محتاره القولون العصبى ؟؟؟؟ظايق خلقي

[ريمه الكويت]

اي والله الحمدلله والشكر له وانا عندي تفائل ان لكل داء دواء وانشالله يلقون لكم دوا شندوخه ماجربتي رحتي بره ولا سالتي عن علاجات بالهند او بتايلند مثلا؟؟؟؟؟؟؟؟

وبالنسبه للكلسترول انا فتره ارتفع عندي الكلسترول وسبت علاج كنت اخذه مؤقت فمدحولي حبوب من ايران من اعشاب طبعا وكان من الاشبنت حتى طعمه اشبنت تصدقين وايد نزل الكلسترول عليه وبعد قريت معلومه ((للكوليسترول والدهون/ الخضار والفواكه مع اكل يوميا الجزر بقشره بعد تنظيفه فهو يخفض الكوليسترول بمعدل 30% لديه مع استعمال من محلات الاغذية GNC الكبسولات التاليه بمعدل 3 مرات بعد الاكل Omega-3- 1000mg وهي على شكل كبسولات مستخرجة من زيت السمك الاوميغا تخفض الكوليسترول الضار وترفع النافع ولاضرر من استعمالها مع التقيد بالتعليمات الموجوده بحيث لاتستخدم دائما بل يجب عمل راحة والمعلومات موجودة على العبوة ))

 

[شندوخه]

اي والله الحمدلله والشكر له وانا عندي تفائل ان لكل داء دواء وانشالله يلقون لكم دوا شندوخه ماجربتي رحتي بره ولا سالتي عن علاجات بالهند او بتايلند مثلا؟؟؟؟؟؟؟؟

QUOTE]

بلا جربت رحت لامريكا مستشقى mayo clinic ولان حالتي مطوره ومتقدمه اضطروا يتدخلون جراحي وشفت الموت والله بعيوني بس حمدالله والشكر ربي حبيبي ماينسا عبده وصرت الحين بخير ونعمه الله يتمم علي ويشفي كل المسلمين

 

[ريمه الكويت]

الحمدلله شندوخه والله يشفيج يارب ماقلتي من جم سنه حاشج هالمرض وشلون اكتشفتيه

 

[شندوخه]

الله يسلمج انا اكتشفته من لم كنت صغيره كان عمري تقريبا 8 سنين شلون اكتشفته كنت كله اسهال وترجيع وصخونه والخروج يطلع معاه دم ومره من المرات حاشني نزيف ومن بعدها شخصوني بالصباح قسم الاطفال على انه كرونز والحمدالله تعايشت معاه

 

[شندوخه]

صج ريمه انتي فيج كرونز ولا قولون عصبي عادي ؟

 

[ريمه الكويت]

لابنتي الكبيره مثل حالتكم شاكين فيها كرونز بس اهي مافيها صخونه الي فيها اسهال قوي وقاعده تضعف والم شديد بالبطن خاصه مع قعدتها الصبح وضعف في الدم
سولها كل المناظير بس بقى تحليل الدم عاد دكتورها وايد ممتاز بس حسافه مسافر بس بحاجيه بطمن لان موراضين يصرفون لها اي دوا الا لما تطلع نتايج الدم
انتي سولج تحليل دم ولا من المنظار بين؟؟؟؟

 

[شندوخه]

تحليل الدم يبين اذا في التهاب ولالا بس لازم منظار واشعه ملونه او رنين مغناطيسي
مفاصلها تعورها ؟
ترجع ولالا ؟
لم تاكل على طول تسهل وتكرمين في مخاط او دم ؟
ومنو طبيبها ؟
وظعف الدم مو شرط الحين كل الكويت فيها انيميا لان اكلنا مو صحي

 

[شندوخه]

نسيت اقولج انا سولي منظار من المعده ومن المقعده تكرمين واشعه رنين مغناطيسي

 

[Q8stylle]

ماتشوفين شر ان شاءالله

 

[ريمه الكويت]

