيها ترد طلق يبه
قال انا لو بطلق جان طلقت من الاول وطلع واهو معصب
حسيته نذل وبايع
بس تحسفت وقلت بقلبي انا كنت ساكته شاللي خلاني اوصلها جذي
وبالليل قعدت ادزله مسجات استعطفه
ليما تنازل عن شروطه وقالي ردي
رديت
وعقب جم شهر من سكوتي
طبعا ماتغير شي
بس هم سفرني يومين وعقب حنه مو قصده يعوضني
شرى ايفون
وبيوم كنت رادة من الدوام وحطيتله الغدا
راح ينام وانا بعد كنت بنام شفت التلفون عالشاحن وشلته عشان اليهال لايلعبون فيه
وآآآآه من اللي شفته
مسجات مطرشتهم له بنت
بطلت قلت يمكن غلط طلع الاخ يسوي شات معاها ومع غيرها بس اهي كان بينها وبينه علاقة اقوى
بدون شعور ودموعي مثل الشلال رحت بيت اهلي
واهو لما قعد من النوم وما لقاني وتقوله الخدامه اني طلعت تم يدق واسكره بويهه ودزيتله مسج باللي عرفته
ياني طاير بيت اهلي جان زين متحسف لا فوق شينه قوات عينه يقول شلون تطلع من البيت وماتقولي
طبعا هزأته وقتله ماني ناطرة الاذن منك انت انسان غلطت بحقي اكبر غلطة وهم بعد تتكلم
انت شاللي خلاك تسوي جذي وبكل وقاحة انتي شي ما تفهمين فيه لاتتحجين عنه هذا برنامج نكت
قتله بس اللي انا شفته مو نكت
وقتله المسجات اللي حفظتهم وانحفرو بقلبي
ويبعدين يقول خلاص ماكان ببالي شي غلطت
ويلا ردي البيت
وتلملم وجذي وحلف ما يعيدها
رديت وتمت دموعي على خدي لي يوم ثاني
والجرح اليي بقلبي ليلحين موجود
كل هذا على امل ان يتغير
وماتغير
واخر مشكلة اهو ان لازم اييب خدامه لان اللي عندي بتسافر
والاخ معورة قلبه لان بيدفع 500 وجان زين ملوته عنده المنحة مالت اليهال حاطها على قلبه وما عطاني منها الا 50 حق كل ياهل عشان اييبلهم كسوة الصيف

يعني والله تعبت مايبي يحبني ويخلصلي ويعشني بامان ولايبي يصرف ويقوم بواجباته
قاط المسئولييه كلها علي
بس شاطر يتامر ويحط شروط

وما تبيني ابجي
من قلة حيلتي يختج
مالي غير الصبر والدعاء
:eh_s(2):​

 

[ترجمة احساس]

الله يهديه ويسخره لج يارب
اكثري الاستغفار وتصدقي لو مبلغ بسيط بنية الاصلاح
والصلاة اخر الليل والدعاء

 

[Lédy LoOlà]

الله يعينج ويفرج همج يالغاليه .. لاتيأسي ولاتفكري بالطلاق .. حاولي معاه مره ومرتين وعشر والف
غيري من روتينج ومن كل شي .. حاولي تتقربي له تفهميه اكثر وتناقشي وتفاهمي معاه على هدؤ ورواق وقولي له عن كل اللي بخاطرج لاتكبتي في نفسج وتمرضي حالج وهو ولا على باله خل يحس ويشاركج بكل شيء
وان شاء الله بيتغير

 

[البنفسسسج]

ياحياتي لا تنسين الدعا والاستغفار وشغلي الرقيه الشرعيه
في البيت ترا احيانا عين او حسد واحنا ما ندري
وصدقيني راح تشوفين الفرق والله حاسه فيش ومهما يكون تذكري مصايب غيرش
تهون عليش مصيبتش وخليك دايم مبتسمة ضحك وسوالف والشي الي يضايقه تجنبيه
والي محتاجته دزيه مسج والله يسخره لش واتمى انش تغيرين النك نبم

​

ولا تجيبين الحزن لنفسش ياجعل حياتك كلها افراح يارب
*

 

