محتاره وابي شوركم

[سمراء جذابه]

مساء الخير

راح اطرح لكم مشكلتي واتمنى مشورتكم لي


انا احب شخص واتفقنا على الزواج طبعا هو من اقاربي من جهه امي

اللي حاصل انا بعد ماتكلم مع اهله انا بيتزوج في بنات من عايلتهم صاروا يخططون عليه ويبونه

اللحين هو خايف انا يضروني بسحر او غيره او يضرونه هو

محتاره مرره مو عارفه لتقدم لي رسمي اوافق عليه ولا لا هل حياتي معاه بتكون مستقره هل اللي
اللحين يفكرون ياخذونه مني راح يضروني فعلا؟
اتمنى الاقي عندكم رد يريحني ويطمني انا عارفه هم بشر مثلنا مايقدرون يضروني الا بامر من الله.....

 

[Hand]

لاتخاقين ولايخاف
تقربي من ربك بالدعاء وقراءه سورة البقره وال عمران لانها تحفظ الانسان من كل سوء
استغفري دايمن وخلي اهلج يعجلون في الموضوع عشان تتزوجون ويصير كل شي
في الامر الواقع وادعي وقت السجود انه ربي يسهل امرج
وقبل الزواج استخيري شوفي ايش يصير وياج
موفقه

 

[كوين سويرا]

أول شي عسى الله يوفقكم و يهنيكم ويحقق لكم كل اللي تبونه♥
ثانيا ماراح يصير شي الا بامر من الله مثل ما قلتي حبيبتي
انتي رقي نفسج و اقري ادعيه تحفظج و تحفظه
وتأكدي باذن الله انه زواجكم راح يتم
مثل ما قالت Hand خلي اهلج يعجلون بالزواج :$
وباذن الله يخطبج و تتزوجون وماراح يصيرلكم شي

موفقه حبييببتتتي♥♥♥♥♥♥​

 

[سمراء جذابه]

اختي هند واختي كوين سويرا ردكم ريح قلبي الله يجزاكم خير وراح اقولكم وش يصير معاي

 

[فتوشه كويتيه]

بصراحه مافهمت الوضع بالضبط بس لو تحبينه وتبينه وتبون بعض ولكم نصيب محد بيوقفه

الله يقربلج الخير ويبعد عنج الشر امين

 

[منيره آل ثاني]

اول شي أرقي نفسج ولا تخافين
ثاني شي أستخيري وشوفي لو هو خير لج بياخذج لو شر الله بيبعده عنج
واذا صار اي من الثنتين قولي الحمد لله

الله يوفقج ويحفظج

 

[aauu-]

الله يتمم لكم على خير ولاتخافون من شي رقو انفسكم وتوكلوا على الله واذا تبينه صج عجلوا الزواج
والله يوفقكم يارب

 

[Um Tuki]

أشهالخرابيـــــــــــــــــــــــــــط

لو اجتمعت الإنس والجن على أن يضروك بشيء ، لم يضروك إلا بشيء قد كتبه الله لك

خلي إيمانج بالله قوي

شنو يوم دروا بيخطب خططوا عليه يبونه .. !

ما شاء الله

اذا يبيج يتقدم لج

اذا تحبينه وافقي

واذا مترددة بلا علاقات وحب و عقب تقولين اخاف من السحر و العين والحسد

و كلام بنت هاليومين

اللي لو اتطيح قالت عين ..

 

[لهفه لقاء]

الله يوووفقكك و يكتب لكك الخيره
استخخيري و توكلي على الله
و حافظظي على اذكاركك و سوره البقره