شندوخه سوت منظارين واشعه ملونه وانيما الدم ماكان فيها بس مع الاسهال سار فيها

ترجيع كانت ترجع بس هالايام بس لوعه حتى الاكل ماتشتهيه وتشوفينها مكسله يمكن من الانيميا بعد الله اعلم
الاسهال من تقعد من النوم مغص وتكرمين اسهال والمخاط هالايام بس قبل ماكان فيه مخاط بس من كثر ماامعائها ملتهبه والالتهاب ساير فيها من نهايه المريئ الى الامعاء الدقيقه حتى الامعاء سايره ملسه على كلام الدكتور
طبيبها فؤاد العلي

اهي سولها منظارين الي قلتي عنهم وخذو منها عينه والعينه اهي بينت الالتهاب الي عندها بالامعاء بس الرنين ماسو لها

وسوو لها تحاليل دم بس تعرفين التحاليل يدزونهم برا ماطلعت الى اللحين يعني الدم اهو الحاسم شنو فيها بالظبط بس ماعطوها علاجات قالو لما تخلص تحاليلها

انتي بين كرونز من الدم ولا من المنظار؟؟؟

 

[سارونهh_a_z]

ويييييييي مثلي

امس كلمتني الدكتورة تقولي الكبسوله بينت انة معاج التهاب بالمعدة والمريء

والامعاء الدقيقة
وانا يوم السبت تطلع نتايج تحاليلي ويقولولي بالضبط شنو فيني الله يستر:0bee2e8d89:​

 

[الاسطورية]

حبيبيت روحي حق هالدكتور وبس سمعي الكلام
دكتور خالد المخيزيم عيادته يم ماكدونالز الجابريه واهو يعالج بالاميري بثنيان الغانم ومعروف حيييييييييييل بلاكبسوله بلاخرابي يسوولج منظار يعرف شنو فيج

الله يعينج نفس معاناتي بس انا قولون عصبي نفسي بدون شي عضوي
صج عذاااااااااااب حياتي تغيرت

 

[شندوخه]

شندوخه سوت منظارين واشعه ملونه وانيما الدم ماكان فيها بس مع الاسهال سار فيها

ترجيع كانت ترجع بس هالايام بس لوعه حتى الاكل ماتشتهيه وتشوفينها مكسله يمكن من الانيميا بعد الله اعلم
الاسهال من تقعد من النوم مغص وتكرمين اسهال والمخاط هالايام بس قبل ماكان فيه مخاط بس من كثر ماامعائها ملتهبه والالتهاب ساير فيها من نهايه المريئ الى الامعاء الدقيقه حتى الامعاء سايره ملسه على كلام الدكتور
طبيبها فؤاد العلي

اهي سولها منظارين الي قلتي عنهم وخذو منها عينه والعينه اهي بينت الالتهاب الي عندها بالامعاء بس الرنين ماسو لها

وسوو لها تحاليل دم بس تعرفين التحاليل يدزونهم برا ماطلعت الى اللحين يعني الدم اهو الحاسم شنو فيها بالظبط بس ماعطوها علاجات قالو لما تخلص تحاليلها

انتي بين كرونز من الدم ولا من المنظار؟؟؟

حبيبتي والله ماتشوف شر انا بينت اول شي سولي اشعه وتحليل والنتيجه الحاسمه بينت من المنظار
مادري فؤاد العلي ماسمعت احد لايذمه ولا يمدحه بس جربي تعطيها عشبه المليسه والله تهبل انا ارتحت عليها حيل
انا ماكانت امعائي ملسا كثر ماكانت متهتكه لدرجه صار فيني نزيف وعلى طول قرروا يستأصلون منها بس وحده اعرفها فيها كرونز والحمدالله ماستعدوا يشيلون منها جراحياً لان الكرونز مراحل يا متقدمه يا وسط يا خفيفه او عالبدايه والله يطمن قلبج عليها ان شاءالله انا نصيحتي لج روحي فتحيلها ملف بمركز الجهاز الهضمي بمستشفى الاميري مركز ثنيان الغانم ناس فاهمه بالشغله هذي عالاقل يحطولها محاليل تعوض الاسهال يسمونها تغذيه وريديه Tpn انا حطولها لي قبل لا اسوي عمليتي

 

[ريمه الكويت]

الشر مايجيج ويشافيج يارب شندوخه اهي بالمنظار بين التهاب قوي والامعاء مثل المكشوطه بس ناطرين تحاليل الدم ويقررون