[غارقة بأحزانها]

الله يعينج ويفرج همج يالغاليه .. لاتيأسي ولاتفكري بالطلاق .. حاولي معاه مره ومرتين وعشر والف
غيري من روتينج ومن كل شي .. حاولي تتقربي له تفهميه اكثر وتناقشي وتفاهمي معاه على هدؤ ورواق وقولي له عن كل اللي بخاطرج لاتكبتي في نفسج وتمرضي حالج وهو ولا على باله خل يحس ويشاركج بكل شيء
وان شاء الله بيتغير

امين الله يسمع منج حبيبتي
ومشكورة يالحبيبة:eh_s(7):​

 

[غارقة بأحزانها]

ياحياتي لا تنسين الدعا والاستغفار وشغلي الرقيه الشرعيه
في البيت ترا احيانا عين او حسد واحنا ما ندري
وصدقيني راح تشوفين الفرق والله حاسه فيش ومهما يكون تذكري مصايب غيرش
تهون عليش مصيبتش وخليك دايم مبتسمة ضحك وسوالف والشي الي يضايقه تجنبيه
والي محتاجته دزيه مسج والله يسخره لش واتمى انش تغيرين النك نبم
ولا تجيبين الحزن لنفسش ياجعل حياتك كلها افراح يارب
*

مشكورة حبيبتي انشالله بسوي اللي قلتي عليه
ولو ان صعب علي اتم على طول مبتسمه لازم ينكد علي

​

 

[شطانه طفله]

حبيبتي لاتخلين السنين تمشي وانتي على هالحال
حاولي تتغيرين وتغيرينه
غيري من نفسج ولوكج واسلوبج معاه وحاولي تغيرينه
وتجذبينه صوبج بكل الطرق مثلا روحي فندق معاه
بالشهر مره
حجزي شاليه اومنتجع قعدي معاه اكثر خليه يفضفض
وانتي قولي كل الي بقلبج مع جم دمعه فيه حلول
وايد والله يهون عليج ويسخره لج قولي اميييييين

انا معاها وربي يفرجها عليج

 

[florense]

الله يعينج ياعمري ويفرج عنج

 

[غارقة بأحزانها]

انا معاها وربي يفرجها عليج

مشكورة حبيبتي ما قصرتي بس لو كنت قارية الرد على مشاركتي
جان عرفتي ان ماكو فايدة من اللي قالته
لان
اهو مقتنع ان انا مو ناقصني شي
وان اهو مو سيء ومو مقصر معاي وان انا المتطلبه وان انا اللي لازم اغير من نفسي
:eh_s(11):
والله العالم وبشهادة كل اللي اعرفهم ويعرفون وضعي ان كل الكلام اللي كتبته صج وما ابالغ​

 

[غارقة بأحزانها]

الله يعينج ياعمري ويفرج عنج

مشكورة حياتي:eh_s(7):​

 

[laish ya3ni]

مشكورين كلكم يابنات

بس والله اني مو مقصرة معاه بشي مهتمة فيه وباكله وبلبسه
ومهتمه بنفسي
اقعد جدامه وانا مرتبه ومايشم مني الا العطر والبودر
والله اني مليت فلوسي كلها طايرة عالمكياج واللبس اللي حق البيت متنوع من بجامات وقمصاان وجينزات وتنانير
ما يهمه شي
اصبغ ولا اقص شعري مو صوبي
مكياج خفيف او اوفر ما يهمه
اذا الصخر يتكلم اهو يتكلم
والله يابنات ان حتى البوسه ( بوسه الازواج) مايبوسني اياها
حتى حزة الشسمة مالها طعم ومو كل مرة بعد

من زماااااااااااااااااااااااااااااان من ايام الزواج الاولى ما قالي انتي حلوة او احبج
يقولي ما اعرف اعبر وهو جذاب ماكان جذي
واسلوب اني اصارحة وانزل دموع مليت دموعي صارت رخيصة ما قام يهمة
الكلام معاه عقيم مااييب اي نتيجة
ما يطلعني لا انا ولا عيالي لازم حنه ونجره

