محتاره وابي منكم الراي السديد

[الله يجمعنا]

:eh_s(10): السلام عليكم يا احلى كويتيات


بدخل بالموضوع على طول.......

انا خريجة علوم اجتماعيه .. وحدى محتاره وين اقدم ؟

انا بخاطري التربيه بس احنا نقدر ندرس بنفس الوقت نقدر نكون اخصائيات (تخصصي علم اجتماع )

وحيل متخوفه من التدريس كونه مسؤوليه وتعب (على الرغم من المعاش القوي)(ومادري شنو الماده الي بندرسها)(واحنا مو هيئينا انا انكون مدرسات)

والاخصائيات : انا وايد حابه اكون اخصائيات بس مادري يقبلوني او لا \هل اقرو الكادر لهم او لا

بلييييييييييييييييييييز فيدوني يالمدرسات قولولي مميزات وعيوب التدريس \ يالاخصائيات قولولي مميزات وظيفتكم وعيوبها :aha:

 

[أبلة لولوة]

شوفي اختي اولاً انا مثلج تخصصي علم اجتماع

وتعينت مدرسة اجتماعيات

لكن نصيحة اذا كنتي فعلا حابة مهنة التدريس ومستعدة تتحملين شقاها اقدمي عليها

وترى تعبها وعيبها اهو منها لكن بالاعمال الاضافية الي تنفرض على المعلمة

والا روحي بعيدة وتعالي سالمة ومرتاحة وانا اختج وايد اريح

لان ترى هالمعاش الي ينقال انه قوي تراه فرق الزيادة الي فيه تنقط على التدريس


انا ما انكر اني تعبانة صح لكن مستمتعة لان ما اتخيل اني بيوم اهد هالمهنة الي فيها اجر لاني ماعتقد في مهنة تعادل فضلها

وبالاخير لاتخلين الاستخارة

والله يوفقج لما فيه الخير بدينج ودنياج يارب .

 

[الله يجمعنا]

يسلمو ابله لولو عالرد الطيب والله يوفقنا اجمعين يارب

 

[ضحـاوي]

التدريس حلو بس يبيله خلق ,, والاجتماعيات ماده وايد حلوه وخفيفه

والله يوفقج

 

[الله يجمعنا]

يسلمو ضحاوي حبيت قلبي

 

[غلا الأيام]

ما يصير حبوبة اتصيرين اخصائية اجتماعية لان تخصصج مو خدمة اجتماعية

وبالنسبة للاخصائيات ومعاشاتهم معاشهم يفشل حيل ، انا توني تعيين يديد ومعاشي 639

واي صح اقروا الزيادة بس ليلحين ماكو شي واضح واكييد ، بس هم على كلام الموجهة الزيادة اتفشل يمكن 60 دينار

وانتي علم اجتماع مثل تخصص اختي ، راح اتصير مدرسة تربية وطنية او مدرسة اجتماعيات

واعتقد بعد تتعينون بالشؤون بس شنو بالضبط ما ادري

بس بشكل عام احنا خريجين العلوم الاجتماعية مظلومين حييل وتخصصاتنا مالها مستقبل وظيفي

فقط ( التربية - الصحة والشؤون ) هذا حدنا ، الا اذا عندج واسطة قوية

وبالتوفيق حبوبة

 

[الله يجمعنا]

يسلمو غلا الايام والله فادتني مشاركتج بعد عمري ماتقصري