فؤاد العلي اهو رئيس قسم الجهاز الهضمي بمبارك اول كان بثنيان الغانم انا كنت اسوي عنده مناظير عندي قرحه بالاثنى عشر وسويت لها عمليه

انزين عشبه المليسه مره شفت لها جياس مثل الجاي بالجمعيه هذي ولا احسن من عند العطار واهي شتسوى بالظبط

عاد انا مسويه لها الاشعه بالاميري والمناظير بمبارك والتحاليل بعياده خاصه ماكو الا اصور كل نتايجها واشوف يااوديها الاميري اومبارك انشالله والله يشفيج ويبرد قلب امج اكيد امج تحاتيج وايد

 

[شندوخه]

جزاج الله خير عالدعوه الحلوه
مسكينه امي الله ياجرها ان شاءالله
والمليسه انا اشتريها اللي بالجمعيه مثل ليبل الجاي وحليه لها بسكر نبات او عسل سدر وايد زين واذا تقدر تشرب فوح قشر الرمان احسن واحسن لانه والله عجيييييب غرب مفعوله جنه كورتيزون ويعالج مو بس يسكن

 

[ريمه الكويت]

الله يسلمج شندوخه رحت العطار وشريت المليسا ورق قالي نقعيه بماي مغلي لاتفوحينه يمدحه حق الغازات والمعده وهالسوالف وبالنسبه للرمان انا بروحي انشف قشور الرمان وايبسه لاني كنت اشرب منه حق عوار المعده يخفف الالم ويبري الجروح ساعات افوحه وساعات اطحنه بودر والهمه لهام زين للاسهال بعد وناس يخلطونه مع عسله وماي زموته وهم يقولون وايد زين
بس ماشالله مادري انه مثل الكورتزون يعالج عاد سامعه ان العرقسوس فيه كرتزون طبيعي مادري يصلح لج ولا لا
وبعد وحده مدحتلي الهليلج من عند العطار تقول زين للمصران على قولتها يعني الامعاء لانه يكون طبقه عليها اذا كانت ملتهبه عاد سالت العطار قال خالصه
تعالي وايد يمدحون كاسات الهوا حق حالاتكم تريحج من الالم والغازات اذا حصليتهم من الجرايد تقدرين تشترينهم وتسوينهم بروحج كل صبحيه على الريج تحطينها على السره نص ساعات يقولون عجيبه انا اذا حصلتهم اقولج

 

[dr_enshalla]

اي والله الحمدلله والشكر له وانا عندي تفائل ان لكل داء دواء وانشالله يلقون لكم دوا شندوخه ماجربتي رحتي بره ولا سالتي عن علاجات بالهند او بتايلند مثلا؟؟؟؟؟؟؟؟

وبالنسبه للكلسترول انا فتره ارتفع عندي الكلسترول وسبت علاج كنت اخذه مؤقت فمدحولي حبوب من ايران من اعشاب طبعا وكان من الاشبنت حتى طعمه اشبنت تصدقين وايد نزل الكلسترول عليه وبعد قريت معلومه ((للكوليسترول والدهون/ الخضار والفواكه مع اكل يوميا الجزر بقشره بعد تنظيفه فهو يخفض الكوليسترول بمعدل 30% لديه مع استعمال من محلات الاغذية GNC الكبسولات التاليه بمعدل 3 مرات بعد الاكل Omega-3- 1000mg وهي على شكل كبسولات مستخرجة من زيت السمك الاوميغا تخفض الكوليسترول الضار وترفع النافع ولاضرر من استعمالها مع التقيد بالتعليمات الموجوده بحيث لاتستخدم دائما بل يجب عمل راحة والمعلومات موجودة على العبوة ))

مشكــــــــورة وايــــــــــــد وانشالله بجرب اللي قلتي عنه

 

[ريمه الكويت]

انشالله وماتشوفين شر دكتورتنا

 

[سارونهh_a_z]

:tek:شندووووووووووووووووووووووووووووووخة:tek:


من اقرا كلامج اتفائل واحس الدنيا بخير​

 

[ريمه الكويت]

ها شخبارج ساروته شنو طلعت نتايج تحاليلج؟؟؟؟؟؟؟؟؟؟؟؟