محتاره بين (جمال الحربي - منذر العجمي- خالد الصبيح ) تكفون ساعدوني

[tosha.al.n]

بنات انا خشمي مفروش ابي اصغره وارفعه ومحتاره بين هالدكاتره محتاره بين (جمال الحربي - منذر العجمي- خالد الصبيح ) تكفون ساعدوني:eh_s(11):

 

[انوثتي غير وياك]

منذر يذمونه ذم اهني

وخالد زين وشين

جمال مادري عنه

ليش ما تروحين ايران ؟؟

يضبطون الخشم

الكل يمدحهم

:eh_s(17):

 

[غرور 9]

طلع باصابعي شعر وانا اقول ياجماعة الخير منذر خليكم بعيد عنه

 

[$نرجس$]

ههههههههههههه غروور اعطتج الخلااصه هههههههههههه انا راي من راي غرووور والله خرب اخشووم البنااات خليج على تقي يمدحوونه ورفيجتي تمدح البنات الي شافتهم بالعيااده وخالد يمدحونه ويذموونه هاذا الي اعرفه

 

[$نرجس$]

بهزااااد روعه والله اذا تقدريين على ايراان من حظج وانا اغبطكم من قلب ولطفي يمدحوونهاذا تقدريين لااتفكريين اهني اتسوينهاا خلييج صوب ايراان بس

 

[freethinker]

جنه اكثر واحد يمدحونه من الي قلتيهم جمال الحربي .. بس مره اكو وحده كاتبه موضوع انه بطل يسوي عمليات

وخالد الصبيح ماعرفه

منذر عليييه ذم بالمنتدى كثر شعر راسسي .. والله اعلم هل له حساد او ناس حاقدين او اهوا فعلا مايعرف يسوي

بس عموما الي بتفيدج بهالموضوع الحلوه الي فوقي ( نرجس ) فديتها ههههههههههههه

 

[zqertya]

خالد الصبيح مخرب خشم رفيجي الفتحات مو نفس الشي

جمال الحربي الكل يمدحه بس موقف للحين عمليات

وانا مثلج محتاره بعد هههههههه اذا جمال ماسوالي على طول بروح ايران عند بهزاد

 

[غرور 9]

حساد وناس حاقدين لمنذر العجمي ع شنو؟ ع البلاوي الي مسويها بخلق الله والله صارت كلمة الحق ينخاف انطلعها ان قلنا روحيله قالو دعايه وان قلنا لاتقربين صوبه قالو حاقدين وحساد
يعين الله
وموفقه حبيبتي ومثل ماقالتلج نرجس اذا قدرتي تسافرين ايران روحي وانتي مغمضه عسئ ربي يكتبلج الخير ويبعد عنج كل مكروه

 

[tosha.al.n]

ههههههههههههه والله و ابتلشنا بهالخشوم بهزاد ماعنده موقع او الي تعرف رقمه وعنوانه تقوولي

 

[مملوحة 2012]

منو حاسد وحاقد حق منذر الله يخليكم بس على شنو :eh_s(14):

والله العظيم انا سويت عنده فاااااشل ما يظبط شي وما يعيد لانه مو شاطر بس يبي ياخذ فلوس

انا من اسمع عن هالدكتور ما ادري تصيبني هستيريا ودي ازنطه :23_asmilies-com:

ولا اطقه مثل هالصوره

والله حرام عليه الحين انا وايد متوهقه من هالخشم مو عارفه شسوي

حبيبتي نصيحة لله منذر العجمي لا تروحين له ما يظبط شي وشايف نفسه وايد ومنافسه خايسه

 

[tosha.al.n]

هههههههههههههههههههههههههههههه حبايبي مشكورين عالردود ماقصرتوو فديييييييييييييتكم

 

[tosha.al.n]

بس انا سمعت ان الاوضاع الامنيه بايران مو شي

 

[..~Goolz]

استخيري قبل كل شي وطلبي من الدكتور صور لعمليات اهو سواها

 

[M❤kaaa]

منذر مثل ما قالو النبات بعدي عننننننننننننننننننننننننننننننننه

جمال الحربي اللي اعرفه انه وقف عمليات ما قام يسوي انا قبل سنتين كنت ادوره وقالولي وقف

خالد ما اعرفه

بس نصيحه روحي ايران اتردين وانتي مستانسه

 

[Dreamy G!rl]

خالد ما يسوي الا حق الحالات المرضية و الضرورة
اما تجميل عشان يصغر الخشم و الا ترتفع الارنبة ما يسوي
و الحمدلله الريال تاب حق رب العالمين و ما يبي يحمل ذنوب الناس
عسى ربي يثبته

 

[diamonda]

منذر لا تفكرين فيه .. واذا فكرتي فيه معناته حطي ابالج ممكن تحتاجين عمليه ثانيه عشان تضبطينه!
الحربي ما قام يسوي تجميل الحين صارله يمكن 3 سنين
عندج الصبيح
وماجد تقي سمعت عنه زين
بس لاااااااااااااا تفكرين بمنذر نصيحة (مجرب) مو نصيحة احد سامع ولا شايف

 

[غلا الأيام]

مثل ما قالوا البنات جمال الحربي ما قام يسوي عمليات

ماجد التقي وبس وتوكلي على الله

 

[زينه البنات2012]

اااب لعيوونج

 

[om al ghaleen]

.., الكويت انتي وحظج يضبط يعني نسبه انه خشمج يصير بيرفكت 40%
صعبه تحصلين دكتور شاطر واذا حصلتي مايقل عن 2000 دينار

لبنان وسوريا انحاشي منهم ..
عندج ايران يطلع خشمج بيرفكت بس النفس استغفرالله
بنات عمي لما يتكلمون معاي احس يشاهقون لمن يتكلمون
بس خشموهم تهبل ماشاء الله ..
ووحده منهم شايل منها الغضاريف بايران راحت عند د عبدالمحسن دفعت 3400 دينار بس ترقع بخشمها وهم بعد مو حلو ..


مسأله الخشم مثل الزواج
انا قلت التجارب اللي شفتها مو كل تجارب البنات يعني الاغلبيه
\\

 

[مملوحة 2012]

up up up