حبيبتي انا مابي احبطك بالعكس
انا عندي القالون العصبي وارتجاع بالمعدة من اكثر من 9 سنين
وسويت المنضار مرتين ومرة منهم خذوا عينة من المعده كان جدا مؤلم وفي المرتين يطلع التهاب خفيف
في كل مرة كنت احس بعد المنضار وبعد ماتطلع النتيجه بشعور سيء جدا
ماادري ليه يمكن لان المنضار شي متعب وكون انه طلع ماله داعي من الاول فيسببلك احباط.
انا تقريبا درت دكاترة المملكة كلهم وبالاخير وصلت لقناعه ولقرار وهذا من دكتور كان بالطوارى مرة لما كانت عندي نوبة الم فضيعة قال شوفي القالون العصبي مرض ماراح يروح لكن انتي اللي لازم تتعلمين تتعايشين معاه
لازم تعرفين لنفسك,تعرفين ايش الاكل اللي يمرضك وايش الكلام اللي ممكن يغثك ويمرضك والاهم تتعلمين شلون تقولين كل اللي داخلك لكن وانتي مبتسمة
كذا ماراح تحتاجين تجين عندنا بالطوارى كثير
وفعلا بعدها قررت اني ماراروح لدكاترة بعد لانهم مرضوني وكل واحد يقولي كلام وكل واحد يعطيني ادوية وواحد يخليني حالة مزمنة وواحد يقولي لاتاكلين الا مسلوق طول عمرك وواحد يقول مافيك شي حاجة بسيطة (ودي اذبح هالدكتور)
فقررت اني اتعايش مع القالون لمن صار صصديقي
وصدقيني لما تشيلينة من راسك بتطيبين
شيلي من راسك احساس انك مريضة وضعيفه
وتذكري دايم
ابتعدي عن اي شي يغثك لان مافية شي الزم عليك من نفسك,
وقولي الحمدللة على كل حال
صحيح هو شي مزعج وانا معاك لكن الحمدلله على كل حال فية ناس بسم الله علي وعليك وعلى السامعين فيهم سرطانات ويتمنون العافية
الحمدلله على كل حال.
نصيحة قبل الاخيرة:
تفائلوا بالخير تجدوة
نصيحة اخيرة:
لاتوسين المنظار الا لمن تقتنعين انك محتاجة هالشي لاني رحت ل 100 دكتور وكل واحد يقولي بنسوي منضار رغم اني اكون مو محتاجة مناضير هالكثر,تاكدي من حاجتك له.
والله يشفيك ويشفيني يارب