زهقت ما غير ادعيله وساعات ادعي عليه احس حياتي ضايعة معاه ​

يمكن انتي اناااااا :eh_s(11)::eh_s(11)::eh_s(11)::eh_s(11)::eh_s(11): نفس وضعج تقريبا ... جتني الامراض وجميع العقد النفيسه من اهماله.. و يبونا نهتم فيهم بعد.... مادري من وييين بنهتم فيهم ونسقيهم حب وحنان واحنا لاعت جبودنا من النشفان والجفاء العاطفي... والله انا مثلج وايد افكر ان حلي الوحيد اني اتركه...
صج ان ساعات ايقصر حتى بحق عياله مو بس يقصر فيني.. بس لمن اشوفهم نايمين والا اذا دخل هو وراحوله يركضون ولهانين عليه اقول ان ربج قال "وبشر الصابرين" .. وهم اتحسف على نفسي صراحة وشبابي اللي دفنه اب اييده واهمله.. انجنيت منه ومن عياله واهله شسوي بسسسسسسسسس بس خليها على الله ربي يجازيه... اكره الرجاجييل دمثهم ثقيل وسخيفين وانانيين ومايدورون الا وناستهم والبيت بالنسبه لهم فندق مزعج يدش ينام ويرقع الباب وراه ولي انزعج طلع يرفه عن نفسه حلايا خشتهم واحنا لنا الحنه والصراخ والصياح والتمجع والامراض والطبيييب :krkrkr:... الله يفرج همج .. واذا لقيتي حل تكفيين قوليلي ياختي ترى ما بقى على شعري الا شعرتين وبصلع من الحره.

 

[درة أهل الطولات]

بس بس بس

حرام اللي قاعدة تسوين بعمرج

اللي مثله يوللللللللللللللللللللللللي

انسيه تجاهليه
دام تبينه

 

[غارقة بأحزانها]

يمكن انتي اناااااا :eh_s(11)::eh_s(11)::eh_s(11)::eh_s(11)::eh_s(11): نفس وضعج تقريبا ... جتني الامراض وجميع العقد النفيسه من اهماله.. و يبونا نهتم فيهم بعد.... مادري من وييين بنهتم فيهم ونسقيهم حب وحنان واحنا لاعت جبودنا من النشفان والجفاء العاطفي... والله انا مثلج وايد افكر ان حلي الوحيد اني اتركه...
صج ان ساعات ايقصر حتى بحق عياله مو بس يقصر فيني.. بس لمن اشوفهم نايمين والا اذا دخل هو وراحوله يركضون ولهانين عليه اقول ان ربج قال "وبشر الصابرين" .. وهم اتحسف على نفسي صراحة وشبابي اللي دفنه اب اييده واهمله.. انجنيت منه ومن عياله واهله شسوي بسسسسسسسسس بس خليها على الله ربي يجازيه... اكره الرجاجييل دمثهم ثقيل وسخيفين وانانيين ومايدورون الا وناستهم والبيت بالنسبه لهم فندق مزعج يدش ينام ويرقع الباب وراه ولي انزعج طلع يرفه عن نفسه حلايا خشتهم واحنا لنا الحنه والصراخ والصياح والتمجع والامراض والطبيييب :krkrkr:... الله يفرج همج .. واذا لقيتي حل تكفيين قوليلي ياختي ترى ما بقى على شعري الا شعرتين وبصلع من الحره.

امين يارب الله يفرج عنج وعني:yaaaaaarb:​

 

[غارقة بأحزانها]

بس بس بس

حرام اللي قاعدة تسوين بعمرج

اللي مثله يوللللللللللللللللللللللللي

انسيه تجاهليه
دام تبينه

انشالله يادرة اقدر اصير قويه وانساه
والله ان مابي شي كثر
ان اشوفه ندمان على قد شعر راسه ان سوى فيني جذي

 

[تعبت اداري...~]

السلام عليكم ورحمة الله وبركاته
شخبارج حبيبتي عسآج طيبه...؟
هآه بشري شخبآر البرنامج معآج عساج موآصله فيه ....!
قلبي معآج ومالي حيله غير الدعاه لج بظهر الغيب
نسئل الله اجابة الدعاء يارب